Top

കേരളത്തില്‍ നാളെ ഒരു സംഘടനയുടേയും ഹര്‍ത്താല്‍ ഇല്ല; ബന്ദെന്ന പേരില്‍ സമരത്തിനിറങ്ങുന്നവര്‍ക്കെതിരെ നടപടി

ചില സംഘടനകള്‍ ബന്ദ് പ്രഖ്യാപിച്ചതായി സോഷ്യല്‍മീഡിയകളില്‍ വ്യാപക പ്രചാരണം.

19 Jun 2022 2:33 PM GMT
റിപ്പോർട്ടർ നെറ്റ്‌വർക്ക്

കേരളത്തില്‍ നാളെ ഒരു സംഘടനയുടേയും ഹര്‍ത്താല്‍ ഇല്ല; ബന്ദെന്ന പേരില്‍ സമരത്തിനിറങ്ങുന്നവര്‍ക്കെതിരെ നടപടി
X

അഗ്‌നിപഥ് പദ്ധതിക്കെതിരായി ഏതാനും ചില സംഘടനകള്‍ ബന്ദ് പ്രഖ്യാപിച്ചതായി സോഷ്യല്‍മീഡിയകളില്‍ വ്യാപക പ്രചാരണം. എന്നാല്‍ ബന്ദ് പ്രഖ്യാപിച്ച സംഘടനകളുടെ പേരോ മറ്റ് വിവരങ്ങളോ വ്യക്തമല്ല. കേരളത്തില്‍ നാളെ ഒരു സംഘടനയുടേയും ഹര്‍ത്താലില്ല. ഭാരത ബന്ദിന് ആരുടേയും പിന്തുണയുമില്ല. ബന്ദെന്ന പേരില്‍ സമരത്തിനിറങ്ങുന്നവര്‍ക്കെതിരെ കര്‍ശന നടപടി സ്വീകരിക്കാനാണ് പൊലീസ് നിര്‍ദേശം.

ബന്ദെന്ന പ്രചരണം നടക്കുന്ന സാഹചര്യത്തില്‍ പൊലീസിനോട് സജ്ജമായിരിക്കാന്‍ ഡിജിപി അനില്‍കാന്ത് നിര്‍ദേശിച്ചു. പൊലീസ് സ്വീകരിക്കേണ്ട മുന്‍കരുതലുകള്‍ സംബന്ധിച്ച് മാര്‍ഗനിര്‍ദേശങ്ങളും പുറപ്പെടുവിച്ചു. പൊതുജനങ്ങള്‍ക്കെതിരെയുള്ള അക്രമങ്ങളും പൊതുസ്വത്ത് നശിപ്പിക്കുന്നതും കര്‍ശനമായി നേരിടും.

അക്രമങ്ങള്‍ക്ക് മുതിരുന്നവരെയും വ്യാപാരസ്ഥാപനങ്ങള്‍ നിര്‍ബന്ധപൂര്‍വം അടപ്പിക്കുന്നവരെയും അറസ്റ്റ് ചെയ്ത് നിയമനടപടി സ്വീകരിക്കും. കോടതികള്‍, വൈദ്യുതിബോര്‍ഡ് ഓഫിസുകള്‍, കെഎസ്ആര്‍ടിസി, മറ്റ് സര്‍ക്കാര്‍ ഓഫിസുകള്‍, സ്ഥാപനങ്ങള്‍ എന്നിവയ്ക്ക് ആവശ്യമായ പൊലീസ് സംരക്ഷണം നല്‍കാന്‍ ജില്ലാ പൊലീസ് മേധാവികള്‍ നടപടി സ്വീകരിക്കും.

സര്‍വീസ് നടത്തുന്ന സ്വകാര്യ ബസുകള്‍ക്ക് പൊലീസ് സുരക്ഷ ഉറപ്പാക്കും. പ്രധാനപ്പെട്ട സ്ഥലങ്ങളില്‍ ഇന്ന് രാത്രി മുതല്‍തന്നെ പൊലീസ് പിക്കറ്റിങും പട്രോളിങും ഏര്‍പ്പെടുത്തും. ജില്ലാ പൊലീസ് മേധാവിമാരുടെ നേതൃത്വത്തില്‍ റേഞ്ച് ഡിഐജിമാരും മേഖലാ ഐജിമാരും സുരക്ഷാക്രമീകരണങ്ങള്‍ ഏകോപിപ്പിക്കും. അക്രമങ്ങളില്‍ ഏര്‍പ്പെടുന്നവര്‍ക്കെതിരെ കര്‍ശന നടപടികള്‍ സ്വീകരിക്കാന്‍ ക്രമസമാധാനവിഭാഗം എഡിജിപിക്ക് നിര്‍ദേശം നല്‍കി.

Next Story

Popular Stories