Top

’10 തവണ ഛര്‍ദ്ദിച്ചു, കടുത്ത ശരീര വേദനയുണ്ട്’; ബിനീഷ് കോടിയേരി കോടതിയില്‍

ബിനീഷിന്റെ ആരോഗ്യസ്ഥിതി മോശമായതിനാല്‍ രണ്ട് ദിവസം ചോദ്യം ചെയ്യല്‍ നടന്നില്ലെന്നും എന്‍ഫോഴ്‌സ്‌മെന്റ് കോടതിയെ അറിയിച്ചു.

2 Nov 2020 6:29 AM GMT

’10 തവണ ഛര്‍ദ്ദിച്ചു, കടുത്ത ശരീര വേദനയുണ്ട്’; ബിനീഷ് കോടിയേരി കോടതിയില്‍
X

ബംഗളൂരു മയക്കുമരുന്ന് കേസുമായി ബന്ധപ്പെട്ട ചോദ്യംചെയ്യലുകളോട് ബിനീഷ് കോടിയേരി സഹകരിച്ചില്ലെന്ന് എന്‍ഫോഴ്‌സ്‌മെന്റ് കോടതിയില്‍. ബിനീഷിന്റെ ആരോഗ്യസ്ഥിതി മോശമായതിനാല്‍ രണ്ട് ദിവസം ചോദ്യം ചെയ്യല്‍ നടന്നില്ലെന്നും എന്‍ഫോഴ്‌സ്‌മെന്റ് കോടതിയെ അറിയിച്ചു. തനിക്ക് കടുത്ത ശരീരവേദനയുണ്ടെന്നും പത്ത് തവണ ഛര്‍ദ്ദിച്ചെന്നുമാണ് ബിനീഷ് കോടിയേരി രജിസ്ട്രാറിനെ അറിയിച്ചത്.

അന്വേഷണ ഉദ്യോഗസ്ഥരും ബിനീഷിന്റെ അഭിഭാഷകരും നേരത്തെ കോടതിയില്‍ എത്തിയിരുന്നു. വീഡിയോ കോണ്‍ഫെറന്‍സ് വഴി ഹാജരാകാന്‍ അനുമതി ആവശ്യപ്പെട്ടിരുന്നെങ്കിലും ഈ ആവശ്യം കോടതി അംഗീകരിച്ചിരുന്നില്ല.

ഇന്നലെ ചോദ്യം ചെയ്യലിനിടെ ദേഹാസ്വാസ്ഥ്യം അനുഭവപ്പെട്ട ബിനീഷിനെ ആശുപത്രിയില്‍ പ്രവേശിപ്പിച്ചിരുന്നു. രാത്രി ഒന്‍പത് മണിയോടെയാണ് ആശുപത്രി വിട്ടത്. താന്‍ ചെയ്യാത്ത കാര്യങ്ങള്‍ ഇഡി തന്നെക്കൊണ്ട് സമ്മതിപ്പിക്കാന്‍ ശ്രമിക്കുകയാണെന്ന് ബിനീഷ് കോടിയേരി മാധ്യമങ്ങളോട് പറഞ്ഞിരുന്നു. കഴിഞ്ഞദിവസം ചോദ്യംചെയ്യലിനിടെ ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് ബിനീഷിനെ ആശുപത്രയില്‍ പ്രവേശിപ്പിച്ചിരുന്നു. തുടര്‍ന്ന് സ്‌കാന്‍ ചെയ്ത് മടങ്ങവെയായിരുന്നു ബിനീഷ് മാധ്യമങ്ങളോട് പ്രതികരിച്ചത്.

Next Story