Top

'വിവാഹം കഴിഞ്ഞിട്ടില്ല'; പങ്കുവെച്ചത് ഫോട്ടോ ഷൂട്ട് ചിത്രങ്ങളെന്ന് ആദിലയും നൂറിനും

ഫാത്തിമയെ തേടി ആദില ഹൈക്കോടതിയിൽ ഹേബിയസ് കോർപസ് ഹർജി നൽകുകയും ഇരുവർക്കും ഒരുമിച്ച് ജീവിക്കാൻ അനുമതി ലഭിക്കുകയുമായിരുന്നു.

12 Oct 2022 8:12 AM GMT
റിപ്പോർട്ടർ നെറ്റ്‌വർക്ക്

വിവാഹം കഴിഞ്ഞിട്ടില്ല; പങ്കുവെച്ചത് ഫോട്ടോ ഷൂട്ട് ചിത്രങ്ങളെന്ന് ആദിലയും നൂറിനും
X

തങ്ങള്‍ വിവാഹിതരായിട്ടില്ലെന്ന് ആദില നസ്റിനും ഫാത്തിമ നൂറയും. സാമൂഹിക മാധ്യമങ്ങളില്‍ പ്രചരിക്കുന്നത് ഫോട്ടോ ഷൂട്ട് ചിത്രങ്ങളാണെന്ന് ഇരുവരും പറയുന്നു. 'നേട്ടം: എന്നെന്നും ഒരുമിച്ച്'എന്ന അടിക്കുറിപ്പോടെയാണ് ചിത്രം. വിവാഹ വസ്ത്രമണിഞ്ഞ് അന്യോന്യം മോതിരം കൈമാറുകയും മധുരം പങ്കുവയ്ക്കുകയും ചെയ്യുന്ന ചിത്രങ്ങൾക്ക് താഴെ നിരവധിപേർ ആശംസകൾ അറിയിച്ചിരുന്നു.



ഫാത്തിമ നൂറയ്ക്കൊപ്പം ജീവിക്കാൻ അനുമതി തേടി ആദില നസ്റിൻ ഹൈക്കോടതിയിൽ ഹേബിയസ് കോർപസ് ഹർജി നൽകിയത് വാർത്തയായിരുന്നു. തന്നോടൊപ്പം താമസിക്കാനെത്തിയ കോഴിക്കോട് സ്വദേശിനി ഫാത്തിമ നൂറയെ ബന്ധുക്കള്‍ പിടിച്ചുകൊണ്ടുപോയെന്നും ഫാത്തിമയെ കാണാനില്ലെന്നും കാണിച്ചായിരുന്നു പരാതി. ഇതിന്റ അടിസ്ഥാനത്തിൽ കോടതി ഇരുവർക്കും ഒന്നിച്ച് ജീവിക്കാനുള്ള അനുമതി നൽകി.


സൗദിയിലെ പ്ലസ് വൺ പഠനകാലത്ത് കണ്ടുമുട്ടിയ ഇരുവരും പ്രണയത്തിലാകുകയായിരുന്നു. തുടർന്ന് പ്രണയം വീട്ടിൽ അറിയുകയും വീട്ടുകാർ എതിർത്തു. തുടര്‍ന്ന് തമ്മില്‍ ബന്ധപ്പെടാന്‍ ശ്രമിക്കില്ലെന്ന വാഗ്ദാനത്തിൽ നാട്ടിലെത്തി ഡിഗ്രി പഠനം പൂര്‍ത്തിയാക്കി ചെന്നൈയില്‍ ജോലി നേടിയെടുത്തു. നൂറയുടെ കുടുംബം നസ്റിന് താക്കീത് നൽകിയിരുന്നെങ്കിലും വീട്ടുകാരുടെ എതിര്‍പ്പ് അവഗണിച്ചും ഇരുവരും സ്നേഹബന്ധം തുടരുകയായിരുന്നു. തുടർന്നാണ് കോഴിക്കോടുള്ള ഒരു സന്നദ്ധസംഘടനയിൽ ഇരുവരും അഭയം തേടിയത്. പിന്നീട് നസ്റിന്റെ വീട്ടിലേക്ക് വന്ന നൂറയെ ബന്ധുക്കൾ ബലമായി കൂട്ടിക്കൊണ്ടുപോയതോടെയാണ് ആദില നസ്റിൻ നിയമസഹായം തേടുന്നത്.

(ആദിലയും നൂറയും വിവാഹിതരായെന്ന് വാർത്ത റിപ്പോർട്ടർ ലെെവ് പ്രസിദ്ധീകരിച്ചിരുന്നു. വാർത്ത വസ്തുതാവിരുദ്ധമെന്ന് ഇരുവരും അറിയിച്ചതിനാല്‍ വാർത്ത തിരുത്തി ഖേദം പ്രകടിപ്പിക്കുന്നു.)

Story highlights: Adhila Nasarin and Fathima Noora got married.

Next Story