Top

പൃഥ്വിരാജിനെ വൃക്തിഹത്യ ചെയ്യുന്ന ലേഖനം പിന്‍വലിച്ച് ജനം; വിശദീകരണമില്ലാത്ത പിന്മാറ്റം നടന് പിന്തുണയേറിയതോടെ

ലക്ഷദ്വീപ് ജനതക്ക് പിന്തുണ പ്രഖ്യാപിച്ചതിന് പിന്നാലെ നടന്‍ പൃഥ്വിരാജിനെ വ്യക്തിഹത്യ ചെയ്ത് കൊണ്ട് ചാനല്‍ വെബ്‌സൈറ്റില്‍ പബ്ലിഷ് ചെയ്ത ലേഖനം പിന്‍വലിച്ച് സംഘ്പരിവാര്‍ അനുകൂല ചാനലായ ജനം. ലേഖനം പുറത്തിറങ്ങിയതിന് പിന്നാലെ പൃഥ്വിരാജിന് വന്‍ജനപിന്തുണ ലഭിക്കുകയും ചാനലിനെതിരെ വലിയ വിമര്‍ശനം ഉയര്‍ന്ന പശ്ചാത്തത്തിലുമാണ് ലേഖനം പിന്‍വലിച്ചിട്ടുണ്ടാവുക. പിന്‍വലിച്ചതില്‍ പ്രത്യേകിച്ച വിശദീകരണങ്ങളൊന്നും ചാനല്‍ മാനേജ്‌മെന്റ് നല്‍കിയിട്ടില്ല. പൃഥ്ര്വിരാജിനേയും കുടുംബത്തേയും അപമാനിക്കുന്നതായിരുന്നു ലേഖനത്തിന്റെ ഉള്ളടക്കം. സുകുമാരന്റെ മൂത്രത്തില്‍ ഉണ്ടായ പൗരുഷമെങ്കിലും പൃഥ്വിരാജ് കാണിക്കണ മെന്ന് പറയുന്ന ലേഖനത്തില്‍ രാജ്യവിരുദ്ധ ശക്തികള്‍ക്കൊപ്പം […]

26 May 2021 8:25 PM GMT
റിപ്പോർട്ടർ നെറ്റ്‌വർക്ക്

പൃഥ്വിരാജിനെ വൃക്തിഹത്യ ചെയ്യുന്ന ലേഖനം പിന്‍വലിച്ച് ജനം; വിശദീകരണമില്ലാത്ത പിന്മാറ്റം നടന് പിന്തുണയേറിയതോടെ
X

ലക്ഷദ്വീപ് ജനതക്ക് പിന്തുണ പ്രഖ്യാപിച്ചതിന് പിന്നാലെ നടന്‍ പൃഥ്വിരാജിനെ വ്യക്തിഹത്യ ചെയ്ത് കൊണ്ട് ചാനല്‍ വെബ്‌സൈറ്റില്‍ പബ്ലിഷ് ചെയ്ത ലേഖനം പിന്‍വലിച്ച് സംഘ്പരിവാര്‍ അനുകൂല ചാനലായ ജനം. ലേഖനം പുറത്തിറങ്ങിയതിന് പിന്നാലെ പൃഥ്വിരാജിന് വന്‍ജനപിന്തുണ ലഭിക്കുകയും ചാനലിനെതിരെ വലിയ വിമര്‍ശനം ഉയര്‍ന്ന പശ്ചാത്തത്തിലുമാണ് ലേഖനം പിന്‍വലിച്ചിട്ടുണ്ടാവുക. പിന്‍വലിച്ചതില്‍ പ്രത്യേകിച്ച വിശദീകരണങ്ങളൊന്നും ചാനല്‍ മാനേജ്‌മെന്റ് നല്‍കിയിട്ടില്ല. പൃഥ്ര്വിരാജിനേയും കുടുംബത്തേയും അപമാനിക്കുന്നതായിരുന്നു ലേഖനത്തിന്റെ ഉള്ളടക്കം.

