Top

‘പിസി ചാക്കോ കോണ്‍ഗ്രസിന്റെ വിലപ്പെട്ട സമ്പാദ്യം’; രാജി മികച്ച തീരുമാനമല്ലെന്ന് ഹൈബി ഈഡന്‍

പാര്‍ട്ടി വിട്ട മുതിര്‍ന്ന നേതാവ് പിസി ചാക്കോ കോണ്‍ഗ്രസിന്റെ മുതല്‍കൂട്ടായിരുന്നുവെന്ന് ഹൈബി ഈഡന്‍ എംപി.അദ്ദേഹത്തിന് കേന്ദ്ര നേതൃത്വം നിരവധി അവസരങ്ങള്‍ നല്‍കിയിരുന്നുവെന്നും പാര്‍ട്ടി വിടാനുള്ള തീരുമാനം മികച്ചതായി തോന്നുന്നില്ലെന്നും ഹൈബി ഈഡന്‍ പറഞ്ഞു. ‘മുതിര്‍ന്ന നേതാവായ പിസി ചാക്കോയ്ക്ക കോണ്‍ഗ്രസ് കേന്ദ്ര നേതൃത്വം മികച്ച അവസരങ്ങള്‍ നല്‍കിയിരുന്നു. കോണ്‍ഗ്രസിന്റെ വിലപ്പെട്ട സമ്പാദ്യമായിരുന്നു അദ്ദേഹം. കോണ്‍ഗ്രസ് നിര്‍ണ്ണായകമായ ഒരു തെരഞ്ഞെടുപ്പിനെ അഭിമൂഖീകരിക്കുന്ന സാഹചര്യത്തില്‍ രാജി ഒരു മികച്ച തീരുമാനമായി കരുതുന്നില്ല.’ ഹൈബി ഈഡന്‍ എഎന്‍ഐയോട് പ്രതികരിച്ചു. ഇന്ന് ഉച്ചക്കാണ് […]

10 March 2021 5:25 AM GMT

‘പിസി ചാക്കോ കോണ്‍ഗ്രസിന്റെ വിലപ്പെട്ട സമ്പാദ്യം’; രാജി മികച്ച തീരുമാനമല്ലെന്ന് ഹൈബി ഈഡന്‍
X

പാര്‍ട്ടി വിട്ട മുതിര്‍ന്ന നേതാവ് പിസി ചാക്കോ കോണ്‍ഗ്രസിന്റെ മുതല്‍കൂട്ടായിരുന്നുവെന്ന് ഹൈബി ഈഡന്‍ എംപി.
അദ്ദേഹത്തിന് കേന്ദ്ര നേതൃത്വം നിരവധി അവസരങ്ങള്‍ നല്‍കിയിരുന്നുവെന്നും പാര്‍ട്ടി വിടാനുള്ള തീരുമാനം മികച്ചതായി തോന്നുന്നില്ലെന്നും ഹൈബി ഈഡന്‍ പറഞ്ഞു.

‘മുതിര്‍ന്ന നേതാവായ പിസി ചാക്കോയ്ക്ക കോണ്‍ഗ്രസ് കേന്ദ്ര നേതൃത്വം മികച്ച അവസരങ്ങള്‍ നല്‍കിയിരുന്നു. കോണ്‍ഗ്രസിന്റെ വിലപ്പെട്ട സമ്പാദ്യമായിരുന്നു അദ്ദേഹം. കോണ്‍ഗ്രസ് നിര്‍ണ്ണായകമായ ഒരു തെരഞ്ഞെടുപ്പിനെ അഭിമൂഖീകരിക്കുന്ന സാഹചര്യത്തില്‍ രാജി ഒരു മികച്ച തീരുമാനമായി കരുതുന്നില്ല.’ ഹൈബി ഈഡന്‍ എഎന്‍ഐയോട് പ്രതികരിച്ചു.

ഇന്ന് ഉച്ചക്കാണ് പിസി ചാക്കോ കോണ്‍ഗ്രസ് വിടുന്നതായി അറിയിച്ചത്. കേരളത്തിലെ കോണ്‍ഗ്രസ് പ്രസ്ഥാനത്തിന്റെ അപചയമാണ് പാര്‍ട്ടി വിടാന്‍ കാരണം. നിര്‍ഭാഗ്യവശാല്‍ കോണ്‍ഗ്രസ് എന്നൊരു പാര്‍ട്ടി ഇന്ന് കേരളത്തില്‍ ഇല്ലെന്നും എ, ഐ ഗ്രൂപ്പുകളുടെ ഏകോപനമാണ് കേരളത്തിലുള്ളതെന്നും പിസി ചാക്കോ രാജി പ്രഖ്യാപനത്തിനിടെ പറഞ്ഞു.

