Top

കോവൂര്‍ കുഞ്ഞുമോന് വിവാഹം കഴിക്കാനുള്ള അവസരം യുഡിഎഫ് ഒരുക്കുമെന്ന് കൊടിക്കുന്നില്‍ സുരേഷ്; ‘ഉല്ലാസമാവട്ടെ കുന്നത്തൂര്‍’

കൊച്ചി: കുന്നത്തൂര്‍ സീറ്റ് തിരിച്ചുപിടിച്ച് സിറ്റിങ് എംഎല്‍എ കോവൂര്‍ കുഞ്ഞുമോന് വിവാഹം കഴിക്കാനുള്ള അവസരം യുഡിഎഫ് ഒരുക്കുമെന്ന് കോണ്‍ഗ്രസ് എംപി കൊടിക്കുന്നില്‍ സുരേഷ്. ഒരു ജനപ്രതിനിധി എങ്ങനെ ആയിരിക്കരുത് എന്നതിന്റെ ഉത്തമ ഉദാഹരണമാണ് കുഞ്ഞുമോന്‍. എംപി ഫണ്ട് അടക്കം പല ന്യായങ്ങളും പറഞ്ഞ് ഉപയോഗിക്കാതെ മുടക്കുകയാണ് എംഎല്‍എയെന്നും കൊടിക്കുന്നില്‍ വിമര്‍ശിച്ചു. ‘കഴിഞ്ഞ ഇരുപത് വര്‍ഷമായി കുന്നത്തൂരില്‍ കോവൂര്‍ കുഞ്ഞുമോന്‍ ആണ് എം.എല്‍.എ. ഇരുപത് വര്‍ഷമായി ആ മണ്ഡലത്തില്‍ എം.എല്‍.എ എന്ന നിലയില്‍ ഒരു പുരോഗതിയും കൊണ്ടുവന്നിട്ടില്ലെന്ന് മാത്രമല്ല, […]

5 March 2021 3:57 AM GMT

കോവൂര്‍ കുഞ്ഞുമോന് വിവാഹം കഴിക്കാനുള്ള അവസരം യുഡിഎഫ് ഒരുക്കുമെന്ന് കൊടിക്കുന്നില്‍ സുരേഷ്; ‘ഉല്ലാസമാവട്ടെ കുന്നത്തൂര്‍’
X

കൊച്ചി: കുന്നത്തൂര്‍ സീറ്റ് തിരിച്ചുപിടിച്ച് സിറ്റിങ് എംഎല്‍എ കോവൂര്‍ കുഞ്ഞുമോന് വിവാഹം കഴിക്കാനുള്ള അവസരം യുഡിഎഫ് ഒരുക്കുമെന്ന് കോണ്‍ഗ്രസ് എംപി കൊടിക്കുന്നില്‍ സുരേഷ്. ഒരു ജനപ്രതിനിധി എങ്ങനെ ആയിരിക്കരുത് എന്നതിന്റെ ഉത്തമ ഉദാഹരണമാണ് കുഞ്ഞുമോന്‍. എംപി ഫണ്ട് അടക്കം പല ന്യായങ്ങളും പറഞ്ഞ് ഉപയോഗിക്കാതെ മുടക്കുകയാണ് എംഎല്‍എയെന്നും കൊടിക്കുന്നില്‍ വിമര്‍ശിച്ചു.

‘കഴിഞ്ഞ ഇരുപത് വര്‍ഷമായി കുന്നത്തൂരില്‍ കോവൂര്‍ കുഞ്ഞുമോന്‍ ആണ് എം.എല്‍.എ. ഇരുപത് വര്‍ഷമായി ആ മണ്ഡലത്തില്‍ എം.എല്‍.എ എന്ന നിലയില്‍ ഒരു പുരോഗതിയും കൊണ്ടുവന്നിട്ടില്ലെന്ന് മാത്രമല്ല, മുന്‍പ് ഉണ്ടായിരുന്ന ഗടഞഠഇ ബസ്സ്റ്റാന്‍ഡ് അടക്കമുള്ള പലതും ഉപയോഗ ശൂന്യമാകുകയും, പലതും നശിച്ചു കൊണ്ടിരിക്കുകയും ചെയ്യുന്നു. ഒരുപക്ഷേ ഇന്ത്യയില്‍ തന്നെ ഏറ്റവും തവണ വികസനമുരടിപ്പിന്റെ പേരില്‍ മണ്ഡലത്തിലെ ജനങ്ങള്‍ വഴിതടഞ്ഞ എംഎല്‍എ കുഞ്ഞുമോന്‍ ആയിരിക്കും’, കൊടിക്കുന്നില്‍ സുരേഷ് ഫേസ്ബുക്കില്‍ കുറിച്ചു.

