Top

'സല്‍മാനും അമിറിനും ഒരേ പൊക്കം'; പരമാര്‍ശത്തില്‍ വിശദീകരണവുമായി ഹൃത്വിക്

28 Feb 2022 4:56 PM GMT
ഫിൽമി റിപ്പോർട്ടർ

സല്‍മാനും അമിറിനും ഒരേ പൊക്കം; പരമാര്‍ശത്തില്‍ വിശദീകരണവുമായി ഹൃത്വിക്
X

സല്‍മാന്‍ ഖാനും അമിര്‍ ഖാനും എതിരെ നടത്തിയ പരാമര്‍ശത്തില്‍ വിശദീകരണവുമായി ഹൃത്വിക് റോഷന്‍. അമിര്‍ ഖാന്റെയും സല്‍മാന്‍ ഖാന്റെയും ഉയരത്തെക്കുറിച്ചുള്ള പരാമര്‍ശത്തിന് പിന്നാലെ ഇരുവരുടെയും ആരാധകര്‍ രംഗത്തെത്തിയതോടെയാണ് ഹൃത്വിക്കിന്റെ പ്രതികരണം. സല്‍മാനോടോ അമിറിനോടോ അനാദരവ് കാണിച്ചിട്ടില്ലെന്ന് ഹൃത്വിക് വ്യക്തമാക്കി.

'എനിക്ക് അവരെ മറികടക്കാന്‍ കഴിയുന്ന ഒരേയൊരു കാര്യം ഉയരമാണെന്ന് ഞാന്‍ പറഞ്ഞിരുന്നു. അമിറും സല്‍മാനും അത്തരത്തിലുള്ള പ്രതിഭകളാണ്. അവര്‍ ഇതിഹാസങ്ങളാണ് അവരുടെയടുത്തെത്താന്‍ ഇനിയും സമയം എടുക്കും'- ഹൃത്വിക് പറഞ്ഞു.

നടി പ്രിയങ്ക ചോപ്രക്കൊപ്പം കരണ്‍ ജോഹറിന്റെ കോഫി വിത്ത് കരണ്‍ എന്ന ചാറ്റ് ഷോയില്‍ പങ്കെടുത്തപ്പോഴായിരുന്നു ഹൃത്വികിന്റെ പരാമര്‍ശം. റാപ്പിഡ് ഫയര്‍ സെക്ഷനില്‍ അമിറിനൊപ്പമാണോ സല്‍മാനൊപ്പമാണോ അഭിനയിക്കാന്‍ താല്‍പ്പര്യം എന്ന കരണിന്റെ ചോദ്യത്തിന് ' അമിറിനും സല്‍മാനും ഒരേ പൊക്കമായാത്‌കൊണ്ട് അവരില്‍ ഒരാളെ തെരഞ്ഞെടുക്കാനൊന്നുമില്ലല്ലോ' എന്നാണ് ഹൃത്വിക് മറുപടി നല്‍കിയത്. എന്നാല്‍ താരത്തിന്റെ മറുപടി വിമര്‍ശനത്തിന് വഴിവെക്കുകയായിരുന്നു.

Story Highlights; Hrithik Roshan explains his remarks against Salman Khan and Amir Khan

Next Story