കുവൈറ്റ് അന്താരാഷ്ട്ര വിമാനത്താവളത്തിൽ തീപ്പിടിത്തം; ആളപായമില്ല

കുവെെറ്റ്​​ സി​റ്റി: കുവൈറ്റ് അന്താരാഷ്ട്ര വിമാനത്താവളത്തിൽ നിർമ്മാണത്തിലിരിക്കുന്ന പുതിയ ടെർമിനലിൽ തീപ്പിടിത്തമുണ്ടായി. തീപ്പിടുത്തത്തിൽ നാശനഷ്ടങ്ങൾ സംഭവിച്ചെങ്കിലും ആളപായം ഉണ്ടായിട്ടില്ലെന്ന് അധികൃതർ അറിയിച്ചു. അ​ഗ്​​നി​ശ​മ​ന​വി​ഭാ​ഗം തീ നി​യ​ന്ത്രണ വിധേയമാക്കി. അപകടം വി​മാ​ന​ സ​ർ​വീസു​ക​ളെ ബാ​ധി​ച്ചി​ട്ടി​ല്ലെ​ന്ന്​ വ്യോ​മ​യാ​ന വ​കു​പ്പ് അ​റി​യി​ച്ചു.

തി​ങ്ക​ളാ​ഴ്ച രാ​വി​ലെ വി​മാ​ന​ത്താ​വ​ള​ത്തി​ലെ നി​ർ​മാ​ണം പു​രോ​ഗ​മി​ക്കു​ന്ന ടെ​ർ​മി​ന​ൽ ര​ണ്ടി​ലെ ബേ​യ്​​സ്​​മെൻറി​ൽ ആ​ണ് തീ​പ്പിടി​ത്തം ഉ​ണ്ടാ​യ​ത്.ഇ​വി​ടെ പെ​യി​ൻ​റും മ​റ്റു തീ​പ്പിടി​ക്കു​ന്ന വ​സ്​​തു​ക്ക​ളും സൂ​ക്ഷി​ച്ചി​ട്ടു​ണ്ടാ​യി​രു​ന്നു. ആ​ള​പാ​യ​മോ പ​രു​ക്കോ റി​പ്പോ​ർ​ട്ട് ചെ​യ്തി​ട്ടി​ല്ല. അ​പ​ക​ട​ത്തെ കു​റി​ച്ച് അ​ന്വേ​ഷി​ക്കാ​ൻ പൊ​തു​മ​രാ​മ​ത്ത് മ​ന്ത്രി അ​ലി അ​ൽ മൂ​സ ഉ​ത്ത​ര​വി​ട്ടി​ട്ടു​ണ്ട്. തീപ്പിടിത്തത്തിൽ കെട്ടിടത്തിന്റെ ബേസ്‌മെന്റിനും താഴത്തെ നിലയ്ക്കും ഒന്നാം നിലയ്ക്കും വ്യാപകമായ നാശനഷ്ടമുണ്ടായിട്ടുണ്ട്. അപകടത്തിന്റെ ദൃശ്യങ്ങൾ സോഷ്യൽ മീഡിയയിൽ പ്രചരിച്ചു.

4.4 ബില്യൺ ഡോളറിന്റെ ടെർമിനൽ നിർമ്മാണം ഈ വർഷാവസാനം പൂർത്തിയാക്കും. പ്രതിവർഷം 13 ദശലക്ഷം യാത്രക്കാരെ കൈകാര്യം ചെയ്യാൻ പദ്ധതിയിലൂടെ സാധിക്കും.

Story highlights: Fire at Kuwait International Airport