Top

‘ബല്‍റാമിന്റെ തോല്‍വിക്ക് കാരണം എകെജിയെ സ്‌നേഹിക്കുന്നവരുടെ പ്രതികരണം’; മുഖ്യമന്ത്രി

തൃത്താലയിലെ യുഡിഎഫ് സ്ഥാനാര്‍ത്ഥി വിടി ബല്‍റാമിന്റെ പരാജയത്തിന് പിന്നില്‍ എകെജിയെ സ്‌നേഹിക്കുന്നവരുടെ പ്രതികരണമാണെന്ന് മുഖ്യമന്ത്രി പിണറായി വിജയന്‍. ബല്‍റാമിന്റെ പരാമര്‍ശത്തിനെതിരായ വികാരം തൃത്താല മണ്ഡലത്തിലുണ്ടായിരുന്നെന്നും മുഖ്യമന്ത്രി പറഞ്ഞു. മുഖ്യമന്ത്രിയുടെ വാക്കുകള്‍: ”കേരളത്തിലെ എല്ലാവരും ഒരുപോലെ ആദരിക്കുന്ന രാഷ്ട്രീയ നേതാവണല്ലോ സഖാവ് എകെജി. ആ എകെജിയെ പള്ള് പറയാന്‍ പുറപ്പെടുന്നത് എത്ര മോശമായ അവസ്ഥയാണ്. ഇത് ഉണ്ടാക്കിയ വികാരം മണ്ഡലത്തിലുണ്ടാവില്ലേ. അതിനെതിരെ എകെജിയെ സ്‌നേഹിക്കുന്നവരുടെ ഭാഗത്ത് നിന്ന് പ്രതികരണം വന്നപ്പോള്‍ അത് കൂടുതല്‍ കടുപ്പിക്കാനാണ് ഇദ്ദേഹം ശ്രമിച്ചത്. സ്വഭാവികമായും […]

2 May 2021 8:16 AM GMT

‘ബല്‍റാമിന്റെ തോല്‍വിക്ക് കാരണം എകെജിയെ സ്‌നേഹിക്കുന്നവരുടെ പ്രതികരണം’; മുഖ്യമന്ത്രി
X

തൃത്താലയിലെ യുഡിഎഫ് സ്ഥാനാര്‍ത്ഥി വിടി ബല്‍റാമിന്റെ പരാജയത്തിന് പിന്നില്‍ എകെജിയെ സ്‌നേഹിക്കുന്നവരുടെ പ്രതികരണമാണെന്ന് മുഖ്യമന്ത്രി പിണറായി വിജയന്‍. ബല്‍റാമിന്റെ പരാമര്‍ശത്തിനെതിരായ വികാരം തൃത്താല മണ്ഡലത്തിലുണ്ടായിരുന്നെന്നും മുഖ്യമന്ത്രി പറഞ്ഞു.

മുഖ്യമന്ത്രിയുടെ വാക്കുകള്‍: ”കേരളത്തിലെ എല്ലാവരും ഒരുപോലെ ആദരിക്കുന്ന രാഷ്ട്രീയ നേതാവണല്ലോ സഖാവ് എകെജി. ആ എകെജിയെ പള്ള് പറയാന്‍ പുറപ്പെടുന്നത് എത്ര മോശമായ അവസ്ഥയാണ്. ഇത് ഉണ്ടാക്കിയ വികാരം മണ്ഡലത്തിലുണ്ടാവില്ലേ. അതിനെതിരെ എകെജിയെ സ്‌നേഹിക്കുന്നവരുടെ ഭാഗത്ത് നിന്ന് പ്രതികരണം വന്നപ്പോള്‍ അത് കൂടുതല്‍ കടുപ്പിക്കാനാണ് ഇദ്ദേഹം ശ്രമിച്ചത്. സ്വഭാവികമായും അതിനെതിരെ പ്രതികരണം വന്നിട്ടുണ്ടാകും.”

നിയമസഭാ തെരഞ്ഞെടുപ്പ് വിജയം നാട്ടിലെ ജനങ്ങളുടെ വിജയമാണെന്നും മുഖ്യമന്ത്രി പറഞ്ഞു. തുടര്‍ഭരണമുണ്ടാകുമെന്ന ആത്മവിശ്വാസത്തിന് പിന്നില്‍ ജനങ്ങള്‍ നല്‍കിയ വിശ്വാസമാണെന്നും മുഖ്യമന്ത്രി പറഞ്ഞു. മുഖ്യമന്ത്രി പറഞ്ഞത്: ”ഒരു വലിയ രാഷ്ട്രീയ പോരാട്ടമാണ് നിയമസഭാ തെരഞ്ഞെടുപ്പിന്റെ ഭാഗമായി കേരളത്തില്‍ നടന്നത്. തെരഞ്ഞെടുപ്പ് ഫലം ഇന്നത്തെ വിജയം നാട്ടിലെ ജനത്തിന്റെ വിജയമാണ്. ഇതിന്റെ നേരവകാശികള്‍ കേരള ജനതയാണ്. തെരഞ്ഞെടുപ്പ് വന്നപ്പോഴും തുടക്കത്തിലും മധ്യത്തിലും തെരഞ്ഞെടുപ്പ് കഴിഞ്ഞപ്പോഴും വോട്ടെണ്ണുന്നതിന് തൊട്ടുമുന്‍പിലും എല്ലാം ഒരേ നിലയാണ് മാധ്യമപ്രവര്‍ത്തകരുടെ ചോദ്യത്തിന് മറുപടിയായി ആവര്‍ത്തിച്ചത്.”

