'ഭ​ഗവൽ സിം​ഗുമായി ഫോണിൽ സംസാരിച്ചതും സന്ദേശമയച്ചതും ഷാഫിയുടെ സഹായി'; അറസ്റ്റ് ഉടൻ ഉണ്ടായേക്കും

പത്തനംതിട്ട: ഇലന്തൂർ ഇരട്ട നരബലിക്കേസിൽ മുഖ്യ സൂത്രധാരൻ ഷാഫിയുടെ സുഹൃത്തിനേയും പൊലീസ് അറസ്റ്റ് ചെയ്യും. ഷാഫി ആണെന്ന് പറഞ്ഞ് ഭ​ഗവൽ സിം​ഗുമായി ഫോണിൽ സംസാരിച്ചതും, സന്ദേശമയച്ചതും ഈ സഹായിയാണ്. ഇതുവഴി ആണ് ഭ​ഗവൽ സിം​ഗിനേയും ലൈലയേയും വലയിലാക്കിയതെന്നും പൊലീസ് പറഞ്ഞു. സഹായിയെ ഉടൻ തന്നെ അറസ്റ്റ് ചെയ്തേക്കുമെന്നാണ് സൂചന.

ഇതോടെ നരബലിക്കേസിൽ നാലാമതൊരു പ്രതി കൂടി ഉണ്ടാകും. ഷാഫിയുമായി ദീർഘകാലത്തെ ബന്ധമുള്ളയാളാണ് ഇയാളെന്ന് പൊലീസ് നൽകുന്ന വിവരം. ഭ​ഗവൽ സിം​ഗിനെ കൂടാതെ ലൈലയുമായും ഇയാൾ സംസാരിച്ചു. ഇതിനു തെളിവായി മാറിയ ചില ശബ്ദ സന്ദേശങ്ങൾ അന്വേഷണം സംഘം കണ്ടെത്തിയിട്ടുണ്ട്.

ഷാഫി കോലഞ്ചേരി ബലാംത്സഗക്കേസുമായി ബന്ധപ്പെട്ട് ജയിലിലായിരുന്ന സമയത്ത് ഇയാളാണ് 'ശ്രീദേവി-ശ്രീദേവി' എന്ന വ്യാജ അക്കൗണ്ടിൽ നിന്നും ഭഗവൽ സിം​ഗുമായി സംസാരിച്ചത്. കൃത്യത്തിൽ നേരിട്ട് പങ്കാളിയായിട്ടില്ലെങ്കിലും കർമ്മ പദ്ധതി തയ്യാറാക്കുന്നതിൽ ഇയാളുടെയും സ്വാധീനമുണ്ടെന്നാണ് പൊലീസിന്റെ വിലയിരുത്തൽ. കൂടുതൽ സന്ദേശങ്ങൾ കണ്ടെത്താനുള്ള ശ്രമം പൊലീസ് തുടരുകയാണ്.

STORY HIGHLIGHTS: Shafi's assistant talked to Bhagval Singh on the phone and texted him in Elanthoor Incidnet