Top

‘പിടിച്ചെടുത്ത പണത്തിന് കൃത്യമായ രേഖകള്‍ ഉണ്ട്’; രേഖകള്‍ ഹാജരാക്കാന്‍ ഒരു ദിവസത്തെ സമയം ചോദിച്ച് കെഎം ഷാജി

കോഴിക്കോട്: തന്റെ വീട്ടില്‍ നിന്നും പിടിച്ചെടുത്ത പണത്തിന് കൃത്യമായ രേഖകള്‍ ഉണ്ടെന്ന് കെഎം ഷാജി എംഎല്‍എ. പിടിച്ചെടുത്ത പണം ബന്ധുവിന്റെ ഭൂമി ഇടപാടിനായി കരുതിയ പണമാണെന്നും അദ്ദേഹം പറഞ്ഞു. പണത്തിന് കൃത്യമായ രേഖകള്‍ ഉണ്ട്. തെരഞ്ഞെടുപ്പ് ആവശ്യത്തിനായി കരുതിയതല്ലെന്നും കെഎം ഷാജി പറഞ്ഞു. രേഖ ഹാജരാക്കാന്‍ ഒരു ദിവസത്തെ സമയം വേണമെന്ന് കെഎം ഷാജി വിജിലന്‍സിനോട് ആവശ്യപ്പെട്ടു. കെഎം ഷാജിയുടെ വീട്ടില്‍നിന്നും 40 ലക്ഷം രൂപയാണ് പിടിച്ചെടുത്തത്. കണ്ണൂരിലെ വീട്ടില്‍നിന്നാണ് പണം പിടിച്ചെടുത്തത്. വിജിലന്‍സ് പരിശോധനയിലാണ് പണം […]

12 April 2021 9:39 AM GMT

‘പിടിച്ചെടുത്ത പണത്തിന് കൃത്യമായ രേഖകള്‍ ഉണ്ട്’; രേഖകള്‍ ഹാജരാക്കാന്‍ ഒരു ദിവസത്തെ സമയം ചോദിച്ച് കെഎം ഷാജി
X

കോഴിക്കോട്: തന്റെ വീട്ടില്‍ നിന്നും പിടിച്ചെടുത്ത പണത്തിന് കൃത്യമായ രേഖകള്‍ ഉണ്ടെന്ന് കെഎം ഷാജി എംഎല്‍എ. പിടിച്ചെടുത്ത പണം ബന്ധുവിന്റെ ഭൂമി ഇടപാടിനായി കരുതിയ പണമാണെന്നും അദ്ദേഹം പറഞ്ഞു.

പണത്തിന് കൃത്യമായ രേഖകള്‍ ഉണ്ട്. തെരഞ്ഞെടുപ്പ് ആവശ്യത്തിനായി കരുതിയതല്ലെന്നും കെഎം ഷാജി പറഞ്ഞു. രേഖ ഹാജരാക്കാന്‍ ഒരു ദിവസത്തെ സമയം വേണമെന്ന് കെഎം ഷാജി വിജിലന്‍സിനോട് ആവശ്യപ്പെട്ടു.

കെഎം ഷാജിയുടെ വീട്ടില്‍നിന്നും 40 ലക്ഷം രൂപയാണ് പിടിച്ചെടുത്തത്. കണ്ണൂരിലെ വീട്ടില്‍നിന്നാണ് പണം പിടിച്ചെടുത്തത്. വിജിലന്‍സ് പരിശോധനയിലാണ് പണം കണ്ടെത്തിയത്.
അനധികൃത സ്വത്ത് സമ്പാദനക്കേസുമായി ബന്ധപ്പെട്ടായിരുന്നു കെ എം ഷാജിയുടെ വീട്ടില്‍ വിജിലന്‍സ് പരിശോധന നടത്തിയത്.വിജിലന്‍സ് എസ് പി ശശിധരന്റെ നേതൃത്വത്തിലാണ് പരിശോധന നടത്തിയത്.

എംഎല്‍എയുടെ കോഴിക്കോട്ടെ വീട്ടിലും വിജിലന്‍സ് പരിശോധന നടത്തിയിരുന്നു. വീട് ഏകദേശം 1.6 കോടി രൂപ വിലമതിക്കുന്നതാണെന്നാണ് കോര്‍പറേഷന്‍ കണ്ടെത്തിയിരുന്നു. വീടിന്റെ മൂന്നാംനില പൂര്‍ണമായും ഒന്നാം നിലയുടെ ചില ഭാഗങ്ങളും അനധികൃതമായി നിര്‍മ്മിച്ചതാണെന്ന് നഗരസഭാ ഉദ്യോഗസ്ഥര്‍ തയ്യാറാക്കിയ റിപ്പോര്‍ട്ടിലുണ്ട്.

ഇതിന് പുറമേ കെഎം ഷാജിക്ക് വരവില്‍ കവിഞ്ഞ സ്വത്തുണ്ടെന്നാണ് വിജിലന്‍സ് കണ്ടെത്തല്‍. വരവിനേക്കാള്‍ 166 ശതമാനം അനധികൃത സ്വത്തുണ്ടെന്ന് വിജിലന്‍സ് അന്വേഷത്തില്‍ കണ്ടെത്തിയിരുന്നു. 2011 മുതല്‍ 2020 വരെയുള്ള വരുമാനത്തിലാണ് വരവില്‍ കൂടുതല്‍ വരവുള്ളത്. ഇക്കാലയളവില്‍ 88,57,452 രൂപയാണ് ഷാജിയുടെ വരുമാനം. എന്നാല്‍, 2,03,80,557 കോടി രൂപയുടെ സമ്പാദ്യം ഈ കാലത്തുണ്ടായെന്നാണ് കണ്ടെത്തല്‍. ഇത് വരവിനേക്കാള്‍ 116 ശതമാനം അധികമാണ്. പ്ലസ്ടു അനുവദിക്കാന്‍ കോഴ വാങ്ങിയെന്ന കേസും നിലനില്‍ക്കുന്നുണ്ട്.

Next Story