Top

കേരളത്തിലെ ഏഴ് ജില്ലകളില്‍ കൊവിഡ് വ്യാപനം കൂടുതല്‍; ആശങ്കയറിയിച്ച് കേന്ദ്ര ആരോഗ്യ മന്ത്രാലയം

കേരളത്തിലെ കൊവിഡ് വ്യാപനത്തില്‍ ആശങ്കയറിയിച്ച് കേന്ദ്ര ആരോഗ്യ മന്ത്രാലയം. കേരളത്തിലെ ഏഴ് ജില്ലകളില്‍ കഴിഞ്ഞ നാല് ആഴ്ചകളിലായി കൊവിഡ് വ്യാപനം കൂടുതലാണെന്നും ഇത് ആശങ്കയുണ്ടാക്കുന്നതാണെന്നും കേന്ദ്ര ആരോഗ്യമന്ത്രാലയ ജോയിന്റ് സെക്രട്ടറി ലാവ് അഗര്‍വാള്‍ പത്രസമ്മേളനത്തില്‍ പറഞ്ഞു. കോട്ടയം, എറണാകുളം, ആലപ്പുഴ, പത്തനംതിട്ട, മലപ്പുറം, തൃശൂര്‍, വയനാട് എന്നാ ജില്ലകളാണിവ. ഇതിനു പുറമെ പത്ത് ജില്ലകളില്‍ പത്ത് ശതമാനത്തില്‍ കൂടുതലാണ് ടെസ്റ്റ് പോസ്റ്റിവിറ്റി നിരക്ക്. ഇതിനാല്‍ ഈ ജില്ലകളില്‍ നിയന്ത്രണങ്ങള്‍ കര്‍ശനമാക്കണമെന്ന് സംസ്ഥാനത്തിന് നിര്‍ദ്ദേശം നല്‍കിയിട്ടുണ്ട്. കേരളത്തെക്കൂടാതെ മണിപ്പൂരിലെ […]

27 July 2021 6:27 AM GMT
റിപ്പോർട്ടർ നെറ്റ്‌വർക്ക്

കേരളത്തിലെ ഏഴ് ജില്ലകളില്‍ കൊവിഡ് വ്യാപനം കൂടുതല്‍; ആശങ്കയറിയിച്ച് കേന്ദ്ര ആരോഗ്യ മന്ത്രാലയം
X

കേരളത്തിലെ കൊവിഡ് വ്യാപനത്തില്‍ ആശങ്കയറിയിച്ച് കേന്ദ്ര ആരോഗ്യ മന്ത്രാലയം. കേരളത്തിലെ ഏഴ് ജില്ലകളില്‍ കഴിഞ്ഞ നാല് ആഴ്ചകളിലായി കൊവിഡ് വ്യാപനം കൂടുതലാണെന്നും ഇത് ആശങ്കയുണ്ടാക്കുന്നതാണെന്നും കേന്ദ്ര ആരോഗ്യമന്ത്രാലയ ജോയിന്റ് സെക്രട്ടറി ലാവ് അഗര്‍വാള്‍ പത്രസമ്മേളനത്തില്‍ പറഞ്ഞു. കോട്ടയം, എറണാകുളം, ആലപ്പുഴ, പത്തനംതിട്ട, മലപ്പുറം, തൃശൂര്‍, വയനാട് എന്നാ ജില്ലകളാണിവ. ഇതിനു പുറമെ പത്ത് ജില്ലകളില്‍ പത്ത് ശതമാനത്തില്‍ കൂടുതലാണ് ടെസ്റ്റ് പോസ്റ്റിവിറ്റി നിരക്ക്. ഇതിനാല്‍ ഈ ജില്ലകളില്‍ നിയന്ത്രണങ്ങള്‍ കര്‍ശനമാക്കണമെന്ന് സംസ്ഥാനത്തിന് നിര്‍ദ്ദേശം നല്‍കിയിട്ടുണ്ട്.

കേരളത്തെക്കൂടാതെ മണിപ്പൂരിലെ അഞ്ച് ജില്ലകള്‍, മേഘാലയയിലെ മൂന്ന് ജില്ലകള്‍ എന്നിവിടങ്ങളിലും കൊവിഡ് വ്യാപനം കൂടുതലാണെന്ന് ആരോഗ്യമന്ത്രാലയ പ്രതിനിധി അറിയിച്ചു. ഈ സംസ്ഥാനങ്ങളിലെ സര്‍ക്കാരുമായി നിരന്തരം ചര്‍ച്ച നടത്തി വരികയാണെന്നും ഇദ്ദേഹം അറിയിച്ചു.

അതേസമയം വാക്‌സിന്‍ ക്ഷാമം നേരിടുന്ന കേരളത്തിന് ആവശ്യമായ സ്‌റ്റോക്ക് ഉടനെ എത്തിക്കുമെന്ന് കേന്ദ്ര ആരോഗ്യമന്ത്രി മന്‍ഷൂഖ് മാണ്ഡ്യവ ഇന്ന് മന്ത്രിയെ സന്ദര്‍ശിച്ച എംപിമാര്‍ക്ക് ഉറപ്പു നല്‍കിയിട്ടുണ്ട്. ഇടത് എംപിമാരായ എളമരം കരീം, ബിനോയ് വിശ്വം, ഡോക്ടര്‍ വി ശിവദാസന്‍, കെ സോമപ്രസാദ്, ജോണ്‍ ബ്രിട്ടാസ്, എ എം ആരിഫ്, എം വി ശ്രേയാംസ് കുമാര്‍ എന്നിവരാണ് മന്ത്രിയെ സന്ദര്‍ശിച്ചത്.
വളരെ മികച്ച രീതിയില്‍ കൊവിഡ് വാക്സിനേഷന്‍ യജ്ഞം നടത്തിവരുന്ന സംസ്ഥാനത്തിന്റെ പ്രവര്‍ത്തനങ്ങളെ മന്ത്രി പ്രശംസിച്ചു. ഊഴമനുസരിച്ച് സംസ്ഥാനങ്ങള്‍ക്ക് വാക്സിന്‍ ലഭ്യമാക്കുമ്പോള്‍ കേരളത്തിന് പ്രാമുഖ്യവും പ്രത്യേക പരിഗണയും നല്‍കുന്ന കാര്യവും പരിഗണിക്കാമെന്നും മന്ത്രി എംപിമാരെ അറിയിച്ചു.

Popular

    Next Story