Top

പൊലീസ് സ്റ്റേഷനുകളിലേക്ക് കുടുബശ്രീ പ്രവർത്തകരെത്തുന്നു; സ്ത്രീ കർമ്മ സേനയ്ക്ക് ശുപാർശ

20 Jan 2022 8:54 AM GMT
റിപ്പോർട്ടർ നെറ്റ്‌വർക്ക്

പൊലീസ് സ്റ്റേഷനുകളിലേക്ക് കുടുബശ്രീ പ്രവർത്തകരെത്തുന്നു; സ്ത്രീ കർമ്മ സേനയ്ക്ക് ശുപാർശ
X

പൊലീസിന്റെ ഭാ​ഗമാവാൻ ഇനി കുടുംബശ്രീ അം​ഗങ്ങളും. സ്ത്രീ കർമ്മസേനയെന്ന പേരിൽ കുടുംബശ്രീ അം​ഗങ്ങളുടെ പ്രത്യേക സംഘം കേരള പൊലീസിൽ രൂപീകരിക്കും. തെരഞ്ഞെടുക്കപ്പെടുന്ന കുടുംബശ്രീ അം​​ഗങ്ങൾക്ക് പരിശീലനവും യൂണിഫോമും നൽകും. ഡിജിപി അനിൽകാന്ത് പദ്ധതിയുടെ വിശദ രേഖ തയ്യാറാക്കും.

അതേസമയം കേരള പൊലീസിലെ സേനാം​ഗങ്ങളായല്ല കുടുംബശ്രീ അം​ഗങ്ങളെ തെരഞ്ഞെടുക്കുന്നത്. സ്റ്റുഡന്റ് പൊലീസിലെ പ്രത്യേക വിഭാ​ഗമായിട്ടായിരിക്കും ഇവർ പ്രവർത്തിക്കുക. പൊലീസ് സ്റ്റേഷനുകളെ കൂടുതൽ സ്ത്രീ സൗഹൃദമാക്കുന്നതിന്റെ ഭാ​ഗമായാണ് തീരുമാനം. ആഴ്ചയിൽ മൂന്ന് ദിവസമെങ്കിലും കുടുംബശ്രീക്കാർ പൊലീസ് സ്റ്റേഷനിലുണ്ടാവണം.

ഡിജിപിയുടെയും നിയമസമിതിയുടെയും ശുപാർശ പ്രകാരമാണ് ഇത്തരത്തിൽ പുതിയ പദ്ധതി പൊലീസ് രൂപീകരിച്ചത്. സമൂഹത്തിന്റെ എല്ലാ തലത്തിലും പ്രവർത്തിക്കുന്ന കുടുംബശ്രീ പ്രവർത്തകരെ പൊലീസിലും ഉപയോ​​ഗപ്പെടുത്താനാണ് പദ്ധതിയുടെ ലക്ഷ്യം.

Next Story