Top

കെപിസിസി അധ്യക്ഷനായി സുധാകരന്‍ നാളെ ചുമതലയേല്‍ക്കും; ‘കൂടെ ഉണ്ടാവണം’

കെപിസിസി അധ്യക്ഷനായി കെ സുധാകരന്‍ നാളെ ചുമതലയേല്‍ക്കും. രാവിലെ 11 മണിക്ക് കെപിസിസി ആസ്ഥാനത്ത് വച്ച് ചുമതല ഔദ്യോഗികമായി ഏറ്റെടുക്കുകയാണെന്ന് സുധാകരന്‍ അറിയിച്ചു. എല്ലാവരുടെയും അനുഗ്രഹങ്ങളും മനസ്സു കൊണ്ടുള്ള സാന്നിധ്യവും തന്നോടൊപ്പം ഉണ്ടാകണമെന്നും കെ സുധാകരന്‍ ആവശ്യപ്പെട്ടു. കെ സുധാകരന്‍ പറയുന്നു: ”പ്രിയ സഹപ്രവര്‍ത്തകരെ, കേരള പ്രദേശ് കോണ്‍ഗ്രസ് കമ്മിറ്റിയുടെ അധ്യക്ഷ സ്ഥാനത്തേക്ക് ഹൈക്കമാന്‍ഡ് എന്റെ പേര് നിര്‍ദ്ദേശിച്ച വിവരം അറിഞ്ഞു കാണുമല്ലോ. ഈ അവസരത്തില്‍ പാര്‍ട്ടി നേതൃത്വം എന്നില്‍ ഏല്‍പ്പിച്ച ഉത്തരവാദിത്വം വളരെ വലുതാണെന്ന ഉത്തമ […]

15 Jun 2021 9:56 AM GMT
റിപ്പോർട്ടർ നെറ്റ്‌വർക്ക്

കെപിസിസി അധ്യക്ഷനായി സുധാകരന്‍ നാളെ ചുമതലയേല്‍ക്കും; ‘കൂടെ ഉണ്ടാവണം’
X

കെപിസിസി അധ്യക്ഷനായി കെ സുധാകരന്‍ നാളെ ചുമതലയേല്‍ക്കും. രാവിലെ 11 മണിക്ക് കെപിസിസി ആസ്ഥാനത്ത് വച്ച് ചുമതല ഔദ്യോഗികമായി ഏറ്റെടുക്കുകയാണെന്ന് സുധാകരന്‍ അറിയിച്ചു. എല്ലാവരുടെയും അനുഗ്രഹങ്ങളും മനസ്സു കൊണ്ടുള്ള സാന്നിധ്യവും തന്നോടൊപ്പം ഉണ്ടാകണമെന്നും കെ സുധാകരന്‍ ആവശ്യപ്പെട്ടു.

കെ സുധാകരന്‍ പറയുന്നു: ”പ്രിയ സഹപ്രവര്‍ത്തകരെ, കേരള പ്രദേശ് കോണ്‍ഗ്രസ് കമ്മിറ്റിയുടെ അധ്യക്ഷ സ്ഥാനത്തേക്ക് ഹൈക്കമാന്‍ഡ് എന്റെ പേര് നിര്‍ദ്ദേശിച്ച വിവരം അറിഞ്ഞു കാണുമല്ലോ. ഈ അവസരത്തില്‍ പാര്‍ട്ടി നേതൃത്വം എന്നില്‍ ഏല്‍പ്പിച്ച ഉത്തരവാദിത്വം വളരെ വലുതാണെന്ന ഉത്തമ ബോധ്യത്തോടെയാണ് ഞാന്‍ ചുമതല ഏറ്റെടുക്കുന്നത്. നാളെ (ജൂണ്‍ 16 ന്) കാലത്ത് 11 മണിക്ക് കെപിസിസി ആസ്ഥാനത്ത് വെച്ച് പാര്‍ട്ടി തന്ന ചുമതല ഔദ്യോഗികമായി ഞാന്‍ ഏറ്റെടുക്കുകയാണ്.”

”എല്ലാവരെയും നേരില്‍ കണ്ട് അനുഗ്രഹം വാങ്ങണമെന്ന നിര്‍ദ്ദേശങ്ങള്‍ സ്വീകരിക്കണമെന്നും നിങ്ങളുടെ സാന്നിധ്യം ഉണ്ടായിരിക്കണമെന്നും ആഗ്രഹം ഉണ്ട് എന്നാല്‍ ഈ പ്രതിസന്ധിഘട്ടത്തില്‍ അത് സാധ്യമല്ലെന്ന് നിങ്ങള്‍ക്ക് അറിയാമല്ലോ. എങ്കിലും എന്റെ പ്രിയ സുഹൃത്തുക്കളെ അനുഗ്രഹങ്ങളും മനസ്സു കൊണ്ടുള്ള സാന്നിധ്യവും എന്നോടൊപ്പം ഉണ്ടാകണമെന്ന് ഹൃദയത്തിന്റെ അടിത്തട്ടില്‍ നിന്നും ഞാന്‍ ആവശ്യപ്പെടുന്നു. കെപിസിസി ആസ്ഥാനത്ത് നടക്കുന്ന സ്ഥാനാരോഹണ ചടങ്ങില്‍ ഓണ്‍ലൈനായി നിങ്ങളോരോരുത്തരും പങ്കെടുക്കണമെന്നും തുടര്‍ന്നും നിങ്ങളുടെ വലിയ പിന്തുണ നല്‍കി മുന്നോട്ടുള്ള യാത്രയില്‍ എന്നോടൊപ്പം ഉണ്ടാകണമെന്നും വിനീതമായി അഭ്യര്‍ത്ഥിക്കുന്നു.”

Next Story