Top

'ലോഹഭാഗമുള്ളതിനാല്‍ അടിവസ്ത്രം അഴിപ്പിക്കണമെന്ന് ഏജന്‍സി പറഞ്ഞു'; നീറ്റ് പരീക്ഷ വിവാദത്തില്‍ പിടിയിലായ ശുചീകരണ തൊഴിലാളികള്‍

'ഏജൻസി ജീവനക്കാരുടെ നിർദ്ദേശപ്രകാരം കുട്ടികൾക്ക് വസ്ത്രം മാറാൻ തങ്ങളുടെ മുറി തുറന്നു കൊടുക്കുക മാത്രമാണ് ചെയ്തത്'

20 July 2022 3:37 AM GMT
റിപ്പോർട്ടർ നെറ്റ്‌വർക്ക്

ലോഹഭാഗമുള്ളതിനാല്‍ അടിവസ്ത്രം അഴിപ്പിക്കണമെന്ന് ഏജന്‍സി പറഞ്ഞു; നീറ്റ് പരീക്ഷ വിവാദത്തില്‍ പിടിയിലായ ശുചീകരണ തൊഴിലാളികള്‍
X

കൊല്ലം: നീറ്റ് പരീക്ഷയില്‍ പരിശോധനാ ചുമതലയുണ്ടായിരുന്ന സ്വകാര്യ ഏജന്‍സിക്കെതിരെ അറസ്റ്റിലായ ശുചീകരണ തൊഴിലാളികള്‍. ഏജന്‍സിയിലെ ജീവനക്കാരുടെ നിര്‍ദ്ദേശപ്രകാരമാണ് അടിവസ്ത്രം അഴിപ്പിച്ചതെന്ന് റിമാന്‍ഡില്‍ ആയ എസ് മറിയാമ്മ, കെ മറിയാമ്മ എന്നിവര്‍ വെളിപ്പെടുത്തി. ഇരുവരുടേയും പ്രതികരണം റിപ്പോര്‍ട്ടര്‍ ടിവിക്ക് ലഭിച്ചു

കുട്ടികളുടെ അടിവസ്ത്രത്തില്‍ ലോഹഭാഗങ്ങള്‍ ഉള്ളതിനാല്‍ അടിവസ്ത്രം അഴിച്ചു മാറ്റണമെന്ന് ഏജന്‍സിക്കാര്‍ നിര്‍ദേശിച്ചു. ഏജന്‍സി ജീവനക്കാരുടെ നിര്‍ദ്ദേശപ്രകാരം കുട്ടികള്‍ക്ക് വസ്ത്രം മാറാന്‍ തങ്ങളുടെ മുറി തുറന്നു കൊടുക്കുക മാത്രമാണ് ചെയ്തതെന്നും ശുചീകരണ തൊഴിലാളികള്‍ പറഞ്ഞു.

അഞ്ചു പേരായിരുന്നു കേസില്‍ അറസ്റ്റിലായത്. ഇവരുടെ ജാമ്യാപേക്ഷ കോടതി തള്ളിയിരുന്നു. ഭരണഘടനയുടെ 21ാം അനുച്ഛേദത്തിന്റെ ലംഘനമാണ് നടന്നതെന്ന് കോടതി വിലയിരുത്തി. കൂടുതല്‍ പ്രതികളെ പിടികൂടാനുള്ളതിനാല്‍ അഞ്ച് പേര്‍ക്കും ജാമ്യം നല്‍കരുതെന്ന പ്രോസിക്യൂഷന്‍ വാദം കോടതി അംഗീകരിക്കുകയായിരുന്നു.

Story Highlights: NEET Exam Arrested Staff Accusing Security Agency

Next Story