Top

‘ഫേസ്ബുക്ക് തിരിച്ച് കിട്ടി, പക്ഷെ ഫോളോവേഴ്സിനെ നഷ്ടപ്പെട്ടു’; ഹാക്കർമാരുടെ കൈയ്യിൽ പെടാതിരിക്കൂവെന്ന് അനൂപ് മേനോൻ

കഴിഞ്ഞ ദിവസമാണ് നടൻ അനൂപ് മേനോന്റെ ഫേസ്ബുക്ക് പേജ് ഹാക്ക് ചെയ്യപ്പെട്ടത്. സംഭവം അനൂപ് മേനോൻ തന്നെയാണ് അറിയിച്ചിരുന്നത്. ഫിലിപ്പീന്‍സില്‍ നിന്നാണ് ഹാക്കിങ്ങ് നടന്നതെന്നായിരുന്നു വിവരം. ഇപ്പോൾ തന്റെ ഫേസ്ബുക്ക് തിരിച്ച് ലഭിച്ചുവെന്ന് അറിയിച്ച് കൊണ്ട് താരം ഫേസ്ബുക്ക് പോസ്റ്റ് പങ്കുവെച്ചിരിക്കുകയാണ്. ഫേസ്ബുക്ക് വീണ്ടെടുത്തെങ്കിലും തന്റെ നാല് ലക്ഷത്തോളം വരുന്ന ഫോളോവേഴ്സിനെ നഷ്ടപ്പെട്ടു. കൂടാതെ 6 മാസത്തോളമായി പോസ്റ്റ് ചെയ്തിരുന്നതെല്ലാം ഹാക്കർമാർ ഡിലീറ്റ് ചെയ്യുകയും ചെയ്തുവെന്ന് അനൂപ് മേനോൻ പറയുന്നു. ഹാക്കിങ്ങ് സാധരണമായ ഈ സമയത്ത് അതിൽ […]

4 Jun 2021 7:50 AM GMT
ഫിൽമി റിപ്പോർട്ടർ

‘ഫേസ്ബുക്ക് തിരിച്ച് കിട്ടി, പക്ഷെ ഫോളോവേഴ്സിനെ നഷ്ടപ്പെട്ടു’; ഹാക്കർമാരുടെ കൈയ്യിൽ പെടാതിരിക്കൂവെന്ന് അനൂപ് മേനോൻ
X

കഴിഞ്ഞ ദിവസമാണ് നടൻ അനൂപ് മേനോന്റെ ഫേസ്ബുക്ക് പേജ് ഹാക്ക് ചെയ്യപ്പെട്ടത്. സംഭവം അനൂപ് മേനോൻ തന്നെയാണ് അറിയിച്ചിരുന്നത്. ഫിലിപ്പീന്‍സില്‍ നിന്നാണ് ഹാക്കിങ്ങ് നടന്നതെന്നായിരുന്നു വിവരം. ഇപ്പോൾ തന്റെ ഫേസ്ബുക്ക് തിരിച്ച് ലഭിച്ചുവെന്ന് അറിയിച്ച് കൊണ്ട് താരം ഫേസ്ബുക്ക് പോസ്റ്റ് പങ്കുവെച്ചിരിക്കുകയാണ്.

ഫേസ്ബുക്ക് വീണ്ടെടുത്തെങ്കിലും തന്റെ നാല് ലക്ഷത്തോളം വരുന്ന ഫോളോവേഴ്സിനെ നഷ്ടപ്പെട്ടു. കൂടാതെ 6 മാസത്തോളമായി പോസ്റ്റ് ചെയ്തിരുന്നതെല്ലാം ഹാക്കർമാർ ഡിലീറ്റ് ചെയ്യുകയും ചെയ്തുവെന്ന് അനൂപ് മേനോൻ പറയുന്നു. ഹാക്കിങ്ങ് സാധരണമായ ഈ സമയത്ത് അതിൽ നിന്നും രക്ഷ നേടാനുള്ള നടപടി ക്രമങ്ങൾ സ്വീകരക്കണമെന്നും താരം കൂട്ടിച്ചേർത്തു.

അനൂപ് മേനോന്റെ ഫേസ്ബുക്ക് പോസ്റ്റ്:

എന്റെ ഫേസ്ബുക് തിരികെ ലഭിച്ചു. എ‌ഡി‌ജി‌പി മനോജ് അബ്രഹാം, ശ്രീ. ഷെഫീൻ അഹമദ് ഐ ജി ഒഡിഷ, ഫേസ്ബുക്ക് അധികൃതർ, സൈബർ ഡോം വിദഗ്ധരായ സുധീഷ്, ആനന്ദ് എന്നിവർക്ക് നന്ദി. കഴിഞ്ഞ ആറ് മാസത്തോളമുള്ള പേജിലെ പോസ്റ്റുകൾ എല്ലാം ഹാക്കർമാർ ഡിലീറ്റ് ചെയ്തു. നാല് ലക്ഷത്തോളമുള്ള എന്റെ ഫോളോവേഴ്സും നഷ്ട്ടമായി. പതിനഞ്ച് ലക്ഷമുണ്ടായിരുന്ന സുഹൃത്തുക്കളുടെ എണ്ണം പതിനൊന്ന് ലക്ഷമായി കുറഞ്ഞു.

സൈബർ ഡോമിന്റെയും ഫേസ്ബുക് വിദഗ്ധരുടെയും നിർദ്ദേശപ്രകാരം സുരക്ഷാ സംവിധാനം ശക്തിപ്പെടുത്തിയിട്ടുണ്ട്. ഹാക്കിങ് ഇപ്പോൾ വ്യാപകമായതിനാൽ എല്ലാവരുടെയും ഫോണുകളിൽ പ്രാമാണ്യ നടപടിക്രമങ്ങൾ ചെയ്യുവാൻ അഭ്യർത്ഥിക്കുകയാണ്. നടപടിക്രമങ്ങൾ ശരിയായ രീതിയിൽ ആണോ എന്ന് പരിശോധിക്കുവാനായി ഉടൻ തന്നെ ലൈവിൽ എത്തുന്നതായിരിക്കും. ഹാക്കർമാർ അപ്ലോഡ് ചെയ്ത തമാശ പോസ്റ്റുകൾ സഹിച്ചതിന് നന്ദി. ഒരുപാട് സ്നേഹം..വീണ്ടും കാണാം.

Next Story