Top

'ഉമ്മന്‍ ചാണ്ടി റോഡ്'; നിയമസഭയില്‍ 52 വര്‍ഷം പൂര്‍ത്തിയാക്കിയ നേതാവിന്റെ പേരില്‍ പാതയുമായി നാട്ടുകാര്‍

സ്വാതന്ത്ര്യദിനത്തില്‍ ളാക്കാട്ടൂരിലെത്തി ഉമ്മന്‍ചാണ്ടി തന്നെയാണ് അദ്ദേഹത്തിന്റെ പേരിലുള്ള റോഡ് ഉദ്ഘാടനം ചെയ്തത്.

17 Aug 2022 1:27 AM GMT
റിപ്പോർട്ടർ നെറ്റ്‌വർക്ക്

ഉമ്മന്‍ ചാണ്ടി റോഡ്; നിയമസഭയില്‍ 52 വര്‍ഷം പൂര്‍ത്തിയാക്കിയ നേതാവിന്റെ പേരില്‍ പാതയുമായി നാട്ടുകാര്‍
X

കോട്ടയം: നിയമസഭയില്‍ 52 വര്‍ഷം പൂര്‍ത്തീകരിച്ച് ചരിത്രത്തില്‍ ഇടം നേടിയ കോണ്‍ഗ്രസ് നേതാവ് ഉമ്മന്‍ചാണ്ടിയുടെ പേരില്‍ ളാക്കാട്ടൂരില്‍ പുതിയ റോഡ് നിര്‍മ്മിച്ച് നാട്ടുകാര്‍. സ്വാതന്ത്ര്യദിനത്തില്‍ ളാക്കാട്ടൂരിലെത്തി ഉമ്മന്‍ചാണ്ടി തന്നെയാണ് അദ്ദേഹത്തിന്റെ പേരിലുള്ള റോഡ് ഉദ്ഘാടനം ചെയ്തത്.

കൂരോപ്പട പഞ്ചായത്തിലെ പതിനേഴാം വാര്‍ഡിലെ ളാക്കാട്ടൂര്‍ കവലയിലാണ് 32 കുടുംബങ്ങളുടെ ദീര്‍ഘനാളത്തെ ആവശ്യത്തിന് പരിഹാരമായി 500 മീറ്റര്‍ നീളത്തിലും പത്ത് അടി വീതിയുമുള്ള പുതിയ റോഡ് നിര്‍മ്മിച്ചിരിക്കുന്നത്.

ഒറവയ്ക്കല്‍-കൂരാലി റോഡില്‍ നിന്ന് വെള്ളൂര്‍-മഞ്ഞാമറ്റം റോഡില്‍ എത്തിച്ചേരുന്ന പുതിയ റോഡാണ് നാട്ടുകാര്‍ നിര്‍മ്മിച്ചത്. സ്വാതന്ത്ര്യദിനത്തില്‍ നടന്ന ചടങ്ങിൽ സ്വദേശ് ലൈബ്രറി പ്രസിഡന്റ് എം ജി ഗോപാലകൃഷ്ണന്‍ നായർ അധ്യക്ഷത വഹിച്ചു.

Story highlights: 'oommen Chandy Road'; Locals carry a path in the name of the leader who completed 52 years in the assembly

Next Story