Top

‘അഞ്ചു വര്‍ഷമായി എന്റെ വീട് ബിജെപി ഓഫീസ്’; അവരാണോ തന്റെ പിന്നിലെ സംഘടനയെന്ന് ഐഷയുടെ പരിഹാസം

ലക്ഷദ്വീപിനെ കാര്‍ന്ന് തിന്നാനാണ് ബിജെപിയുടെ ഉദേശമെങ്കില്‍ താണ്ഡവമാടാനാണ് തീരുമാനമെന്ന് ഐഷ സുല്‍ത്താന. കേരളത്തിലെ ബിജെപി നേതാക്കള്‍ അറിയാനാണ് ഇത് പറയുന്നതെന്നും ഐഷ റിപ്പോര്‍ട്ടര്‍ ടിവി എഡിറ്റേഴ്‌സ് അവറില്‍ പറഞ്ഞു. വായില്‍ നിന്ന് സ്ലിപ്പ് ആയ ഒരു വാക്കു വച്ചിട്ടാണ് അവര്‍ കേസെടുത്തിരിക്കുന്നത്. അത് വച്ച് തീവ്രവാദിയാക്കാനാണ് ബിജെപി ശ്രമിക്കുന്നതെന്നും ഐഷ പറഞ്ഞു. കവരത്തി പൊലീസിന്റെ എഫ്‌ഐആര്‍ റദ്ദ് ചെയ്യണമെന്നാണ് ഹൈക്കോടതിയോട് ആവശ്യപ്പെട്ടിട്ടുള്ളത്. കേസിന്റെ കൂടുതല്‍ വിശദാംശങ്ങള്‍ ഇപ്പോള്‍ പറയാന്‍ സാധിക്കില്ല. 20ന് സ്റ്റേഷനില്‍ ഹാജരാവുന്നതില്‍ നിന്ന് ഒഴിവാക്കണമെന്നാണ് […]

14 Jun 2021 11:14 AM GMT
റിപ്പോർട്ടർ നെറ്റ്‌വർക്ക്

‘അഞ്ചു വര്‍ഷമായി എന്റെ വീട് ബിജെപി ഓഫീസ്’; അവരാണോ തന്റെ പിന്നിലെ സംഘടനയെന്ന് ഐഷയുടെ പരിഹാസം
X

ലക്ഷദ്വീപിനെ കാര്‍ന്ന് തിന്നാനാണ് ബിജെപിയുടെ ഉദേശമെങ്കില്‍ താണ്ഡവമാടാനാണ് തീരുമാനമെന്ന് ഐഷ സുല്‍ത്താന. കേരളത്തിലെ ബിജെപി നേതാക്കള്‍ അറിയാനാണ് ഇത് പറയുന്നതെന്നും ഐഷ റിപ്പോര്‍ട്ടര്‍ ടിവി എഡിറ്റേഴ്‌സ് അവറില്‍ പറഞ്ഞു. വായില്‍ നിന്ന് സ്ലിപ്പ് ആയ ഒരു വാക്കു വച്ചിട്ടാണ് അവര്‍ കേസെടുത്തിരിക്കുന്നത്. അത് വച്ച് തീവ്രവാദിയാക്കാനാണ് ബിജെപി ശ്രമിക്കുന്നതെന്നും ഐഷ പറഞ്ഞു.

കവരത്തി പൊലീസിന്റെ എഫ്‌ഐആര്‍ റദ്ദ് ചെയ്യണമെന്നാണ് ഹൈക്കോടതിയോട് ആവശ്യപ്പെട്ടിട്ടുള്ളത്. കേസിന്റെ കൂടുതല്‍ വിശദാംശങ്ങള്‍ ഇപ്പോള്‍ പറയാന്‍ സാധിക്കില്ല. 20ന് സ്റ്റേഷനില്‍ ഹാജരാവുന്നതില്‍ നിന്ന് ഒഴിവാക്കണമെന്നാണ് കോടതിയോട് ആവശ്യപ്പെട്ടിരിക്കുന്നതെന്നും ഐഷ പറഞ്ഞു. തന്റെ പിന്നിലൊരു വലിയ സംഘടനയുണ്ടെന്നാണ് ബിജെപിക്കാര്‍ നടത്തുന്ന പ്രചരണം. ദ്വീപിലെ തന്റെ സ്വന്തം വീട് അഞ്ചു വര്‍ഷമായിട്ട് ബിജെപിക്കാരുടെ ഓഫീസാണ്. അപ്പോള്‍ അവരാണോ തന്റെ പിന്നിലെ സംഘടനയെന്നും ഐഷ കേരളത്തിലെ ബിജെപിയെ പരിഹസിച്ച് കൊണ്ട് ചോദിച്ചു.

