Top

പോത്തന്‍കോട് കൊലപാതകം; കൊല്ലപ്പെട്ട സുധീഷിന്റെ ഭാര്യാ സഹോദരനുള്‍പ്പെടെ രണ്ട് പേര്‍ കൂടി പിടിയില്‍

രണ്ടാം പ്രതിയും ഗുണ്ടാ സംഘത്തലവനുമായ ഒട്ടകം രാജേഷിനെ മാത്രമാണ് ഇനി പിടികൂടാനുള്ളത്.

15 Dec 2021 12:43 PM GMT
റിപ്പോർട്ടർ നെറ്റ്‌വർക്ക്

പോത്തന്‍കോട് കൊലപാതകം; കൊല്ലപ്പെട്ട സുധീഷിന്റെ ഭാര്യാ സഹോദരനുള്‍പ്പെടെ രണ്ട് പേര്‍ കൂടി പിടിയില്‍
X

പോത്തന്‍കോട് കൊലപാതകത്തില്‍ മുഖ്യപ്രതികള്‍ പിടിയിലായി. ഒന്നാം പ്രതി സുധീഷ് ഉണ്ണി മൂന്നാം പ്രതി ശ്യാം എന്നിവരാണ് പിടിയിലായത്. പിടിയിലായ മൂന്നാം പ്രതി ശ്യാം കൊല്ലപ്പെട്ട സുധീഷിന്റെ ഭാര്യാ സഹോദരനാണ്.

ഇതോടെ കൊലപാതകത്തില്‍ അറസ്റ്റിലായവരുടെ എണ്ണം പതിനൊന്നായി. രണ്ടാം പ്രതിയും ഗുണ്ടാ സംഘത്തലവനുമായ ഒട്ടകം രാജേഷിനെ മാത്രമാണ് ഇനി പിടികൂടാനുള്ളത്.

അരും കൊലയ്ക്ക് പിന്നില്‍ വ്യത്യസ്ത സംഭവങ്ങളിലെ പ്രതികാരമെന്ന് സൂചന. ഭാര്യാ സഹോദരനും കേസിലെ മൂന്നാം പ്രതിയുമായ ശ്യാംകുമാറിനെ അറസ്റ്റ് ചെയ്തതോടെ ഇക്കാര്യത്തില്‍ കൂടുതല്‍ വിവരങ്ങള്‍ ലഭ്യമാകുമെന്ന പ്രതീക്ഷയിലാണ് പൊലീസ്. ശ്യാംകുമാറും കൊല്ലപ്പെട്ട സുധീഷുമായി കഞ്ചാവ് വില്‍പ്പനയുമായി ബന്ധപ്പെട്ട് തര്‍ക്കങ്ങള്‍ നിലനില്‍ക്കുന്നുണ്ടായിരുന്നു. അടുത്തിടെ ശ്യാംകുമാറിനെ സുധീഷ് മര്‍ദ്ദിക്കുകയും ചെയ്തിരുന്നു.

കേസിലെ ഒന്നാം പ്രതി സുധീഷ് ഉണ്ണി എന്ന ആഴൂര്‍ ഉണ്ണിക്കാണ് സുധീഷിനോട് കൂടുതല്‍ പകയുണ്ടായിരുന്നത്. ഉണ്ണിയുടെ അമ്മയ്ക്ക് നേരെ നാടന്‍ ബോംബെറിഞ്ഞ കേസിലെ പ്രതിയാണ് കൊല്ലപ്പെട്ട സുധീഷ്. ഉണ്ണി നേരത്തെ തന്നെ സുധീഷിനെ കൊലപ്പെടുത്താനുള്ള നീക്കങ്ങള്‍ ആരംഭിച്ചിരുന്നു. ഒട്ടകം രാജേഷിനൊപ്പം കൊലയാളി സംഘമൊരുക്കുന്നത് സംബന്ധിച്ച നിര്‍ണായ പങ്കുവഹിച്ചതും ഇയാള്‍ തന്നെയാണ്. ഒട്ടകം രാജേഷ് ഇപ്പോഴും ഒളിവിലാണ്.

Next Story

Popular Stories