Top

ഇ ശ്രീധരന്റെ മുഖ്യമന്ത്രി സ്ഥാനാര്‍ഥിത്വത്തില്‍ ബിജെപിയില്‍ ആശയക്കുഴപ്പം; സുരേന്ദ്രന്‍ അങ്ങനെ പറഞ്ഞിട്ടില്ലെന്ന് വി മുരളീധരന്‍; നിലപാട് മാറ്റം മൂന്ന് മണിക്കൂറിനിടെ

ഇ ശ്രീധരന്റെ മുഖ്യമന്ത്രി സ്ഥാനാര്‍ഥിത്വത്തേച്ചൊല്ലി ബിജെപിയില്‍ ആശയക്കുഴപ്പം. മെട്രോ മാന്‍ ഇ ശ്രീധരനാണ് ബിജെപിയുടെ മുഖ്യമന്ത്രി സ്ഥാനാര്‍ഥിയെന്ന ബിജെപി സംസ്ഥാന അദ്ധ്യക്ഷന്‍ കെ സുരേന്ദ്രന്റെ പ്രസ്താവന കേന്ദ്ര മന്ത്രി വി മുരളീധരന്‍ തിരുത്തി. വൈകിട്ട് ഇ ശ്രീധരനാണ് സിഎം കാന്‍ഡിഡേറ്റ് എന്ന് പറഞ്ഞ മുരളീധരന്‍ മൂന്ന് മണിക്കൂറുകള്‍ക്ക് ശേഷം നിലപാട് മാറ്റി. കെ സുരേന്ദ്രനുമായി സംസാരിച്ചെന്നും സംസ്ഥാന അദ്ധ്യക്ഷന്‍ അങ്ങനെ പറഞ്ഞിട്ടില്ലെന്നും കേന്ദ്ര വിദേശകാര്യ സഹമന്ത്രി പ്രതികരിച്ചു. വി മുരളീധരന്‍ എഎന്‍ഐ-4:23 “ഇ ശ്രീധരനാണ് മുഖ്യമന്ത്രി സ്ഥാനാര്‍ഥിയെന്ന് […]

4 March 2021 9:58 AM GMT

ഇ ശ്രീധരന്റെ മുഖ്യമന്ത്രി സ്ഥാനാര്‍ഥിത്വത്തില്‍ ബിജെപിയില്‍ ആശയക്കുഴപ്പം; സുരേന്ദ്രന്‍ അങ്ങനെ പറഞ്ഞിട്ടില്ലെന്ന് വി മുരളീധരന്‍; നിലപാട് മാറ്റം മൂന്ന് മണിക്കൂറിനിടെ
X

ഇ ശ്രീധരന്റെ മുഖ്യമന്ത്രി സ്ഥാനാര്‍ഥിത്വത്തേച്ചൊല്ലി ബിജെപിയില്‍ ആശയക്കുഴപ്പം. മെട്രോ മാന്‍ ഇ ശ്രീധരനാണ് ബിജെപിയുടെ മുഖ്യമന്ത്രി സ്ഥാനാര്‍ഥിയെന്ന ബിജെപി സംസ്ഥാന അദ്ധ്യക്ഷന്‍ കെ സുരേന്ദ്രന്റെ പ്രസ്താവന കേന്ദ്ര മന്ത്രി വി മുരളീധരന്‍ തിരുത്തി. വൈകിട്ട് ഇ ശ്രീധരനാണ് സിഎം കാന്‍ഡിഡേറ്റ് എന്ന് പറഞ്ഞ മുരളീധരന്‍ മൂന്ന് മണിക്കൂറുകള്‍ക്ക് ശേഷം നിലപാട് മാറ്റി. കെ സുരേന്ദ്രനുമായി സംസാരിച്ചെന്നും സംസ്ഥാന അദ്ധ്യക്ഷന്‍ അങ്ങനെ പറഞ്ഞിട്ടില്ലെന്നും കേന്ദ്ര വിദേശകാര്യ സഹമന്ത്രി പ്രതികരിച്ചു.

വി മുരളീധരന്‍ എഎന്‍ഐ-4:23

“ഇ ശ്രീധരനാണ് മുഖ്യമന്ത്രി സ്ഥാനാര്‍ഥിയെന്ന് ഞങ്ങളുടെ പാര്‍ട്ടി പ്രഖ്യാപിച്ചുകഴിഞ്ഞു.”

വി മുരളീധരന്‍ എഎന്‍ഐ-7:02

“പാര്‍ട്ടി ഇങ്ങനെയൊരു പ്രഖ്യാപനം നടത്തിയെന്ന് പത്രവാര്‍ത്തകളില്‍ നിന്നാണ് അറിഞ്ഞത്. പിന്നീട്, ഞാന്‍ പാര്‍ട്ടി നേതാവിനെ വിളിച്ച് ഇക്കാര്യം ക്രോസ് ചെക്ക് ചെയ്തു. അത്തരമൊരു പ്രഖ്യാപനം നടത്തിയിട്ടില്ലെന്നാണ് അദ്ദേഹം എന്നോട് പറഞ്ഞത്.”