അതേസമയം, ലക്ഷദ്വീപില്‍ നിയമസഭ വേണമെന്നാണ് ദ്വീപുകാരുടെ ആഗ്രഹമെന്ന് മുഹമ്മദ് ഫൈസല്‍ എംപി എഡിറ്റേഴ്‌സ് അവറില്‍ പറഞ്ഞു. നിയമസഭ പോലെയൊരു സംവിധാനമില്ലാത്തതാണ് ദ്വീപിലെ ഏറ്റവും വലിയ പോരായ്മയെന്നും ദ്വീപുകാര്‍ക്ക് വേണ്ടി സംസാരിക്കാന്‍ അവര്‍ തന്നെ തെരഞ്ഞെടുക്കപ്പെടുന്നവര്‍ തന്നെ വേണമെന്നും മുഹമ്മദ് ഫൈസല്‍ പറഞ്ഞു.

മുഹമ്മദ് ഫൈസല്‍ പറഞ്ഞത്: ”നിങ്ങള്‍ക്ക് വികാരങ്ങള്‍ പ്രകടിപ്പിക്കാന്‍ സ്വന്തമായി നിയമസഭയുണ്ട്. അങ്ങനെയാരു സംവിധാനമില്ലാത്തതാണ് ലക്ഷദ്വീപിലെ ഏറ്റവും വലിയ പോരായ്മ. ദ്വീപുകാര്‍ക്ക് വേണ്ടി സംസാരിക്കാന്‍ അവര്‍ തന്നെ തെരഞ്ഞെടുക്കപ്പെടുന്നവര്‍ വേണം. നിര്‍ബന്ധമായും ദ്വീപിലൊരു നിയമസഭ വേണം. ദ്വീപുകാര്‍ തീരുമാനിക്കും അവര്‍ക്കെന്ത് വേണമെന്ന്. ദ്വീപില്‍ എന്ത് വികസനമാണ് വേണ്ടതെന്ന് ഞങ്ങള്‍ തീരുമാനിക്കും. അതിന് അവകാശമുണ്ട്. അത് നേടുംവരെ സമരം തുടരും. ഈ സമരത്തിന്റെ അവസാന ലക്ഷ്യവും അതാണ്. ദ്വീപില്‍ നിയമസഭ വേണമെന്ന ആവശ്യം പാര്‍ലമെന്റിലും മുന്നോട്ട് വച്ചിരുന്നു. കേരളമാണ് ദ്വീപുകാര്‍ക്കുള്ള ഏറ്റവും വലിയ പിന്തുണ. കേരളവുമായാണ് ദ്വീപുകാര്‍ക്ക് ഏറ്റവും അടുത്ത ബന്ധം. എന്ത് അനീതി കണ്ടാലും പ്രതികരിക്കുന്ന ഏക ജനതയും മലയാളികളാണ്. അതിനെ വേറെ രീതിയില്‍ ചിത്രീകരിക്കാനാണ് ചിലരുടെ ശ്രമം. കേരളം ഇങ്ങനെ കൂടെ നില്‍ക്കുന്നയെന്നതാണ് ദ്വീപുകാരുടെ ധൈര്യവും. അതില്‍ ആരും അസൂയപ്പെട്ടിട്ട് കാര്യമില്ല.
ദാമന്‍ ദിയുവില്‍ നടപ്പാക്കിയത് ദ്വീപില്‍ നടക്കുമെന്നാണ് പ്രഫുല്‍ പട്ടേല്‍ വിചാരിച്ചത്. എന്ത് തോന്ന്യാസം ചെയ്താലും കണ്ടുകൊണ്ടിരിക്കുമെന്ന് അവര്‍ കരുതി. അത് അവര്‍ക്ക് കുറച്ച് മാറി കിട്ടിയിട്ടുണ്ട്. ദ്വീപുകാര്‍ക്ക് കാര്യബോധമുണ്ടെന്ന് അവര്‍ക്ക് മനസിലായി.”

പ്രഫുല്‍ പട്ടേല്‍ ഇന്ന് ദ്വീപിലെത്തിയത് കോസ്റ്റ് ഗാര്‍ഡിന്റെ വിമാനത്തിലാണെന്നും അദ്ദേഹം മാത്രമാണ് ഈ വിമാനം ഉപയോഗിച്ച അഡ്മിനിസ്‌ട്രേറ്ററെന്നും എംപി പറഞ്ഞു. മുന്‍പത്തെ പ്രവാശ്യവും ഇതേ വിമാനമാണ് ഉപയോഗിച്ചത്. ആ തവണ 93 ലക്ഷമാണ് യാത്രയുടെ ചെലവായി വന്നത്. ചെലവ് ചുരുക്കണമെന്ന് പറയുന്നവര്‍ തന്നെ ധൂര്‍ത്താണ് നടത്തുന്നത്. ഇതിനെ എങ്ങനെ ന്യായീകരിക്കും. പ്രഫുല്‍ കഴിഞ്ഞ അഞ്ചു മാസത്തില്‍ എന്ത് ജനക്ഷേമ പദ്ധതിയാണ് ദ്വീപിലെ ജനങ്ങള്‍ക്ക് വേണ്ടി ചെയ്തതെന്നും മുഹമ്മദ് ഫൈസല്‍ ചോദിച്ചു.

Popular Stories

    Next Story