സുകുമാരന്റെ മൂത്രത്തില്‍ ഉണ്ടായ പൗരുഷമെങ്കിലും പൃഥ്വിരാജ് കാണിക്കണ മെന്ന് പറയുന്ന ലേഖനത്തില്‍ രാജ്യവിരുദ്ധ ശക്തികള്‍ക്കൊപ്പം പൃഥ്വിരാജ് കുരച്ചു ചാടുമ്പോള്‍ നല്ല നടനായ സുകുമാരനെ ആരെങ്കിലും ഓര്‍മ്മിപ്പിച്ചാല്‍ അത് പിതൃസ്മരണയായിപ്പോകുമെന്നും ലേഖനത്തില്‍ പറയുന്നു. ‘പൃഥ്വിരാജിന്റെ കണ്ണീര്‍ വീണ്ടും ജിഹാദികള്‍ക്ക് വേണ്ടി’ എന്ന തലക്കെട്ടില്‍ ജികെ സുരേഷ് ബാബുവാണ് ലേഖനം എഴുതിയത്.

ലേഖനത്തിലെ പൃഥ്വിരാജിനെതിരായ പരാമര്‍ശങ്ങള്‍ ഇങ്ങനെ: ”ഇന്ന് ലക്ഷദ്വീപിനുവേണ്ടി പൃഥ്വിരാജ് കണ്ണീരൊഴുക്കി രംഗത്തു വരുമ്പോള്‍ അതിനു പിന്നില്‍ ജിഹാദികളുടെ കുരുമുളക് സ്‌പ്രേ ആണെന്ന് മനസ്സിലാക്കാന്‍ വലിയ പാണ്ഡിത്യമൊന്നും വേണ്ട. കഴിഞ്ഞ കുറച്ചുകാലമായി ജിഹാദികള്‍ക്കും ഭീകരര്‍ക്കും വേണ്ടി പൃഥ്വിരാജ് കണ്ണീരൊഴുക്കാന്‍ തുടങ്ങിയിട്ട്. ഒരു നടന്‍ എന്ന നിലയിലും അഭിനേതാവ് എന്ന നിലയിലും പൃഥ്വിരാജിനോട് സ്‌നേഹവും ആദരവുമുണ്ട്. ദേശീയകാര്യങ്ങളിലും ഭരണപരമായ കാര്യങ്ങളിലും പൃഥ്വിരാജ് കുരയ്ക്കുന്നത് ആര്‍ക്കുവേണ്ടിയാണെന്ന് ഇപ്പോള്‍ എല്ലാവര്‍ക്കും അറിയാം.”

”പൃഥ്വിരാജിനോട് ഞാന്‍ അടക്കമുള്ള മലയാളികള്‍ക്ക് ഉള്ള സ്‌നേഹം പൗരുഷവും തന്റേടവുമുള്ള സുകുമാരന്റെ മകന്‍ എന്ന നിലയിലാണ്. സുകുമാരന്റെ മൂത്രത്തില്‍ ഉണ്ടായ പൗരുഷമെങ്കിലും പൃഥ്വിരാജ് കാട്ടണം. രാജ്യവിരുദ്ധ ശക്തികള്‍ക്കൊപ്പം പൃഥ്വിരാജ് കുരച്ചു ചാടുമ്പോള്‍ നല്ല നടനായ സുകുമാരനെ ആരെങ്കിലും ഓര്‍മ്മിപ്പിച്ചാല്‍ അത് പിതൃസ്മരണയായിപ്പോകും. നാലു സിനിമാ അവസരങ്ങള്‍ക്കു വേണ്ടി സ്വന്തം പിതൃസ്മരണ നടത്താന്‍ മറ്റുള്ളവര്‍ക്ക് അവസരം കൊടുക്കരുതേ എന്ന അഭ്യര്‍ത്ഥനയാണ് പൃഥ്വിരാജിനോടുള്ളത്. മറ്റു പലരും ഇത്തരത്തിലുള്ള ഒരു പരാമര്‍ശം പോലും അര്‍ഹിക്കുന്നില്ല. പിന്നെ പൃഥ്വിരാജല്ല, ആര് ചാടിയാലും ലക്ഷദ്വീപ് എന്നല്ല, ഇന്ത്യയുടെ ഒരു ഭാഗവും ഇനി ജിഹാദികള്‍ക്ക് കിട്ടില്ല.’

Next Story