”അത്തരമൊരു നിലപാട് എന്തുകൊണ്ടാണ്, എന്താണ് ഇത്ര വലിയ ഉറപ്പ് എന്നൊക്കെ സംശയം പ്രകടിപ്പിച്ചവരുണ്ട്. ഞങ്ങള്‍ ജനത്തെയും ജനം ഞങ്ങളെയും വിശ്വസിക്കുന്നുണ്ട്. അതുകൊണ്ട് കഴിഞ്ഞ തവണ നേടിയതിലും കൂടുതല്‍ സീറ്റ് എല്‍ഡിഎഫ് നേടുമെന്നാണ് പറഞ്ഞ മറുപടി. അത് തീര്‍ത്തും അന്വര്‍ത്ഥമാകും വിധമാണ് തെരഞ്ഞെടുപ്പ് ഫലം. ഈ മഹാവിജയം കേരളത്തിലെ ജനങ്ങള്‍ക്ക് വിനയപൂര്‍വം സമര്‍പ്പിക്കുന്നു. കേരളം മാറിമാറി സര്‍ക്കാരുകളെ പരീക്ഷിക്കുന്ന ഒരു സംസ്ഥാനമായിരുന്നു. ഇതൊരു സ്വാഭാവിക പ്രക്രിയയായി ചിലര്‍ കരുതി. അത് തിരുത്തുന്ന നില കൂടിയാണ് ഇത്.”

”തെരഞ്ഞെടുപ്പ് ഫലത്തിന്റെ വിശദമായ കണക്കിലേക്കും വിശകലനത്തിലേക്കും ഇപ്പോള്‍ പോകുന്നില്ല. അത് പിന്നീട് നടത്താം. എന്നാല്‍ കേരളത്തില്‍ തെരഞ്ഞെടുപ്പ് അന്തരീക്ഷം വന്നതോടെ നാടിന്റെയാകെ നില അട്ടിമറിക്കാനുള്ള ബോധപൂര്‍വമായ നീക്കങ്ങളും ശ്രമങ്ങളും ഉണ്ടായി. പല രീതിയിലുള്ള ആക്രമണം ഉണ്ടായത് ഒരു ഭാഗം. നമുക്ക് നേരിടേണ്ടി വന്ന ഒരുപാട് പ്രതിസന്ധികളുണ്ട്. അതിനെയെല്ലാം മറികടന്നുകൊണ്ടാണ് നമുക്ക് മുന്നോട്ട് പോകേണ്ടിയിരുന്നത്. ആ കാര്യത്തില്‍ ജനം പൂര്‍ണമായും എല്‍ഡിഎഫിന് ഒപ്പമുണ്ടായി. അതുകൊണ്ടാണ് എല്ലാത്തിനെയും പ്രതിരോധിക്കാനും അതിജീവിക്കാനും സാധിച്ചത്.”

”ആ ജനം ഇനിയും എല്‍ഡിഎഫിനൊപ്പമുണ്ടെന്നാണ് ജനവിധി പ്രഖ്യാപിച്ചിരിക്കുന്നത്. കഴിഞ്ഞ അഞ്ച് വര്‍ഷത്തെ സര്‍ക്കാരിന്റെ പ്രവര്‍ത്തനങ്ങളെ അംഗീകരിക്കുന്നതാണ് ഫലം. നാം ഒരു സംസ്ഥാനമെന്ന നിലയില്‍ നേരിടുന്ന പ്രശ്‌നങ്ങളുണ്ട്. അവ പരിഹരിക്കുന്നതിന് എല്‍ഡിഎഫിനാണ് കഴിയുകയെന്ന പൊതുബോധ്യം ജനത്തിനുണ്ടായെന്ന് കൂടിയാണ് ഫലം വ്യക്തമാക്കുന്നത്. കേരളത്തിന് ഭാവിയെ കുറിച്ച് ചിന്തിക്കുമ്പോള്‍ ഒരുപാട് പ്രശ്‌നം നമ്മളെ ബാധിക്കുന്നുണ്ട്. നിരവധി പ്രശ്‌നങ്ങളില്‍ നമ്മുടെ താത്പര്യം സംരക്ഷിക്കേണ്ടതുണ്ട്. അവ നേടിയെടുക്കണമെങ്കില്‍ എല്‍ഡിഎഫിനേ എന്തെങ്കിലും ചെയ്യാനാവൂ എന്ന പൊതുബോധം ജനത്തിലുണ്ട്. നാട് നേരിടേണ്ടി വന്ന കെടുതികള്‍ അതിന്റെ ഭാഗമായുണ്ടായ പ്രത്യാഘാതങ്ങള്‍, അതിനെ അതിജീവിക്കാന്‍ നടത്തിയ ശ്രമം എല്ലാം നാടും നാട്ടുകാരും കണ്ടതാണ്.
സമൂഹത്തിലെ മഹാ ഭൂരിപക്ഷവും മതനിരപേക്ഷ ചിന്താഗതിക്കാരാണ്. മതനിരപേക്ഷത സംരക്ഷിക്കാന്‍ ഇടത് തുടര്‍ഭരണം ആവശ്യമാണെന്ന നിലപാട് അവരെല്ലാം സ്വീകരിച്ചു.”

Next Story