കെഎസ്ആർടിസി ശമ്പള വിതരണം; തൊഴിലാളി സംഘടനകളുമായി നടത്താനിരുന്ന മന്ത്രിതല ചർച്ച മാറ്റി

തി​രു​വ​ന​ന്ത​പു​രം: കെഎ​സ്ആ​ർ​ടി​സി​ ശമ്പള പ്രതിസന്ധി പ​രി​ഹ​രി​ക്കു​ന്ന​തി​ന് തൊ​ഴി​ലാ​ളി സം​ഘ​ട​ന​ക​ളു​മാ​യി ഗതാഗത മന്ത്രി ആന്റണി രാജു ശ​നി​യാ​ഴ്ച ന​ട​ത്താനിരുന്ന ച​ർച്ച തിങ്കളാഴ്ചത്തേക്ക് മാറ്റി. ശ​മ്പ​ളം ഘട്ടം ഘട്ടമായി വിതരണം ചെയ്യുവാനുളള തീരുമാനത്തെ തൊ​ഴി​ലാ​ളി സം​ഘ​ട​ന​ക​ൾ എ​തി​ർക്കു​ന്ന പ​ശ്ചാ​ത്ത​ല​ത്തി​ലാ​ണ് അം​ഗീ​കൃ​ത ട്രേ​ഡ് യൂ​നി​യ​നു​ക​ളെ മ​ന്ത്രി ച​ർച്ച​ക്ക്​ വിളിച്ചത്. ക​ഴി​ഞ്ഞ​യാ​ഴ്ച ച​ർച്ച ന​ട​ന്നെ​ങ്കി​ലും പരാജയപ്പെടുകയായിരുന്നു.

ശ​മ്പ​ള​വി​ത​ര​ണം ഗ​ഡു​ക്ക​ളാ​യി നൽകുന്നത് തു​ട​രാ​നാ​ണ് തീ​രു​മാ​ന​മെ​ങ്കി​ൽ സ​മ​രം ശ​ക്ത​മാ​ക്കാ​നും പ​ണി​മു​ട​ക്കാ​നു​മാ​ണ് പ്ര​തി​പ​ക്ഷ തൊ​ഴി​ലാ​ളി സം​ഘ​ട​ന​ക​ളു​ടെ തീ​രു​മാ​നം. ഘട്ടം ഘട്ടമായി ശമ്പളം വിതരണം ചെയ്യുന്നതിനെതിരെ പ്രതിഷേധിക്കാൻ ടിഡിഎ​ഫും ബിഎംഎ​സും പൊ​തു​സ​മ​ര​മു​ന്ന​ണി പ​രി​ഗ​ണി​ക്കു​ന്നു​ണ്ട്.

തൊഴിലാളി യൂണിയനുകളുടെ എതിർപ്പ് മറികടന്ന് കെഎസ്ആർടിസി ജീവനക്കാർക്ക് ശമ്പളം ഗഡുക്കളായി വിതരണം ചെയ്തിരുന്നു. ഫെബ്രുവരി മാസത്തിലെ പകുതി ശമ്പളമാണ് നൽകിയത്. സർക്കാർ സഹായമായി നൽകിയ 30 കോടിയിൽ നിന്നാണ് ശമ്പളം വിതരണം ചെയ്തത്.

എന്നാൽ ജീവനക്കാരുടെ ശമ്പളം എല്ലാ മാസവും അഞ്ചാം തീയതിക്ക് മുൻപ് നൽകണമെന്ന് ഹൈക്കോടതി അന്ത്യശാസനം നൽകിയിരുന്നു. മാസം തോറുമുള്ള കളക്ഷനിൽ നിന്ന് ജീവനക്കാർക്ക് ശമ്പളം നൽകാൻ കഴിയില്ലെന്ന് ഹൈക്കോടതിയിൽ നൽകിയ സത്യവാങ്മൂലത്തിൽ കെഎസ്ആർടിസി അറിയിക്കുകയും ചെയ്തിരുന്നു. ഒരു വർഷമായി സർക്കാർ നൽകുന്ന 50 കോടി രൂപയിൽ നിന്നാണ് ശമ്പളം നൽകുന്നത്. എല്ലാ മാസവും 12 മുതൽ 15 വരെ തീയതികൾക്കിടയിലാണ് ഈ തുക ലഭിക്കുന്നത്.

STORY HIGHLIGHTS: KSRTC Salary Disbursement issue ministerial discussion postponed