Top

നീറ്റ്​: കേരളത്തിന് തിളക്കമായി എ​സ് ആ​യി​ഷ​; ച​രി​ത്ര നേ​ട്ടമായി ശു​ഐ​ബ്​ അഫ്​താബ് ​

ഒ​ഡി​ഷ​യി​​ലെ ശു​ഐ​ബ്​ അ​ഫ്​​താ​ബ്​ 720ൽ 720 ​മാ​ർ​ക്ക്​ നേ​ടി. എ​സ് ആ​യി​ഷക്കാണ് സം​സ്ഥാ​ന​ത്തെ ഒ​ന്നാം റാങ്ക് ​.

16 Oct 2020 11:51 PM GMT

നീറ്റ്​: കേരളത്തിന് തിളക്കമായി എ​സ് ആ​യി​ഷ​; ച​രി​ത്ര നേ​ട്ടമായി ശു​ഐ​ബ്​ അഫ്​താബ് ​
X

രാജ്യത്ത് നീ​റ്റ്​ പരീക്ഷാഫലം പ്ര​സി​ദ്ധീ​ക​രി​ച്ചു. ഒ​ഡി​ഷ​യി​​ലെ ശു​ഐ​ബ്​ അ​ഫ്​​താ​ബ്​ 720ൽ 720 ​മാ​ർ​ക്ക്​ നേ​ടി റെക്കോർഡ് നേട്ടം സ്വന്തമാക്കിയപ്പോൾ, ദേ​ശീ​യ​ത​ല​ത്തി​ൽ 12ാം റാ​ങ്ക്​ നേ​ട്ട​ത്തോ​ടെ എ​സ് ആ​യി​ഷക്കാണ് സം​സ്ഥാ​ന​ത്തെ ഒ​ന്നാം റാങ്ക് ​. നീ​റ്റ്​ പരീക്ഷാഫലം അടിസ്ഥാനമാക്കിയാണ് രാ​ജ്യ​ത്ത മെ​ഡി​ക്ക​ൽ വി​ദ്യാ​ഭ്യാ​സ പ്ര​വേ​ശ​നം നടക്കാറുള്ളത്.

ഡ​ൽ​ഹി​ സ്വദേശിനി അ​കാ​ൻ​ഷ സി​ങ്ങി​നാ​ണ്​ ര​ണ്ടാം റാ​ങ്ക്. സം​സ്ഥാ​ന​ത്തെ ഒ​ന്നാം റാ​ങ്കു​കാ​രി​യാ​യ ആ​യി​ഷക്ക് 720ൽ 710 ​ആണ് മാ​ർ​ക്ക്​. ദില്ലിയിലെ ഓൾ ഇന്ത്യ മെഡിക്കൽ ഇൻസ്റ്റിറ്റിയൂട്ടിൽ ഉന്നത പഠനം നടത്താനാണ് ആ​യി​ഷയുടെ തീരുമാനം. കോ​ഴി​ക്കോ​ട്​ കൊ​യി​ലാ​ണ്ടി സ്വ​ദേ​ശി​നി അ​യി​ഷ​ക്ക്​ ഒ​ബി​സി വി​ഭാ​ഗ​ത്തി​ൽ രാ​ജ്യ​ത്ത്​ ര​ണ്ടാം റാ​ങ്കു​ണ്ട്. കൊ​യി​ലാ​ണ്ടി കൊ​ല്ലം ‘ഷാ​ജി’​യി​ൽ എ.​പി. അ​ബ്​​ദു​ൽ റ​സാ​ഖിന്റെയും ഷ​മീ​മ​യു​ടെ​യും ര​ണ്ടാ​മ​ത്തെ മ​ക​ളാ​ണ്.

ആ​ദ്യ 50 റാ​ങ്കു​കാ​രി​ൽ നാ​ല്​​ മ​ല​യാ​ളി​ക​ൾ ഇ​ടം​ പി​ടി​ച്ചിട്ടുണ്ട്. 706 മാ​ർ​ക്കോ​ടെ ദേ​ശീ​യ​ത​ല​ത്തി​ൽ 22ാം റാ​ങ്ക്​ നേ​ടി​യ എ ​ലു​ലു ര​ണ്ടാം റാ​ങ്ക്​ നേ​ടി. ലുലു പാലക്കാട് നെന്മാറ സ്വദേശിനിയാണ്. ദേ​ശീ​യ​ത​ല​ത്തി​ൽ 25ആം റാങ്കോടെ കോഴിക്കോട് വെള്ളിമാടുകുന്ന് സ്വദേശിയായ സനീഷ് അഹമ്മദും ഉണ്ട്.

Next Story