'താഴ്മയായി അപേക്ഷിക്കേണ്ട'; അപേക്ഷകളിൽ പരിഷ്കാരം

തിരുവനന്തപുരം: വിവിധ വകുപ്പുകൾക്ക് നൽകുന്ന അപേക്ഷകളിൽ ഇനി താഴ്മയായി എന്ന് വാക്ക് ചേർക്കേണ്ട. അപേക്ഷകളിൽ നിന്ന് താഴ്മയായി എന്ന വാക്ക് ഒഴിവാക്കണമെന്ന് സർക്കാർ വ്യക്തമാക്കി. പകരം അപേക്ഷിക്കുന്നു അല്ലെങ്കിൽ അഭ്യാർത്ഥിക്കുന്നു എന്നെഴുതിയാൽ മതിയെന്നാണ് സർക്കാർ ഉത്തരവ്. ഉദ്യോ​ഗസ്ഥ ഭരണ പരിഷ്കാര വകുപ്പാണ് ഉത്തരവിറക്കിയത്.

സംസ്ഥാനത്തെ എല്ലാ, അർധ സർക്കാർ സ്ഥാപനങ്ങൾക്കും പൊതുമേഖലാ സ്ഥാപനങ്ങൾക്കും ഈ ഉത്തരവ് ബാധകമായിരിക്കും. പുതിയ പദപ്രയോ​ഗം സ്വീകരിക്കുന്നത് സംബന്ധിച്ച് നടപടികൾ കൈക്കൊള്ളാൻ എല്ലാ വകുപ്പ് തലവൻമാർക്കും ഉത്തരവ് നൽകിയിട്ടുണ്ട്.

story highlight: Changes in official application language