Top

ഹോമം നടത്തി ശംഖൂതി ജയ്​ ശ്രീറാം വിളികളോടെ കൊവിഡിനെ നേരിട്ട് ബിജെപി നേതാവ്; വീഡിയോ കാണാം

ഇതിൽ നിന്നും വരുന്ന പുക അന്തരീക്ഷം ശുദ്ധമാക്കുമെന്നും ഓക്സിജന്റെ അളവ് വർധിപ്പിക്കുമെന്നും, വൈറസിനെ ഇല്ലാതാക്കുമെന്നുമാണ് ഗോപാൽ ശർമ പറയുന്നത്.

19 May 2021 1:36 AM GMT

ഹോമം നടത്തി ശംഖൂതി ജയ്​ ശ്രീറാം വിളികളോടെ കൊവിഡിനെ നേരിട്ട് ബിജെപി നേതാവ്; വീഡിയോ കാണാം
X

മീററ്റ് : കൊറോണ വൈറസിനെ നേരിടാൻ ചാണക വരളികൾ കത്തിച്ചു പുകച്ചു ബിജെപി നേതാവായ ഗോപാൽ ശർമ. ഉത്തർപ്രദേശിലെ മീററ്റിലാണ് ചാണകവും, കർപ്പൂരവും, തടികഷ്ണങ്ങളും, നെയ്യും ചേർത്ത് കത്തിച്ച്, ശംഖ്​ ഊതി, ജയ്​ ശ്രീറാം വിളികളോടെ ഹോമം നടത്തിയത്.

ഇതിൽ നിന്നും വരുന്ന പുക അന്തരീക്ഷം ശുദ്ധമാക്കുമെന്നും ഓക്സിജന്റെ അളവ് വർധിപ്പിക്കുമെന്നും, വൈറസിനെ ഇല്ലാതാക്കുമെന്നുമാണ് ഗോപാൽ ശർമ പറയുന്നത്. കഴിഞ്ഞ ദിവസമാണ് ബിജെപി എം.പി പ്രഗ്യസിങ്​ താൻ ദിനവും ഗോമൂത്രം കുടിക്കുന്നത്​ കൊണ്ടാണ്​ തനിക്ക്​ കൊവിഡ്​ വരാത്തതെന്ന്​ പറഞ്ഞത്. ഇതിന്​ പിന്നാലെയാണ്​ ഗോപാൽ ശർമയുടെ പ്രതിരോധ മാർഗ്ഗങ്ങൾ.

കൊവിഡിനെ നേരിടാൻ അശാസ്​ത്രീയ പ്രതിരോധ രീതികൾ പ്രചരിപ്പിക്കുന്നതിൻറെ പേരിൽ നിരവധി ബിജെപി നേതാക്കൾ കടുത്ത വിമർശനങ്ങൾ നേരിടുന്നുണ്ട്. കൂടാതെ കൊവിഡിനെ നേരിടാൻ അശാസ്​ത്രീയ മാർഗങ്ങൾ സ്വീകരിക്കരുതെന്ന്​ ആരോഗ്യരംഗത്തിന്റെ കടുത്ത മുന്നറിയിപ്പ് നിലനില്ക്കെ ആണ് മീററ്റിൽ നിന്നും ഈ വാർത്ത.

Next Story