മെട്രോമാന്‍ എന്ന പേരില്‍ അറിയപ്പെടുന്ന ഇ ശ്രീധരനായിരിക്കും ബിജെപിയുടെ മുഖ്യമന്ത്രി സ്ഥാനാര്‍ത്ഥിയെന്ന് ബിജെപി സംസ്ഥാനാധ്യക്ഷന്‍ കെ സുരേന്ദ്രന്‍ രാവിലെ പറഞ്ഞിരുന്മനു. സുരേന്ദ്രന്‍ നയിക്കുന്ന വിജയ യാത്ര തിരുവല്ലയില്‍ എത്തിയപ്പോഴായിരുന്നു അദ്ദേഹം ഇക്കാര്യം അറിയിച്ചത്.

‘പാലാരിവട്ടം പാലത്തിന്റെ കാര്യം എല്ലാവരും അറിഞ്ഞിട്ടുണ്ടാവും. ബ്രിട്ടീഷുകാര്‍ മൂന്നൂറുകൊല്ലം മുമ്പ് കെട്ടിയ നല്ല ഒന്നാന്തരം പാലങ്ങള്‍ നല്ല ഉറപ്പോടെ നില്‍ക്കുന്നുണ്ട്. പക്ഷേ, നമ്മുടെ സര്‍ക്കാരുകള്‍ നിര്‍മ്മിച്ച പാലങ്ങള്‍ പൊളിഞ്ഞുവീഴുകയാണ്. ഉമ്മന്‍ ചാണ്ടിയുടെ സര്‍ക്കാരും പിന്നീട് പിണറായിയുടെ സര്‍ക്കാരും ചേര്‍ന്ന് കെട്ടിയ പാലാരിവട്ടം പാലം ഒന്നരക്കൊല്ലം കഴിഞ്ഞപ്പോള്‍ ഇടിഞ്ഞുപൊളിഞ്ഞുവീണു. ചോദിക്കുമ്പോള്‍ സഖാക്കളും കോണ്‍ഗ്രസുകാരും പറയുന്നത് സിമന്റും കമ്പിയുമില്ലാതെ എങ്ങനെ പാലം പണിയാമെന്ന ഗവേഷണമാണ് ഞങ്ങള്‍ നടത്തിയത്, അത് പൊളിഞ്ഞുപോയതെന്നാണ്’, സുരേന്ദ്രന്‍ പറഞ്ഞു.

‘പാലാരിവട്ടം പാലം ഇടിഞ്ഞ് താഴെവീണതാണ് നമ്മുടെ വികസനമാതൃക. എന്നാല്‍, എന്‍ഡിഎയുടെ വികസന മാതൃക 18 മാസം കൊണ്ട് പൂര്‍ത്തിയാക്കേണ്ട പാലാരിവട്ടം പാലം അഞ്ച് മാസം കൊണ്ട് മെട്രോമാന്‍ ഇ ശ്രീധരന്‍ പൂര്‍ത്തിയാക്കിയത്. അഴിമതിയില്ലാതെ, അഞ്ചുമാസം കൊണ്ട് പാലംപണി മെട്രോമാന്‍ പൂര്‍ത്തിയാക്കി. അതുകൊണ്ടാണ് മുഖ്യമന്ത്രിസ്ഥാനാര്‍ത്ഥിയായി മെട്രോമാന്‍ കേരളത്തില്‍ വരണമെന്ന് അദ്ദേഹത്തോടും പാര്‍ട്ടിയോടും ആവശ്യപ്പെടുന്നത്. മെട്രോമാന്‍ കേരളത്തിന്റെ മുഖ്യമന്ത്രിയാവണമെന്ന് ഞങ്ങള്‍ ആഗ്രഹിക്കുന്നത് ഈ വികസന മാതൃക കേരളത്തിന് വേണം എന്നുള്ളതുകൊണ്ടാണ്’, അദ്ദേഹം അഭിപ്രായപ്പെട്ടു.

തൃശ്ശൂര്‍ മണ്ഡലത്തിലേക്കാണ് ബിജെപി ശ്രീധരനെ പരിഗണിക്കുന്നതെന്നാണ് വിവരം. തൃപ്പൂണിത്തുറയില്‍ മത്സരിക്കാനില്ലെന്ന് ശ്രീധരന്‍ തന്നെ പാര്‍ട്ടിയെ അറിയിച്ചിട്ടുണ്ട്. ജയം ഉറപ്പുള്ള മണ്ഡലങ്ങളില്‍ ഒന്ന് അദ്ദേഹത്തിന് നല്‍കണമെന്നാണ് ദേശീയ നേതൃത്വത്തിന്റെ നിര്‍ദേശം.

Next Story