Top

തിരുവനന്തപുരത്ത് കെഎസ്ആർടിസി ജീവനക്കാർക്ക് മർദ്ദനം; 50 പേർക്കെതിരെ കേസ്

കളിയിക്കാവിളയിലേക്ക് പോകുകയായിരുന്ന ഡ്രൈവര്‍ സജിയേയും കണ്ടക്ടര്‍ ശരവണനേയുമാണ് സമരാനുകൂലികള്‍ ആക്രമിച്ചത്.

29 March 2022 11:52 AM GMT
റിപ്പോർട്ടർ നെറ്റ്‌വർക്ക്

തിരുവനന്തപുരത്ത് കെഎസ്ആർടിസി ജീവനക്കാർക്ക് മർദ്ദനം; 50 പേർക്കെതിരെ കേസ്
X

പാപ്പനംകോട് കെഎസ്ആര്‍ടിസി ഡ്രൈവര്‍ക്കും കണ്ടക്ടര്‍ക്കും നേരെ സമരാനുകൂലികള്‍ നടത്തിയ ആക്രമണത്തില്‍ നടപടിയുമായി പൊലീസ്. ജീവനക്കാരെ ക്രൂരമായി മര്‍ദിക്കുകയും കണ്ടക്ടറുടെ തലയില്‍ തുപ്പുകയും ചെയ്തവർക്കെതിരെ പൊലീസ് കേസെടുത്തു. കണ്ടാലറിയാവുന്ന അമ്പതോളം പേർക്കെതിരെയാണ് കേസെടുത്തത്.

തിരുവനന്തപുരത്തുനിന്ന് കളിയിക്കാവിളയിലേക്ക് പോകുകയായിരുന്ന ഡ്രൈവര്‍ സജിയേയും കണ്ടക്ടര്‍ ശരവണനേയുമാണ് സമരാനുകൂലികള്‍ ആക്രമിച്ചത്. ഇരുവരേയും തിരുവനന്തപുരം ജനറല്‍ ആശുപത്രിയില്‍ പ്രവേശിപ്പിച്ചു. ബസ് പാപ്പനംകോട് എത്തിയപ്പോള്‍ സമരപ്പന്തലില്‍ നിന്ന് ഓടിവന്ന ആളുകള്‍ ബസ് തടഞ്ഞുനിര്‍ത്തി ജീവനക്കാരെ മര്‍ദ്ദിക്കുകയായിരുന്നു.

Next Story