പേരക്കുട്ടികൾക്കൊപ്പം ഈദ് ആഘോഷിച്ച് ഷെയ്ഖ് മുഹമ്മദ്; ചിത്രം പങ്കുവെച്ച് ദുബായ് കിരീടവകാശി

ദുബായ് വെെസ് പ്രസിഡൻ്റും ഭരണാധികാരിയുമായ ഷെയ്ഖ് മുഹമ്മദ് ബിൻ റഷീദ് തൻ്റെ കുടുംബാം​ഗങ്ങളുടെ കൂടെ നിൽക്കുന്ന ചിത്രം ഇപ്പാേൾ സമൂഹമാധ്യമങ്ങളിൽ വെെറലായിരിക്കുകയാണ്. കുടുബാം​ഗങ്ങൾക്കൊപ്പം ഈദ് ആഘോഷിക്കുന്ന തൻ്റെ പിതാവിൻ്റെ ചിത്രം പങ്കുവെച്ചത് ദുബായ് കിരീടവകാശി ഷെയ്ഖ് ഹംദാൻ ബിൻ മുഹമ്മദാണ്.

ഈദ് അൽ ഫിത്തർ ആഘോഷവേളയിലാണ് ഷെയ്ഖ് ഹംദാൻ ചിത്രങ്ങൾ പകർത്തിയത്. ചിത്രത്തിൽ ഷെയ്ഖ് മുഹമ്മദിന് ചുറ്റും നിൽക്കുന്നത് 24 പേരക്കുട്ടികളാണ്.

ചിത്രത്തിൻ്റെ പിൻഭാ​ഗത്ത് ആൺകുട്ടികൾ കണ്ടൂറ ധരിച്ച് വരിയായി നിൽക്കുന്നൂ. മുൻ നിരയിൽ വർണ്ണാഭമായ പരമ്പരാ​ഗത വസ്ത്രങ്ങൾ ധരിച്ചിരിക്കുകയാണ് പെൺകുട്ടികൾ.

ഫാമിലി എന്ന ലളിതമായ ഹാഷ്ടാ​ഗോടു കൂടിയാണ് ദുബായ് കിരീടവകാശി ചിത്രം പങ്കുവെച്ചത്.

ഷെയ്ഖ് ഹംദാൻ്റെ ഇളയ മക്കളായ റഷീദും ഷെയ്ഖയുമാണ് ചിത്രത്തിൻ്റെ പ്രധാന ആകർഷണം. കഴിഞ്ഞ വർഷമാണ് ഇരുവരും ജനിച്ചത്.തൻ്റെ ഇരട്ടക്കുട്ടികളുടെ ചിത്രം ഇതാദ്യമായാണ് ഷെയ്ഖ് ഹംദാൻ പങ്കുവെയ്ക്കുന്നത്.

ഈദ് ആഘോഷവുമായി ബന്ധപ്പെട്ട് തൻ്റെ കുടുബാം​ഗങ്ങൾക്കൊപ്പമുള്ള ചിത്രങ്ങൾ ഈ ആഴ്ച്ചയുടെ തുടക്കത്തിൽ തന്നെ ഷെയ്ഖ് ഹംദാൻ പങ്കുവെച്ചിരുന്നു.

ഇൻസ്റ്റാ​ഗ്രാമിൽ 14 ദശലക്ഷം ഫോളോവേഴ്സുള്ള ഷെയ്ഖ് ഹംദാൻ തൻ്റെ ജീവിതത്തിന്റെ സുപ്ര​ധാന നിമിഷങ്ങൾ സമൂഹ മാധ്യമങ്ങളിൽ തുടർച്ചയായി പങ്കുവെയ്ക്കാറുണ്ട്.

STORY HIGHLIGHTS :Sheikh Hamdan shares photo of Sheikh Mohammed surrounded by his grandchildren