Top

കോഴ ആരോപണം; കെ സുരേന്ദ്രനും സി കെ ജാനുവിനും എതിരെ കേസെടുത്തു

നിയമസഭാ തെരഞ്ഞെടുപ്പില്‍ മത്സരിക്കാന്‍ സികെ ജാനുവിന് പണം നല്‍കിയെന്ന ആരോപണത്തില്‍ ബിജെപി സംസ്ഥാന അധ്യക്ഷന്‍ കെ സുരേന്ദ്രനെതിരെ സുല്‍ത്താന്‍ ബത്തേരി പൊലീസ് കേസ് രജിസ്റ്റര്‍ ചെയ്തു. കല്‍പ്പറ്റ കോടതിയുടെ ഉത്തരവ് പ്രകാരമാണ് കേസെടുത്തിരിക്കുന്നത്. കൈക്കൂലി കൈപ്പറ്റിയെന്ന ആരോപണത്തില്‍ സി കെ ജാനുവിനെതിരെയും കേസെടുത്തിട്ടുണ്ട്. എംഎസ്എഫ് നേതാവ് പി കെ നവാസ് നല്‍കിയ ഹര്‍ജി പരിഗണിച്ച കോടതി കഴിഞ്ഞദിവസമാണ് സുരേന്ദ്രനെതിരെ കേസെടുക്കാന്‍ അനുമതി നല്‍കിയത്. സ്ഥാനാര്‍ത്ഥിയാവാന്‍ 50 ലക്ഷം കോഴ നല്‍കിയെന്ന പരാതിയില്‍ കേസെടുക്കണമെന്നാണ് നിര്‍ദേശം. എന്‍ഡിഎയില്‍ ചേരാന്‍ […]

17 Jun 2021 5:20 AM GMT
റിപ്പോർട്ടർ നെറ്റ്‌വർക്ക്

കോഴ ആരോപണം; കെ സുരേന്ദ്രനും സി കെ ജാനുവിനും എതിരെ കേസെടുത്തു
X

നിയമസഭാ തെരഞ്ഞെടുപ്പില്‍ മത്സരിക്കാന്‍ സികെ ജാനുവിന് പണം നല്‍കിയെന്ന ആരോപണത്തില്‍ ബിജെപി സംസ്ഥാന അധ്യക്ഷന്‍ കെ സുരേന്ദ്രനെതിരെ സുല്‍ത്താന്‍ ബത്തേരി പൊലീസ് കേസ് രജിസ്റ്റര്‍ ചെയ്തു. കല്‍പ്പറ്റ കോടതിയുടെ ഉത്തരവ് പ്രകാരമാണ് കേസെടുത്തിരിക്കുന്നത്. കൈക്കൂലി കൈപ്പറ്റിയെന്ന ആരോപണത്തില്‍ സി കെ ജാനുവിനെതിരെയും കേസെടുത്തിട്ടുണ്ട്.

എംഎസ്എഫ് നേതാവ് പി കെ നവാസ് നല്‍കിയ ഹര്‍ജി പരിഗണിച്ച കോടതി കഴിഞ്ഞദിവസമാണ് സുരേന്ദ്രനെതിരെ കേസെടുക്കാന്‍ അനുമതി നല്‍കിയത്. സ്ഥാനാര്‍ത്ഥിയാവാന്‍ 50 ലക്ഷം കോഴ നല്‍കിയെന്ന പരാതിയില്‍ കേസെടുക്കണമെന്നാണ് നിര്‍ദേശം.

എന്‍ഡിഎയില്‍ ചേരാന്‍ സികെ ജാനു പണം ആവശ്യപ്പെട്ടെന്ന് ആരോപണവുമായി ജനാധിപത്യ രാഷ്ട്രീയ പാര്‍ട്ടി (ജെആര്‍പി) ട്രഷറര്‍ പ്രസീത അഴീക്കോടാണ് രംഗത്തെത്തിയത്. പത്തുലക്ഷം രൂപയാണ് സുരേന്ദ്രന്‍ കൈമാറിയത്. എന്നാല്‍, ജാനു ആവശ്യപ്പെട്ടത് പത്തുകോടിയാണെന്നും പ്രസീത ആരോപിച്ചിരുന്നു. ബിജെപി സംസ്ഥാന പ്രസിഡന്റുമായി പ്രസീത നടത്തിയ സംഭാഷണം ഉള്‍പ്പെടെ പുറത്ത് വിട്ടായിരുന്നു ആരോപണം ഉന്നയിച്ചത്. എന്നാല്‍ ആരോപണങ്ങള്‍ സികെ ജാനു നിഷേധിച്ചിരുന്നു.

നിയമസഭാ തിരഞ്ഞെടുപ്പില്‍ മഞ്ചേശ്വരം മണ്ഡലത്തില്‍ ബി.എസ്.പി. സ്ഥാനാര്‍ഥിയായി പത്രിക നല്‍കിയ കെ സുന്ദരയ്ക്ക് സ്ഥാനാര്‍ഥിത്വം പിന്‍വലിക്കാന്‍ രണ്ടരലക്ഷം രൂപയും സ്മാര്‍ട്ട് ഫോണും നല്‍കിയെന്ന വെളിപ്പെടുത്തലില്‍ നേരത്തെ ബിജെപി സംസ്ഥാന അധ്യക്ഷന്‍ കെ. സുരേന്ദ്രനെതിരെ കേസെടുത്തിരുന്നു. മഞ്ചേശ്വരത്തെ ഇടതുമുന്നണി സ്ഥാനാര്‍ഥിയായിരുന്ന വിവി രമേശന്‍ നല്‍കിയ പരാതിയിലാണ് കേസെടുത്തത്. ഇതില്‍ നടപടി പുരോഗമിക്കെയാണ് പുതിയ കേസ്.

അതേസമയം, സികെ ജാനുവിനെ മുന്നണിയില്‍ കൊണ്ടുവരാന്‍ ബിജെപി പണം നല്‍കേണ്ട ആവശ്യമില്ലെന്നായിരുന്നു ബിജെപി നേതാവ് പികെ കൃഷ്ണദാസിന്റെ കോടതി ഉത്തരവിലെ പ്രതികരണം.

Next Story