Top

‘അന്തര്‍ധാര സജീവമാണ്’; മുഖ്യമന്ത്രിയുടെ ഡല്‍ഹി യാത്രയില്‍ കെ സുധാകരന്‍

കൊടകര കുഴല്‍പ്പണക്കേസ് അടിമറിക്കാനാണ് മുഖ്യമന്ത്രി പിണറായി വിജയന്‍ പ്രധാനമന്ത്രിയുമായി കൂടിക്കാഴ്ച്ച നടത്തിയതെന്ന് കെപിസിസി അധ്യക്ഷന്‍ കെ സുധാകരന്‍. ബിജെപിയും സിപിഐഎമ്മും ചേര്‍ന്നുണ്ടാക്കിയ രഹസ്യധാരണയുടെ ഭാഗമായിരുന്നു മുഖ്യമന്ത്രിയുടെ അടിയന്തര ഡല്‍ഹിയാത്രയെന്നും സിപിഐഎമ്മും ബിജെപിയും പ്രതിസ്ഥാനത്ത് നില്‍ക്കുന്ന കേസുകള്‍ ഒതുക്കി തീര്‍ക്കാനുള്ള അന്തര്‍ധാര സജീവമാണെന്നും കെ സുധാകരന്‍ ആരോപിച്ചു. കൊടകര കുഴല്‍പ്പണ കവര്‍ച്ചയില്‍ നിഗൂഢതയുണ്ടെന്ന് ഹൈക്കോടതി നിരീക്ഷിച്ചത് ഇതു സംബന്ധിച്ച കേരള പോലീസിന്റെ അന്വേഷണം പ്രഹസനമായതിനാലാണെന്നും ഇത് സിപിഐഎം ബിജെപി രഹസ്യബാന്ധവത്തിന്റെ ഫലമാണെന്നും കെപിസിസി കെപിസിസി അധ്യക്ഷന്‍ പറഞ്ഞു. മുഖ്യമന്ത്രി […]

16 July 2021 6:32 AM GMT
റിപ്പോർട്ടർ നെറ്റ്‌വർക്ക്

‘അന്തര്‍ധാര സജീവമാണ്’; മുഖ്യമന്ത്രിയുടെ ഡല്‍ഹി യാത്രയില്‍  കെ സുധാകരന്‍
X

കൊടകര കുഴല്‍പ്പണക്കേസ് അടിമറിക്കാനാണ് മുഖ്യമന്ത്രി പിണറായി വിജയന്‍ പ്രധാനമന്ത്രിയുമായി കൂടിക്കാഴ്ച്ച നടത്തിയതെന്ന് കെപിസിസി അധ്യക്ഷന്‍ കെ സുധാകരന്‍. ബിജെപിയും സിപിഐഎമ്മും ചേര്‍ന്നുണ്ടാക്കിയ രഹസ്യധാരണയുടെ ഭാഗമായിരുന്നു മുഖ്യമന്ത്രിയുടെ അടിയന്തര ഡല്‍ഹിയാത്രയെന്നും സിപിഐഎമ്മും ബിജെപിയും പ്രതിസ്ഥാനത്ത് നില്‍ക്കുന്ന കേസുകള്‍ ഒതുക്കി തീര്‍ക്കാനുള്ള അന്തര്‍ധാര സജീവമാണെന്നും കെ സുധാകരന്‍ ആരോപിച്ചു.

കൊടകര കുഴല്‍പ്പണ കവര്‍ച്ചയില്‍ നിഗൂഢതയുണ്ടെന്ന് ഹൈക്കോടതി നിരീക്ഷിച്ചത് ഇതു സംബന്ധിച്ച കേരള പോലീസിന്റെ അന്വേഷണം പ്രഹസനമായതിനാലാണെന്നും ഇത് സിപിഐഎം ബിജെപി രഹസ്യബാന്ധവത്തിന്റെ ഫലമാണെന്നും കെപിസിസി കെപിസിസി അധ്യക്ഷന്‍ പറഞ്ഞു.

