Top

ചിരിയുണർത്തുന്ന മോഷൻ പോസ്റ്ററുമായി ബർമുഡ; റിലീസ് ചെയ്ത് കുഞ്ചാക്കോ ബോബൻ

ബർമുഡയുടെ അണിയറപ്രവർത്തകർക്ക് ആശംസകളും കുഞ്ചാക്കോ ബോബൻ നേർന്നിട്ടുണ്ട്.

11 Jun 2021 6:49 AM GMT
ഫിൽമി റിപ്പോർട്ടർ

ചിരിയുണർത്തുന്ന മോഷൻ പോസ്റ്ററുമായി ബർമുഡ; റിലീസ് ചെയ്ത് കുഞ്ചാക്കോ ബോബൻ
X

ഷെയ്ന്‍ നിഗമിനെ നായകനാക്കി ടി.കെ രാജീവ് കുമാര്‍ സംവിധാനം ചെയ്യുന്ന ചിത്രം ‘ബര്‍മുഡ’യുടെ മോഷൻ പോസ്റ്റര്‍ റിലീസ് ചെയ്തു. കുഞ്ചാക്കോ ബോബനാണ് മോഷൻ പോസ്റ്റർ സമൂഹമാധ്യമത്തിലൂടെ റിലീസ് ചെയ്തത്. 24 ഫ്രെയിംസിന്റെ ബാനറില്‍ സൂരജ് സി.കെ, ബിജു സി.ജെ, ബാദുഷ എന്‍.എം എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.

മീനുകൾ ഉള്ള കിണറിലേക്ക് അത്ഭുതത്തോടെ നോക്കുന്ന വിനയ് ഫോർട്ടാണ് പോസ്റ്ററിൽ ഉള്ളത്. പൊലീസ് യൂണിഫോം ധരിച്ച് നിൽക്കുന്ന നടന് തൊട്ടടുത്തായി നാല് പൂച്ചകളെയും കാണാം. ബർമുഡയുടെ അണിയറപ്രവർത്തകർക്ക് ആശംസകളും കുഞ്ചാക്കോ ബോബൻ നേർന്നിട്ടുണ്ട്.

ചിത്രത്തില്‍ കാശ്മീരിയായ ശെയ്‌ലീ കൃഷ്ണയാണ് നായിക. ഷെയ്ന്‍ നിഗമിനെ കൂടാതെ, ഹരീഷ് കണാരന്‍, സൈജു കുറുപ്പ്, സുധീര്‍ കരമന, മണിയന്‍പിള്ള രാജു, ഇന്ദ്രന്‍സ്, സാജന്‍ സുധര്‍ശന്‍, ദിനേഷ് പണിക്കര്‍,കോട്ടയം നസീര്‍,ശ്രീകാന്ത് മുരളി, നന്ദു, നിരഞ്ജന അനൂപ്, ഗൗരി നന്ദ, നൂറിന്‍ ഷെറീഫ്, ഷൈനി സാറ തുടങ്ങി വന്‍ താരനിര തന്നെ ചിത്രത്തില്‍ ഉണ്ട്. തീര്‍ത്തും നര്‍മ്മ പശ്ചാത്തലത്തില്‍ ഒരുങ്ങുന്ന സിനിമയുടെ രചന നിര്‍വഹിച്ചിരിക്കുന്നത് നവാഗതനായ കൃഷ്ണദാസ് പങ്കിയാണ്.

മണിരത്‌നത്തിന്റെ അസോസിയേറ്റായി പ്രവര്‍ത്തിച്ച ഷെല്ലി കാലിസ്റ്റ് ആണ് സിനിമയ്ക്ക് വേണ്ടി ക്യാമറ ചെയ്യുന്നത്. ശ്രീകര്‍ പ്രസാദ് എഡിറ്റര്‍. വിനായക് ശശികുമാര്‍, ബീയാര്‍ പ്രസാദ് എന്നിവരുടെ വരികള്‍ക്ക് രമേഷ് നാരായണ്‍ സംഗീതം നിര്‍വ്വഹിക്കുന്നു. കോസ്റ്റും ഡിസൈനര്‍- സമീറ സനീഷ്, മേക്കപ്പ്- അമല്‍ ചന്ദ്രന്‍, ചീഫ് അസോസിയേറ്റ് ഡയറക്ടര്‍-കെ.രാജേഷ് & ഷൈനി ബെഞ്ചമിന്‍, അസോസിയേറ്റ് ഡയറക്ടര്‍- അഭി കൃഷ്ണ, പ്രൊഡക്ഷന്‍ കണ്‍ട്രോളര്‍- പ്രതാപന്‍ കല്ലിയൂര്‍, കൊറിയോഗ്രഫി – പ്രസന്ന സുജിത്ത്, പ്രൊഡക്ഷന്‍ എക്‌സിക്യൂട്ടീവ് – ഹര്‍ഷന്‍ പട്ടാഴി, പ്രൊഡക്ഷന്‍ മാനേജര്‍ – നിധിന്‍ ഫ്രെഡി, പി.ആര്‍.ഒ- പി. ശിവപ്രസാദ് & മഞ്ജു ഗോപിനാഥ്, സ്റ്റില്‍സ് -ഹരി തിരുമല എന്നിവരാണ് മറ്റ് അണിയറ പ്രവര്‍ത്തകര്‍.

Next Story