Top

'അതീവ സുരക്ഷാ മേഖല'; സെക്രട്ടറിയേറ്റിലും പരിസരത്തും സിനിമ-സീരിയല്‍ ചിത്രീകരണത്തിന് നിരോധനം

16 July 2022 10:29 AM GMT
ഫിൽമി റിപ്പോർട്ടർ

അതീവ സുരക്ഷാ മേഖല; സെക്രട്ടറിയേറ്റിലും പരിസരത്തും സിനിമ-സീരിയല്‍ ചിത്രീകരണത്തിന് നിരോധനം
X

തിരുവന്തപുരം; സെക്രട്ടറിയേറ്റിലും പരിസരത്തും സിനിമ-സീരിയല്‍ ചിത്രീകരണം നിരോധിച്ചതായി ആഭ്യന്തര വകുപ്പിന്റെ ഉത്തരവ്. സുരക്ഷ കണക്കിലെടുത്താണ് നടപടിയെന്നാണ് വിശദീകരണം. അതീവ സുരക്ഷാ മേഖലയായതുകൊണ്ടാണ് തീരുമാനമെന്നും ഔദ്യോഗിക ചിത്രീകരണങ്ങള്‍ മാത്രം പി ആര്‍ ഡിയുടെ നേതൃത്വത്തില്‍ നടത്തുമെന്നും ആഭ്യന്തര വകുപ്പ് അറിയിച്ചു.

സെക്രട്ടറിയേറ്റ് പൈതൃക സ്ഥലമാണ്. അവിടെ താല്‍ക്കാലിക നിര്‍മ്മാണ പ്രവര്‍ത്തനങ്ങള്‍ നടത്തുന്നത് നിര്‍മ്മിതികള്‍ക്ക് കേടുപാടുണ്ടാക്കുന്നുവെന്നും ഉത്തരവില്‍ പറയുന്നു. ചിത്രീകരണത്തിന് എത്തുന്നവരുടെ സുരക്ഷാ പരിശോധന, ഭക്ഷണവിതരണ രീതികള്‍, വാഹന പാര്‍ക്കിംഗ് തുടങ്ങിയവയും തടസ്സമാണെന്ന് ഉത്തരവില്‍ പറയുന്നുണ്ട്.

അടുത്തിടെ സെക്രട്ടറിയേറ്റും നിയമസഭമയും കേന്ദ്രമാക്കി സര്‍ക്കാരിന് എതിരെയുള്ള പ്രതിഷേധങ്ങള്‍ നടന്നിരുന്നു. ഉത്തരവിന് ഇതും കാരണമായിട്ടുണ്ടെന്നാണ് നിഗമനം. സിനിമാ- സീരിയല്‍ ചിത്രീകരണത്തിനുള്ള അനുമതിയ്ക്കുവേണ്ടിയുള്ള അപേക്ഷകള്‍ നേരത്തെ സര്‍ക്കാര്‍ തള്ളിയിരുന്നു.

Story Highlights; Ban on cinema and serials shooting in and around Secretariat

Next Story