Top

പാലക്കാട് സിപിഐഎം ലോക്കല്‍ കമ്മിറ്റി അംഗത്തെ വെട്ടിക്കൊന്നു; പിന്നില്‍ ബിജെപിയെന്ന് ആരോപണം

കഴിഞ്ഞ ദിവസം ഷാജഹാനെ വധിക്കുക എന്ന ലക്ഷ്യവുമായി ബിജെപി സംഘം വീടിന് മുന്നിലെത്തിയിരുന്നതായി ആരോപണമുണ്ട്.

14 Aug 2022 5:30 PM GMT
റിപ്പോർട്ടർ നെറ്റ്‌വർക്ക്

പാലക്കാട് സിപിഐഎം ലോക്കല്‍ കമ്മിറ്റി അംഗത്തെ വെട്ടിക്കൊന്നു; പിന്നില്‍ ബിജെപിയെന്ന് ആരോപണം
X

പാലക്കാട്: പാലക്കാട് സിപിഐഎം പ്രാദേശിക നേതാവിനെ വെട്ടിക്കൊന്നു. പാലക്കാട് കൊട്ടേക്കാട് കുന്നക്കാട് സ്വദേശി ഷാജഹാനാണ് കൊല്ലപ്പെട്ടത്. സിപിഐഎം മരുത റോഡ് ലോക്കല്‍ കമ്മിറ്റി അംഗമാണ് ഷാജഹാന്‍. ആക്രമണത്തിന് പിന്നില്‍ ബിജെപിയാണെന്ന് സിപിഐഎം ആരോപിച്ചു.

'ആക്രമണത്തിന് പിന്നില്‍ ആര്‍എസ്എസ് ആണ്. ഷാജഹാന് ആര്‍എസ്എസ് ഭീഷണിയുണ്ടായിരുന്നു,' സിപിഐഎം പ്രതികരിച്ചു.



രാത്രി 9.15 ഓടെയാണ് സംഭവം. മരുത റോഡില്‍ വെച്ച് ഒരു സംഘം അക്രമികള്‍ മാരകമായി വെട്ടിപ്പരുക്കേല്‍പ്പിക്കുകയായിരുന്നു. ഷാജഹാനെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ഷാജഹാന്റെ മൃതദേഹം പാലക്കാട് ജില്ലാ ആശുപത്രി മോര്‍ച്ചറിയില്‍. കഴിഞ്ഞ ദിവസം ഷാജഹാനെ വധിക്കുക എന്ന ലക്ഷ്യവുമായി ബിജെപി സംഘം വീടിന് മുന്നിലെത്തിയിരുന്നതായി ആരോപണമുണ്ട്.

story highlights: Palakkad CPIM local committee member hacked to death

Next Story