Top

'അവസാനം വരെ പൊരുതും'; 'ലെഹ്‌രാ ദോ'; 83ലെ ഇമോഷണൽ ട്രാക്ക്

ചിത്രം ഡിസംബര്‍ 24ന് ക്രിസ്മസ് റിലീസായി തീയേറ്ററുകളിലെത്തും.

6 Dec 2021 11:31 AM GMT
ഫിൽമി റിപ്പോർട്ടർ

അവസാനം വരെ പൊരുതും; ലെഹ്‌രാ ദോ; 83ലെ ഇമോഷണൽ ട്രാക്ക്
X

ഇന്ത്യയുടെ ആദ്യ ലോകകപ്പ് കിരീട നേട്ടത്തെ ആസ്പദമാക്കി ഒരുക്കിയ സ്‌പോര്‍ട്‌സ് ഡ്രാമ ചിത്രം '83'ലെ പുതിയ ഗാനമെത്തി. 'ലെഹ്‌രാ ദോ' എന്ന് തുടങ്ങുനാണ് ഗാനമാണ് റിലീസ് ചെയ്തിരിക്കുന്നത്.

ഇന്ത്യൻ ടീമിന്റെ തുടർച്ചയായ തോൽവികളിലൂടെയാണ് ഗാനം ആരംഭിക്കുന്നത്. ആർജിത് സിങ്ങാണ് ഗാനം ആലപിച്ചിരിക്കുന്നത്. ചിത്രം ഡിസംബര്‍ 24ന് ക്രിസ്മസ് റിലീസായി തീയേറ്ററുകളിലെത്തും. 2020ല്‍ റിലീസ് ചെയ്യാനിരുന്ന ചിത്രം കോവിഡ് പശ്ചാത്തലത്തില്‍ പല തവണ മാറ്റി വെക്കുകയായിരുന്നു.

1983ലെ ലോകകപ്പ് ടൂര്‍ണമെന്റില്‍ ഇന്ത്യയെ നയിച്ച ക്യാപ്റ്റന്‍ കപില്‍ ദേവിനെ അവതരിപ്പിക്കുന്നത് രണ്‍വീര്‍ സിംഗാണ്. ബാറ്റ്‌സ്മാന്‍ ശ്രീകാന്തായി തെന്നിന്ത്യന്‍ സൂപ്പര്‍ താരം ജീവയാണ് എത്തുന്നത്. ദീപിക പദുകോണ്‍ നായിക വേഷത്തിലെത്തുന്ന സിനിമയില്‍ പങ്കജ് ത്രിപാഠി, ബൊമാന്‍ ഇറാനി, സാക്വിബ് സലിം, ഹാര്‍ഡി സന്ധു, താഹിര്‍ രാജ് ഭാസിന്‍, ഡിങ്കര്‍ ശര്‍മ്മ, ജതിന്‍ സര്‍ന, നിശാന്ത് ദാഹിയ തുടങ്ങിയവരും മറ്റ് കഥാപാത്രങ്ങളെ അവതരിപ്പിക്കുന്നു.

ഒട്ടും സാധ്യത കല്‍പ്പിക്കാതിരുന്ന ഒരു ടീം എന്ന നിലയില്‍ നിന്നും കരുത്തരായ ഓസ്ട്രേലിയയെയും വെസ്റ്റ് ഇന്‍ഡീസിനെയും അട്ടിമറിച്ച് ലോകകപ്പ് നേട്ടം കുറിച്ച 1983ലെ ഇന്ത്യന്‍ ടീമിന്റെ കഥയാണ് സിനിമയില്‍ അവതരിപ്പിക്കുന്നത്. ഹിന്ദി, തമിഴ്, തെലുങ്ക്, കന്നഡ, മലയാളം തുടങ്ങിയ ഭാഷകളിലാണ് ചിത്രം റിലീസിനൊരുങ്ങുന്നത്.


Next Story