കിരീടം നിലനിര്‍ത്തി ഗോകുലം കേരള; ഐ ലീഗില്‍ ചരിത്രം രചിച്ച് മലബാറിയന്‍സ്

കൊൽക്കത്ത: ഐ ലീ​ഗ് ഫുട്ബോൾ മത്സരത്തിൽ കിരീടം ചൂടി ​ഗോകുലം കേരള എഫ്സി. മുഹമ്മദൻസിനെ ഒന്നിനെതിരെ രണ്ടു ​ഗോളുകൾക്കാണ് ​ഗോ​കുലം തകർത്തത്. തുടർച്ചയായ രണ്ടാം തവണയാണ് ​ഗോകുലം എഫ്സി കേരളത്തിലേക്ക് ഐലീ​ഗ് കപ്പ് കൊണ്ടുവരുന്നത്.

കളിയുടെ 49ാം മിനുട്ടിൽ മിഡ്ഫീൽഡർ റിഷാദാണ് ​ഗോകുലത്തിനായി ആദ്യ ​ഗോൾ നേടിയത്. എന്നാൽ 57ാം മിനുട്ടില്‍ അസറുദ്ദീന്‍ മാലിക്കിന്റെ ഫ്രീകിക്കിലൂടെ മുഹമ്മദന്‍സ് സമനിലയിലെത്തിച്ചു. 61ാം മിനുട്ടില്‍ ഗോകുലത്തിന്റെ എമില്‍ ബെന്നി ഗോളടിച്ചതോടെ മൊഹമ്മദന്‍സിന്റെ പോരാട്ട വീര്യം ചോര്‍ന്നു. 18 കളികളിൽ നിന്ന് 13 വിജയങ്ങളോടെ 43 പോയന്റ് നേടിയാണ് ​ഗോകുലം കപ്പടിച്ചത്.

2020-21ലെ ഫുട്ബോൾ മത്സരത്തിലും ​ഗോകുലം കേരള എഫ്സി വിജയിച്ചിരുന്നു. ഐ ലീ​ഗ് കിരീടം നേടുന്ന ആദ്യ കേരള ഫുട്ബോൾ ക്ലബ്ബെന്ന നേട്ടവും ​ഗോകുലം സ്വന്തമാക്കിയിരുന്നു.

ഐലീഗിന്റെ ഈ സീസണില്‍ തോല്‍വിയറിയാതെ മുന്നേറിയ ഗോകുലം ബുധനാഴ്ച ശ്രീനിഥി ഡെക്കാനെതിരെ തോറ്റിരുന്നു. ഐ ലീഗ് ഫുട്‌ബോള്‍ മത്സരത്തിന്റെ 21 മത്സരങ്ങളിലും തോല്‍വിയറിയാതെ മുന്നേറിയ ടീം എന്ന റെക്കോര്‍ഡും ഗോകുലത്തിന് സ്വന്തമാണ്.

STORY HIGHLIGHTS: Gokulam Kerala FC Champions the I League Football