Top

കുടിവെള്ളം ചോദിച്ചെത്തി; അമ്മയേയും മകനേയും കുത്തിപ്പരുക്കേല്‍പ്പിച്ച് ബംഗാള്‍ സ്വദേശി

എടത്വ തലവടിയിലാണ് സംഭവം. ബംഗാള്‍ സ്വദേശി സത്താറിന്റെ പൊലീസ് അറസ്റ്റ് ചെയ്തു

21 April 2022 10:06 PM GMT
റിപ്പോർട്ടർ നെറ്റ്‌വർക്ക്

കുടിവെള്ളം ചോദിച്ചെത്തി; അമ്മയേയും മകനേയും കുത്തിപ്പരുക്കേല്‍പ്പിച്ച് ബംഗാള്‍ സ്വദേശി
X

ആലപ്പുഴ: കുടിവെള്ളം ചോദിച്ചെത്തിയ ബംഗാള്‍ സ്വദേശി വീട്ടമ്മയേയും മകനേയും കുത്തി പരിക്കേല്‍പ്പിച്ചു. എടത്വ തലവടിയിലാണ് സംഭവം. ബംഗാള്‍ സ്വദേശി സത്താറിന്റെ പൊലീസ് അറസ്റ്റ് ചെയ്തു.

തലവടി പഞ്ചായത്ത് ഏഴാം വാര്‍ഡ് സ്വദേശി 50 വയസുള്ള വിന്‍സിക്കും മകന്‍ 25 വയസുള്ള അന്‍വിനുമാണ് കുത്തേറ്റത്. ബുധനാഴ്ച വൈകിട്ട് 6 മണിയോടെയായിരുന്നു സംഭവം. കുടിവെള്ളം ചോദിച്ച് വീട്ടിലെത്തിയ സത്താര്‍ ബഹളം വെച്ചതിനെ തുടര്‍ന്ന് വീട്ടുകാര്‍ വാതില്‍ അടച്ച് അകത്തു കയറി. കതകില്‍ ഇടിച്ചും ചവിട്ടിയും തുറക്കാന്‍ ശ്രമിച്ചെങ്കിലും പരാജയപ്പെട്ടതോടെ വീടിന് മുറ്റത്ത് പൂട്ടിയിട്ട നായയുടെ നേരേ അക്രമം നടത്തി.

നായയുടെ കഴുത്തില്‍ കയറിട്ട് മുറുക്കുന്നതുകണ്ട അന്‍വിന്‍ പുറത്തിറങ്ങി തടയാന്‍ ശ്രമിച്ചു. ഈ സമയം കൈയ്യില്‍ കരുതിയിരുന്ന കത്തി ഉപയോഗിച്ച് അന്‍വിന്റെ നെഞ്ചിന് താഴെ കുത്തുകയായിരുന്നു. മകനെ കുത്തുന്നതുകണ്ട് ഓടിയെത്തിയ വിന്‍സിക്കും കുത്തേറ്റു. ഓടിക്കൂടിയ നാട്ടുകാര്‍ ബംഗാള്‍ സ്വദേശിയെ തടഞ്ഞുവെച്ച് എടത്വാ പൊലീസില്‍ വിവരം അറിയിക്കുകയായിരുന്നു.

ലഹരി ഉപയോഗിച്ച് സ്വബോധം നഷ്ടപ്പെട്ടാകാം പ്രതി അക്രമം നടത്തിയതെന്നാണ് പൊലീസ് സംശയിക്കുന്നത്. കുത്തേറ്റ ഇരുവരും ഹരിപ്പാട് താലൂക്ക് ആശുപത്രിയില്‍ ചികിത്സ തേടി. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.

STORY HIGHLIGHTS: Bengal native who came to ask for drinking water stabbed housewife and her son in Alappuzha

Next Story