Top

ചിക്കാഗോ ഫിലിം ഫെസ്റ്റിവലിൽ ഇടം നേടി 'കള'; അഭിമാന നിമിഷമെന്ന് ടൊവിനോ

കള ടീമിന് ഇത് അഭിമാന നിമിഷം എന്നാണ് ടൊവിനോ ഫേസ്ബുക്കിൽ കുറിച്ചത്.

24 Nov 2021 11:02 AM GMT
ഫിൽമി റിപ്പോർട്ടർ

ചിക്കാഗോ ഫിലിം ഫെസ്റ്റിവലിൽ ഇടം നേടി കള; അഭിമാന നിമിഷമെന്ന് ടൊവിനോ
X

ടൊവീനോ തോമസ് നായകനായെത്തിയ ചിത്രം കള ചിക്കാഗോ ഇന്റർനാഷണൽ ഇൻഡി ഫിലിം ഫെസ്റ്റിവലിലേക്ക് തെരഞ്ഞെടുക്കപ്പെട്ടു. ടൊവിനോ തോമസ് തന്നെയാണ് ഇക്കാര്യം സമൂഹ മാധ്യമങ്ങളിലൂടെ അറിയിച്ചത്. കള ടീമിന് ഇത് അഭിമാന നിമിഷം എന്നാണ് ടൊവിനോ ഫേസ്ബുക്കിൽ കുറിച്ചത്.

ഈ വർഷം മാര്‍ച്ചിലായിരുന്നു കളയുടെ തിയേറ്റര്‍ റിലീസ്. ചിത്രത്തിന് മികച്ച നിരൂപക പ്രശംസയാണ് ലഭിച്ചത്.ചിത്രത്തിന്റെ അവതരണ ശൈലിയെയും സംവിധാന മികവിനെയും കുറിച്ച് മികച്ച പ്രതികരണമാണ് കിട്ടിയത്. പിന്നീട് ചിത്രം ആമസോണ്‍ പ്രൈമിലും റിലീസ് ചെയ്തിരുന്നു.

രോഹിത്ത് വി എസ് ആണ് ചിത്രം സംവിധാനം ചെയ്തത്. യദു പുഷ്പാകരന്‍, രോഹിത്ത് വി എസ് എന്നിവരാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. അഘില്‍ ജോര്‍ജ് ഛായാഗ്രഹണം നിര്‍വ്വഹിച്ചു. ദിവ്യ പിള്ള, ലാല്‍ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങള്‍. ടൊവിനോയും ചിത്രത്തിലെ നിര്‍മ്മാതാക്കളില്‍ ഒരാളാണ്.

Next Story

Popular Stories