കോഴിക്കോട് തൊണ്ടയാട് ബൈപ്പാസിന് സമീപം വൻ തീപ്പിടുത്തം; ബൈക്കുകൾ കത്തിനശിച്ചു

കോഴിക്കോട്: തൊണ്ടയാട് ബൈപ്പാസിന് സമീപം വൻ തീപ്പിടുത്തം. സ്റ്റാർ കെയർ ഹോസ്പിറ്റലിന് സമീപത്തെ കെ.കെ.കെ ചീരംഗൻ ടവറിലാണ് തീപ്പിടുത്തമുണ്ടായത്. കെട്ടിടത്തിന്റെ താഴത്തെ നിലയിൽ പ്രവർത്തിച്ച സ്പെയർ പാർട്സ് കടയ്ക്ക് തീ പിടിക്കുകയായിരുന്നു.

‌‌വെളളിമാട്കുന്നിൽ നിന്നുളള രണ്ട് യൂണിറ്റ് അ​ഗ്നിശമന സേനയെത്തിയാണ് തീയണച്ചത്. തീപിടുത്തത്തിൽ പാർക്കിങ്ങിൽ നിർത്തിയിട്ടിരുന്ന ബൈക്കുകൾ കത്തി നശിച്ചിട്ടുണ്ട്. നാല് ബൈക്കുകൾ പൂർണമായും രണ്ട് ബൈക്കുകൾ ഭാഗികമായുമാണ് കത്തിയത്. ഉച്ചയ്ക്ക് മൂന്നരക്കാണ് സംഭവം. ഷോർട്ട് സെർക്യൂട്ട് ആണ് തീപിടുത്തത്തിന് കാരണമെന്നാണ് പ്രാഥമിക നി​ഗമനം.

STORY HIGHLIGHTS: Massive fire breaks out near Kozhikode Thondayad Bypass