Top

മതപരമായ ചടങ്ങുകൾക്ക് നൽകുന്ന പൊലീസ് സുരക്ഷയ്ക്ക് പണം വാങ്ങണം; സർക്കാരിന് ശുപാർശ

12 April 2022 6:17 AM GMT
റിപ്പോർട്ടർ നെറ്റ്‌വർക്ക്

മതപരമായ ചടങ്ങുകൾക്ക് നൽകുന്ന പൊലീസ് സുരക്ഷയ്ക്ക് പണം വാങ്ങണം; സർക്കാരിന് ശുപാർശ
X

തിരുവനന്തപുരം: മതപരമായ ചടങ്ങുകൾക്കും ഉത്സവങ്ങൾക്കും സൗജന്യ സുരക്ഷ നൽകേണ്ടെന്ന നിലപാടിൽ കേരള പൊലീസ്. ഇത്തരം തടങ്ങുകളിൽ നൽകുന്ന സുരക്ഷയ്ക്ക് പണം വാങ്ങണമെന്ന ശുപാർശ പൊലീസ് സർക്കാരിന് നൽകും. ഏറെക്കാലമായി പൊലീസിനുള്ളിൽ ഇക്കാര്യത്തിൽ ചർച്ച നടക്കുന്നുണ്ട്. എന്നാൽ നീക്കത്തിനെതിരെ ഒരു വിഭാ​ഗം എതിർപ്പ് പ്രകടിപ്പിച്ചതോടെ തീരുമാനത്തിലെത്താതെ പോവുകയായിരുന്നു. കഴിഞ്ഞ ദിവസം നടന്ന എഡിജിപി യോ​ഗത്തിലാണ് ഇക്കാര്യത്തിൽ ശുപാർശക്ക് ധാരണയായത്.

മതപരമായ ചടങ്ങുകൾ നടത്തുന്നവർ നിശ്ചിത തുക സർക്കാരിലേക്ക് അടച്ച ശേഷം ക്രമസമാധാന ചുമതല പൊലീസിന് നൽകാനാണ് ശുപാർശ. ഇത്തരം ചടങ്ങുകൾക്ക് സുരക്ഷ നൽകുന്നതിന് സ്വകാര്യ ഏജൻസികളെ നിയോ​ഗിക്കണമെന്നും യോ​ഗത്തിൽ അഭിപ്രായമുണ്ടായി. സ്റ്റേഷൻ ഡ്യൂട്ടിയിലുള്ള പൊലീസുകാരെയാണ് മതപരമായ ചടങ്ങുകൾക്കയക്കുന്നത്.

story highlight: Police says should charge money for giving security in religious ceremonies

Next Story