പിസി ചാക്കോയുടെ പ്രതികരണം,

കേരളത്തിന്റെ കോണ്‍ഗ്രസ് പ്രസ്ഥാനത്തിന്റെ അപചയമാണ് പാര്‍ട്ടി വിടാന്‍ കാരണം. ദീര്‍ഘകാലമായി കോണ്‍ഗ്രസിന്റെ പരാജയങ്ങള്‍ക്ക് പരിഹാരമുണ്ടാവാന്‍ വേണ്ടി പ്രവര്‍ത്തിച്ചയാളാണ് ഞാന്‍. ഗ്രൂപ്പുകള്‍ക്ക് അധീതമായി പാര്‍ട്ടിയെ ശക്തിപ്പെടുത്താന്‍ വേണ്ടി പ്രവര്‍ത്തിച്ചയാളാണ് ഞാന്‍. നിര്‍ഭാഗ്യവശാല്‍ കോണ്‍ഗ്രസ് പാര്‍ട്ടി ഇന്ന് കേരളത്തിലില്ല. രണ്ട് പാര്‍ട്ടികളുള്ള ഏകോപനമാണ്. മുഴുവന്‍ സീറ്റുകളും ഒന്ന് ഐയുടേയോ എയുടെയോ സീറ്റുകളാണ്. ഐയുടെ സീറ്റില്‍ അവരുടെ ആളുകളും എയുടെ സീറ്റില്‍ അവരുടെ ആളുകളും മത്സരിക്കുന്നു.

കോണ്‍ഗ്രസിന്റെ നടപടി ക്രമം അനുസരിച്ച് പ്രദേശ് ഇലക്ഷന്‍ കമ്മിറ്റിയില്‍ സ്ഥാനാര്‍ത്ഥികളുടെ ലിസ്റ്റ് വെക്കണം. അത് ചര്‍ച്ച നടത്തി സ്‌ക്രീനിംഗ് കമ്മിറ്റിക്ക് അയക്കും. എന്നാല്‍ ഇത്തവണ പേരുകളെല്ലാം ഉമ്മന്‍ചാണ്ടിയുടേയും രമേശ് ചെന്നിത്തലയുടേയും മനസിലാണ്. പ്രദേശ് ഇലക്ഷന്‍ കമ്മിറ്റിയുടെ ലിസ്റ്റ് വെക്കാതെയാണ് സ്‌ക്രീനിംഗ് കമ്മിറ്റിയില്‍ ചര്‍ച്ചകള്‍ നടക്കുന്നത്.

വിഎം സുധീരനും ഞാനുമെല്ലാം നിരന്തരം ഇതിനെകുറിച്ച് ഹെക്കമാന്റിനോട് പരാതിപ്പെട്ടിട്ടുണ്ട്. എന്നാല്‍ ഇതിനെ നിരുത്സാഹപ്പെടുത്താനുള്ള നടപടികള്‍ ഉണ്ടായിട്ടില്ല. ഒരു ജനാധിപത്യ വിരുദ്ധമായ പ്രവര്‍ത്തനം ഒരു പാര്‍ട്ടിയിലും ഉണ്ടായിട്ടില്ല. വിജയസാധ്യത മാനദണ്ഡമാക്കി വെക്കുന്നതിന് പകരം ഗ്രൂപ്പുകള്‍ സീറ്റുകള്‍ വീതിച്ചെടുക്കുന്ന നിര്‍ഭാഗ്യകരമായ ഒരു സാഹചര്യത്തിനാണ് ഹൈക്കമാന്റ് അംഗീകാരം കൊടുക്കുന്നത്. ഈ സാഹചര്യത്തിലാണ് രാജി. വ്യക്തിപരമായ ഒരു പരാതിയുടേയും അടിസ്ഥാനത്തിലല്ല. ഗ്രൂപ്പുകള്‍ക്ക് അധീതമായി നിന്ന് പ്രവര്‍ത്തിക്കുന്നവരെ പ്രൊട്ടക്റ്റ് ചെയ്യണമെന്ന് നിരവധി തവണ ആവശ്യപ്പെട്ടു. എന്നാല്‍ കേരളത്തില്‍ കോണ്‍ഗ്രസുകാരനായി ഇരിക്കാന്‍ കഴിയാതെ ഗ്രൂപ്പുകാരനായി നില്‍ക്കേണ്ട അവസ്ഥയാണ്. ഒരു കോണ്‍ഗ്രസുകാരനായി കേരളത്തിലിരിക്കുകയെന്നത് അസാധ്യമാണ്.

Next Story