Top

പി സി ജോര്‍ജ്ജിന്റെ വിവാദ പ്രസംഗം; കൈകൂപ്പി ഷോണ്‍ ജോര്‍ജ്ജ്

അദ്ദേഹത്തിന്റെ പരാമര്‍ശങ്ങളില്‍ ദുഃഖിതരായ മുസ്ലിം സമൂഹത്തോട് ക്ഷമ ചോദിക്കുന്നു

30 April 2022 8:07 AM GMT
റിപ്പോർട്ടർ നെറ്റ്‌വർക്ക്

പി സി ജോര്‍ജ്ജിന്റെ വിവാദ പ്രസംഗം; കൈകൂപ്പി ഷോണ്‍ ജോര്‍ജ്ജ്
X

കൊച്ചി: മുസ്ലീം സമുദായത്തിനെതിരായ പി സി ജോര്‍ജ്ജിന്റെ വിദ്വേഷ പരാമര്‍ശത്തിന് പിന്നാലെ മകന്‍ ഷോണ്‍ ജോര്‍ജ്ജ് പങ്കുവെച്ച ഇമോജി ചര്‍ച്ചയാവുന്നു.

കൈകൂപ്പി നില്‍ക്കുന്ന ഇമോജിയാണ് ഷോണ്‍ ഫേസ്ബുക്കില്‍ പങ്കുവെച്ചിരിക്കുന്നത്. പിസി ജോര്‍ജ്ജിന്റെ പരാമര്‍ശം വലിയ വിവാദമായ സാഹചര്യത്തിലാണ് ഷോണ്‍ രംഗത്തെത്തിയത്.

പി സി ജോര്‍ജ്ജിന്റെ പരാമര്‍ശത്തോട് യോജിപ്പില്ലെന്ന് അദ്ദേഹത്തിന്റെ സഹോദരന്റെ മകന്‍ വിയാനി ചാര്‍ളിയും അറിയിച്ചിരുന്നു. മുസ്ലീം മതവിഭാഗത്തെകുറിച്ച് പി സി ജോര്‍ജ്ജ് പറഞ്ഞ വാക്കുകളോട് യോജിക്കുന്നില്ല. അദ്ദേഹത്തിന്റെ പരാമര്‍ശങ്ങളില്‍ ദുഃഖിതരായ മുസ്ലീം സമൂഹത്തോട് ക്ഷമ ചോദിക്കുന്നുവെന്നുമായിരുന്നു വിയാനി ചാര്‍ളി ഫേസ്ബുക്കില്‍ കുറിച്ചത്.

'എന്റെ പിതാവിന്റെ ജേഷ്ഠ സഹോദരന്‍ ആണ് പിസി ജോര്‍ജ് ഇന്നലെ അദ്ദേഹം നടത്തിയ മുസ്ലിം മത വിഭാഗത്തെ കുറച്ചു പറഞ്ഞ വാക്കുകളോട് യോജിക്കുന്നില്ല.

അദ്ദേഹത്തിന്റെ പരാമര്‍ശങ്ങളില്‍ ദുഃഖിതരായ മുസ്ലിം സമൂഹത്തോട് ക്ഷമ ചോദിക്കുന്നു. നിരവധി മുസ്ലിം സഹോദരങ്ങള്‍ വ്യക്തിപരമായി മെസ്സേജുകള്‍ അയച്ചു ചോദിക്കുകയുണ്ടായി. അവരുടെയൊക്കെ ബുദ്ധിമുട്ടുകള്‍ മനസ്സിലാക്കാന്‍ സാധിക്കുന്നു.' വിയാനി ചാര്‍ളി ഫേസ്ബുക്കില്‍ കുറിച്ചു.


ഹിന്ദു മഹാസമ്മേളത്തിന്റെ മൂന്നാം ദിന സമ്മേളനം ഉദ്ഘാടനം ചെയ്ത് സംസാരിക്കവെയായിരുന്നു പി സി ജോര്‍ജ്ജിന്റെ വിവാദ പരാമര്‍ശം. സംഭവത്തില്‍ യൂത്ത് ലീഗ് ഡിജിപിക്കും മുഖ്യമന്ത്രിക്കും പരാതി നല്‍കിയിട്ടുണ്ട്. കച്ചവടം ചെയ്യുന്ന മുസ്ലിംകള്‍ പാനീയങ്ങളില്‍ വന്ധ്യത വരുത്താനുള്ള മരുന്നുകള്‍ ബോധപൂര്‍വ്വം കലര്‍ത്തുന്നു, മുസ്ലിംകള്‍ അവരുടെ ജനസംഖ്യ വര്‍ദ്ധിപ്പിച്ച് ഇതൊരു മുസ്ലിം രാജ്യമാക്കി മാറ്റാന്‍ ശ്രമിക്കുന്നു, മുസ്ലിം പുരോഹിതര്‍ ഭക്ഷണത്തില്‍ മൂന്ന് പ്രാവശ്യം തുപ്പിയ ശേഷം വിതരണം ചെയ്യുന്നു, മുസ്ലിംകളായ കച്ചവടക്കാര്‍ അവരുടെ സ്ഥാപനങ്ങള്‍ അമുസ്ലിം മേഖലകളില്‍ സ്ഥാപിച്ച് അവരുടെ സമ്പത്ത് കവര്‍ന്നു കൊണ്ടുപോകുന്നു, തുടങ്ങിയ നുണയാരോപങ്ങള്‍ പിസി ജോര്‍ജ്ജ് നടത്തിയെന്നും ഇതെല്ലാം മുസ്ലിം സമുദായത്തെ സംശയത്തിന്റെ മുനയില്‍ നിര്‍ത്താനും മറ്റു സമുദായത്തിലെ വിശ്വാസികള്‍ക്കും ഇവര്‍ക്കുമിടയില്‍ വര്‍ഗ്ഗീയ ചേരിതിരിവ് സൃഷ്ടിക്കാനും മാത്രമാണ് കാരണമാകുകയെന്നും പരാതിയില്‍ പറയുന്നു.

Next Story