Top

'ഇതുവരെ ചെയ്തിട്ടില്ലാത്ത കഥാപാത്രം'; 'അനാമിക'യെക്കുറിച്ച് സണ്ണി ലിയോണ്‍

11 March 2022 2:24 PM GMT
ഫിൽമി റിപ്പോർട്ടർ

ഇതുവരെ ചെയ്തിട്ടില്ലാത്ത കഥാപാത്രം; അനാമികയെക്കുറിച്ച് സണ്ണി ലിയോണ്‍
X

ഇതുവരെ ചെയ്തിട്ടില്ലാത്ത വ്യത്യസ്തമായ കഥാപാത്രമാണ് തന്റെ പുതിയ ചിത്രം 'അനാമിക'യിലേത് എന്ന് സണ്ണി ലിയോണ്‍. അനാമികയുടെ സെറ്റില്‍ ചെലവിട്ട ഓരോ നിമിഷവും തന്നെ സന്തോഷിപ്പിച്ചുവെന്നും ആക്ഷന്‍ രംഗങ്ങള്‍ ചെയ്യാന്‍ താന്‍ ഏറെ ഇഷ്ടപ്പെട്ടിരുന്നായും സണ്ണി ലിയോണ്‍ പറയുന്നു. ആളുകള്‍ പ്രതീക്ഷിക്കാത്ത ഒന്നായത് കൊണ്ട് അവരുടെ പ്രതികരണത്തിനായി കാത്തിരിക്കുകയാണെന്നും താരം പറഞ്ഞു.

'താന്‍ ഗ്ലാമറസ് കഥാപാത്രങ്ങള്‍ ചെയ്യണമെന്ന് ആളുകള്‍ പ്രതീക്ഷിക്കുന്നു, അതില്‍ കുറച്ച് സെക്‌സ് സീനുകള്‍ ഉണ്ടാകണം. കഥാപാത്രത്തിന് ആവശ്യമെങ്കില്‍ അങ്ങനെ ചെയ്യുന്നതില്‍ എനിക്ക് യാതൊരു പ്രശ്‌നവുമില്ല. നിങ്ങള്‍ സണ്ണിയാണ്, ഞങ്ങള്‍ ഇതാണ് ചെയ്യാന്‍ ഉദ്ദേശിക്കുന്നത് എന്ന് പറയുന്നവരുണ്ട്. അതൊന്നും തന്നെ ബാധിക്കുന്നില്ല. ഒരു നടിയെന്ന നിലയില്‍ വ്യത്യസ്ത റോളുകള്‍ ചെയ്യാനാണ് ആഗ്രഹിക്കുന്നത്'. സണ്ണി കൂട്ടിച്ചേര്‍ത്തു.

ഇന്ത്യയിലെത്തിയപ്പോള്‍ തന്റെ ജീവിതത്തിലും കരിയറിലും വഴിത്തിരിവായത് ഷാരൂഖ് ഖാന് ഒപ്പം സ്‌ക്രീന്‍ പങ്കിട്ടതാണെന്ന് സണ്ണി പറയുന്നു. 'റയീസി'ലെ ഐറ്റം സോങ് (ലൈല)വളരെ നല്ലൊരു അനുഭവമായിരുന്നുവെന്നും ഷാരൂഖിനൊപ്പം അഭിനയിക്കാന്‍ കഴിഞ്ഞെന്നും താരം പറഞ്ഞു. അതേസമയം, മുമ്പ് തനിക്ക് വളരെ മോശം അനുഭവങ്ങള്‍ ഉണ്ടായിട്ടുണ്ടെന്നും എന്നാല്‍ പിന്നീട് അതെല്ലാം മെച്ചപ്പെട്ടുവെന്നും സണ്ണി കൂട്ടിച്ചേര്‍ത്തു. ഇന്ത്യന്‍ എക്‌സ്പ്രസിനോടായിരുന്നു താരത്തിന്റെ പ്രതികരണം.

Story Highlights; Sunny Leone talks about new movie anamika

Next Story