Top

'75 കിലോ ഭാരം, മുട്ട് മടക്കി നിലത്ത് ഇരിക്കാന്‍ പോലും കഴിയില്ല'; സിജുവില്‍ നിന്നും ആറാട്ടുപുഴ വേലായുധപണിക്കരിലേക്ക്, മേക്ക്ഓവര്‍ വീഡിയോ

22 Sep 2022 4:17 PM GMT
ഫിൽമി റിപ്പോർട്ടർ

75 കിലോ ഭാരം, മുട്ട് മടക്കി നിലത്ത് ഇരിക്കാന്‍ പോലും കഴിയില്ല; സിജുവില്‍ നിന്നും ആറാട്ടുപുഴ വേലായുധപണിക്കരിലേക്ക്, മേക്ക്ഓവര്‍ വീഡിയോ
X

വിനയന്‍ സംവിധാനം ചെയ്ത 'പത്തൊമ്പതാം നൂറ്റാണ്ടി'ല്‍ ആറാട്ടുപുഴ വേലായുധപണിക്കരായി എത്തിയ സിജു വില്‍സണിന്റെ പ്രകടനത്തിന് ഏറെ പ്രശംസ ലഭിച്ചിരുന്നു. മലയാളത്തിന്റെ പുതിയ ആക്ഷന്‍ സൂപ്പര്‍ ഹീറോ എന്നാണ് പ്രേക്ഷകര്‍ അഭിപ്രായപ്പെടുന്നത്. സിജു വില്‍സണില്‍ നിന്നും ആറാട്ടുപുഴ വേലായുധപണിക്കരിലേക്കുള്ള നടന്റെ മേക്ക്ഓവര്‍ വീഡിയോ പുറത്തുവിട്ടിരിക്കുകയാണ് ചിത്രത്തിന്റെ അണിയറപ്രവര്‍ത്തകര്‍. സംവിധായകനും വിവിധ മേഖലയില്‍ ട്രെയിന്‍ ചെയ്യിപ്പിച്ചവരും നടനെക്കുറിച്ചും പറയുന്നതും പരിശീലനവും ഒക്കെയാണ് വീഡിയോയില്‍ ഉള്‍പ്പെടുത്തിയിട്ടുള്ളത്.

സൗമ്യതയുടെ നേതൃത്വത്തിലുള്ള സംഘമാണ് സജുവിന് പരിശീലനം നല്‍കിയത്. 'സിജു ആദ്യം എത്തുമ്പോള്‍ 75 കിലോയോളം ഭാരം ഉണ്ടായിരുന്നു. ആദ്യ പത്ത് ദിവസം കളരിയാണ് ചെയ്തത്. ആദ്യ മൂന്ന് ദിവസത്തില്‍ സിജു ശരിക്കും വെള്ളം കുടിക്കുന്നത് കണ്ടു. പിന്നീട് ജിമ്മിലേക്ക് മാറ്റി. അവിടുന്ന അടുത്ത സ്റ്റേജ് കുതിര സവാരിയായിരുന്നു. അടുത്ത ഘട്ടം മസില്‍ സ്റ്റമുലൈസിങ്ങ് ആയ അഡ്വാന്‍സ്ഡ് ടെക്‌നോളജിയാണ് ഉപയോഗിച്ചത്' സിജുവിന്റെ പരിശീലകരില്‍ ഒരാളായ ജിന്‍സണ്‍ ജോസ് പറഞ്ഞു.

'ആറാട്ടുപുഴ വേലായുധ പണിക്കരാകണമെങ്കില്‍ നമ്മള്‍ മാത്രം വിചാരിച്ചാല്‍ പോരാ സിജുവും വിചാരിക്കണം. അദ്ദേഹം വേഗത്തില്‍ എല്ലാം പഠിച്ചു. ആറ് മാസത്തിനുള്ളില്‍ ഇത്രയും ബുദ്ധിമുട്ടിയ കഥാപാത്രം ഉണ്ടോയെന്ന് അറിയില്ല. മുട്ട് മടക്കി നിലത്ത് ഇരിക്കാന്‍ പോലും കഴിയുമായിരുന്നില്ല. അപ്പോഴാണ് ക്ലാസ് ആരംഭിച്ചത്' കളരി പരിശീലകനായ ബെന്നി സെബാസറ്റിയന്‍ പ്രതികരിച്ചു.

'കുതിരമായുമായി സിജുവിന് ഒരു പ്രത്യേക ബന്ധമുള്ളതായി തോന്നിയിട്ടുണ്ട്. വളരെ പെട്ടന്നുതന്നെ കുതിര സവാരി പഠിച്ചെടുത്തു. കുതിരയുടെ മുകളില്‍ നിന്നും വീണിട്ടുണ്ട്. വലിയ പരിക്കുകളൊന്നും സംഭവിച്ചിട്ടില്ല. ദിവസത്തില്‍ 30 മിനിറ്റാണ് അനുവദിച്ചിരുന്നത്. എങ്കിലും അതിനു മുകളില്‍ നിന്നിറങ്ങാതെ ഒരു മണിക്കൂറോളം അവിടെ ഇരുന്നിട്ടൊക്കെയാണ് പഠിച്ചത്. റൈഡ് കഴിഞ്ഞാലും കുതിരയെ കുളിപ്പിച്ച് ഭണവും കൊടുത്താണ് സിജു പോയിരുന്നത്' റൈഡിങ് ട്രെയ്‌നര്‍ ആയ യൂസ്ഫ് പ്രതികരിച്ചു

Story Highlights; Siju Wilson's makeover video for Pathonpatham noottandu

Next Story