മുഖ്യമന്ത്രി പിണറായി വിജയന്‍ പ്രധാനമന്ത്രിയുമായി നടത്തിയ കൂടിക്കാഴ്ച്ചയും ഡല്‍ഹി യാത്രയും ഈ ബന്ധം ഊട്ടിയുറപ്പിക്കാനായിരുന്നു. കേരളത്തിലെ രൂക്ഷമായ കൊവിഡ് സാഹചര്യങ്ങളോ അഗാധമായ സാമ്പത്തിക പ്രതിസന്ധികളോ പ്രധാനമന്ത്രിയുമായി നടത്തിയ കൂടിക്കാഴ്ചയില്‍ ഉന്നയിക്കാതെ ഇരുകൂട്ടര്‍ക്കും താത്പര്യമുള്ള കേസുകളാണ് മുഖ്യമന്ത്രി ചര്‍ച്ച ചെയ്തതെന്ന് സംശയമുണ്ട്. ഈ രഹസ്യബാന്ധവം ഒരിക്കല്‍ക്കൂടി ഊട്ടിയുറപ്പിച്ചതിന്റെ സന്തോഷമാണ് പ്രധാനമന്ത്രിയെ സന്ദര്‍ശിച്ച ശേഷം ഡല്‍ഹിയില്‍ നടത്തിയ പത്രസമ്മേളനത്തില്‍ മുഖ്യമന്ത്രിയില്‍ പ്രകടമായതെന്നും അദ്ദേഹം കൂട്ടിച്ചേര്‍ത്തു.

ബിജെപി നേതാക്കളെ രക്ഷിച്ചുകൊണ്ടുള്ള പോലീസ് അന്വേഷണമാണ് നടക്കുന്നതെന്ന് വ്യക്തമായ സാഹചര്യത്തിലാണ് ഹൈക്കോടതി രൂക്ഷമായ വിമര്‍ശനം നടത്തിയ ശേഷം പ്രതികളുടെ ജാമ്യാപേക്ഷ തള്ളിയത്. ഇനിയും പലതും പുറത്ത് വരാനുണ്ടെന്നും പ്രധാന പ്രതികള്‍ പുറത്താണെന്നും പിടിക്കപ്പെട്ടതിലും വലിയ തുക കണ്ടെത്തേണ്ടതുണ്ടെന്നുമുള്ള ഹൈക്കോടതിയുടെ നിരീക്ഷണം അത്യന്തം ഗൗരവമുള്ളതാണ്. തെളിവുകള്‍ ഒന്നൊന്നായി പുറത്തുവരുമ്പോള്‍ അന്വേഷണം പ്രഹസനമാകുന്നുവെന്നാണ് ഹൈക്കോടതിയുടെ നിരീക്ഷണങ്ങളിലൂടെ ബോധ്യപ്പെടുന്നതാണ്.

സ്വര്‍ണ്ണക്കള്ളക്കടത്തില്‍ സിപിഎം ക്രിമിനല്‍ സംഘങ്ങളുടെ പാങ്കാളിത്തം പകല്‍പ്പോലെ വ്യക്തമാണ്. രാജ്യത്തിന്റെ സമ്പദ് വ്യവസ്ഥയെ അട്ടിമറിക്കാന്‍ സാധിക്കുന്ന വിധം കോടികളാണ് സിപിഎം സഹയാത്രികരായ ക്വട്ടേഷന്‍ സംഘങ്ങളിലൂടെ കേരളത്തിലെത്തുന്നത്. സ്വര്‍ണക്കടത്തിലെ മൂന്നിലൊന്ന് തുക പാര്‍ട്ടിക്കാണെന്നു വെളിപ്പെടുത്തുന്ന ശബ്ദരേഖയും പുറത്തുവന്നിട്ടുണ്ട്. കേരളത്തിന്റെ സമ്പദ്ഘടനയെ അട്ടിമറിക്കാന്‍ പര്യാപ്തമായ രണ്ട് കേസുകളും ഇഴഞ്ഞ് നീങ്ങുന്നത് കേരളത്തിന്റെ പൊതുമനസ്സാക്ഷി കാണുന്നുണ്ടെന്ന് സിപിഐഎമ്മും ബിജെപിയും ഓര്‍ക്കുന്നത് നല്ലതാണന്നും സുധാകരന്‍ കൂട്ടിച്ചേര്‍ത്തു.

Also Read: ‘ഒക്കചങ്ങായിമാര്‍, സമര്‍പ്പണം: തൃത്താലയിലെ എക്‌സ്.ഫേസ്ബുക്ക് പ്രധാനമന്ത്രിക്ക്’; മിനിറ്റുകള്‍ക്കുള്ളില്‍ ബല്‍റാമിന് പിവി അന്‍വറിന്റെ മറുപടി

Next Story