ഒരു ജനപ്രതിനിധി എങ്ങനെ ആയിരിക്കരുത് എന്നതിന്റെ ഉത്തമ ഉദാഹരണമാണ് കുഞ്ഞുമോന്‍. എംപി ഫണ്ട് അടക്കം പല ന്യായങ്ങളും പറഞ്ഞ് ഉപയോഗിക്കാതെ മുടക്കുകയാണ് എംഎല്‍എ. അവിടുത്തെ ജനങ്ങള്‍ക്ക് അടിസ്ഥാന ആവശ്യങ്ങള്‍ക്ക് പോലും ഉപകാരപ്പെടേണ്ട മൈനാഗപ്പള്ളി റെയില്‍വേ മേല്‍പ്പാലത്തിന് എം.പി എന്ന നിലയില്‍ ഞാന്‍ അനുമതി വാങ്ങി കൊടുക്കുകയും, മേല്‍പ്പാലം നിര്‍മിക്കാനായി എംപി ഫണ്ടില്‍ നിന്നും തുക മാറ്റിവെക്കുകയും ചെയ്തു. എന്നാല്‍ പാലം നിര്‍മിക്കാന്‍ സംസ്ഥാന സര്‍ക്കാരിന്റെ കയ്യില്‍ ഫണ്ട് ഇല്ലെന്ന് പറഞ്ഞ് എംഎല്‍എ ഒഴിഞ്ഞു മാറുകയായിരുന്നെന്നും അദ്ദേഹം കുറ്റപ്പെടുത്തി.

‘സര്‍ക്കാര്‍ പരസ്യം ചെയ്തു മുഖം മിനുക്കാന്‍ ധൂര്‍ത്തടിച്ച കാശുണ്ടായിരുന്നെങ്കില്‍ ഇന്ന് കുന്നത്തുരിലെ മക്കള്‍ക്ക് വഞ്ചി തുഴഞ്ഞ് സ്‌കൂളില്‍ പോകേണ്ടി വരില്ലായിരുന്നു, അവര്‍ക്ക് അടച്ചുറപ്പുള്ള വിദ്യാലയത്തില്‍ പഠിക്കാമായിരുന്നു. അവിടുത്തെ ആശുപത്രിയും റോഡുകളും പാലങ്ങളും വികസിക്കുമായിരുന്നു. അവിടുത്തെ ജനങ്ങള്‍ക്ക് കുടിവെള്ളവും മെച്ചപ്പെട്ട ജീവിതം സാധ്യമാകുമായിരുന്നു.
ഇനിയിത് അനുവദിച്ചു കൂടാ.. കുന്നത്തൂരില്‍ യൂഡിഎഫിന്റെ കരുത്തനായ സാരഥിയാണ് ഉല്ലാസ് കോവൂര്‍. കഴിഞ്ഞ തവണ ഇടതുപക്ഷം അദ്ദേഹത്തിന്റെ പേരില്‍ വ്യാജ കഥകള്‍ പ്രചരിപ്പിച്ചാണ് ജനവിധി അട്ടിമറിച്ചത്. ഇപ്രാവശ്യവും അവര്‍ എന്ത് നാണം കെട്ട കളിക്കും മുതിരുമെന്ന് ഉറപ്പാണ്. യു.ഡി.എഫിന്റെ മുഴുവന്‍ ശക്തിയും ഇത്തവണ കുന്നത്തൂരില്‍ ഉണ്ടാകും. ഓരോ കോണ്‍ഗ്രെസ്സുകാരനും ഉല്ലാസിന്റെ വിജയം ഉറപ്പാക്കാന്‍ ഇറങ്ങുകയാണ്. ജനദ്രോഹപരമായ ഭരണത്തില്‍ നിന്നും കുന്നത്തൂരിനെ മോചിപ്പിക്കാന്‍ യൂഡിഎഫ് പ്രതിജ്ഞാബദ്ധമാണ്’, കൊടിക്കുന്നില്‍ വ്യക്തമാക്കി.

‘ശാസ്താംകോട്ട കായല്‍ ശുദ്ധീകരിച്ചതിന് ശേഷം മാത്രമേ കല്യാണം കഴിക്കു എന്ന് കഴിഞ്ഞ 20 വര്‍ഷമായി പറഞ്ഞ് കൊണ്ടിരിക്കുന്ന കുഞ്ഞുമോന്റെ കയ്യില്‍ നിന്നും കുന്നത്തൂര്‍ തിരിച്ചു പിടിച്ച്, ശാസ്താംകോട്ട കായല്‍ ശുദ്ധീകരിച്ച് കുന്നത്തൂരില്‍ മുടങ്ങിക്കിടക്കുന്ന എല്ലാ വികസനപ്രവര്‍ത്തനങ്ങളും പൂര്‍ത്തീകരിച്ച് പെട്ടെന്ന് വിവാഹം കഴിക്കാന്‍ യു.ഡി.എഫ് അവസരമുണ്ടാക്കുന്നതാണെന്ന് ഈയവസരത്തില്‍ പ്രഖ്യാപിക്കുകയാണ്, അദ്ദേഹം പറഞ്ഞു.

കുന്നത്തൂരിലെ യുഡിഎഫ് സ്ഥാനാര്‍ത്ഥി ഉല്ലാസ് കോവൂറിന് ‘ഉല്ലാസമാവട്ടെ കുന്നത്തൂര്‍’ എന്ന വാചകത്തോടെയാണ് പോസ്റ്റ് അവസാനിക്കുന്നത്.

Next Story