Top

നാട്ടുകാരുടെ സകല ഫോണ്‍ കോളുകള്‍ക്ക് മറുപടി പറയേണ്ട ബാധ്യത ജനപ്രതിനിധികള്‍ക്കില്ല

നടൻ മുകേഷിന്റെ നിലപാടുകളോട് എനിക്കു പത്തു പൈസയുടെ ബഹുമാനമില്ല. സിനിമാ മേഖലയേ ഒരു സ്ത്രീവിരുദ്ധ ഇടമാക്കി നിലനിർത്തുന്നതിൽ അങ്ങേരുടെ സംഭവനയെപ്പറ്റി ശക്തമായ എതിർപ്പ് ഉണ്ടുതാനും. അതല്ല വിഷയം. ഒരാൾ ഫോൺ എടുത്തില്ലെങ്കിൽ എടുക്കുംവരെ തുടർച്ചയായി വിളിക്കുക എന്നത്, എമർജൻസി അല്ലെങ്കിൽ, മര്യാദയില്ലായ്മ ആണ്. അതൊരു വിദ്യാർത്ഥിയുടെ പക്വതയില്ലായ്മ ആണെന്ന് കരുതാം. എന്നാൽ, മുൻകൂട്ടി പ്ലാൻ ചെയ്തു ആ കോൾ റെക്കോർഡ് ചെയ്യുക എന്നത് മര്യാദയില്ലായ്മ മാത്രമല്ല ദുരുദ്ദേശപരവുമാണ്. ആദ്യത്തേതിൽ എടുക്കുന്ന നിഷ്കളങ്കത എന്ന വാദം രണ്ടാമത്തേതിൽ പൊളിഞ്ഞു […]

5 July 2021 10:22 AM GMT
റിപ്പോർട്ടർ നെറ്റ്‌വർക്ക്

നാട്ടുകാരുടെ സകല ഫോണ്‍ കോളുകള്‍ക്ക്  മറുപടി പറയേണ്ട ബാധ്യത ജനപ്രതിനിധികള്‍ക്കില്ല
X

നടൻ മുകേഷിന്റെ നിലപാടുകളോട് എനിക്കു പത്തു പൈസയുടെ ബഹുമാനമില്ല. സിനിമാ മേഖലയേ ഒരു സ്ത്രീവിരുദ്ധ ഇടമാക്കി നിലനിർത്തുന്നതിൽ അങ്ങേരുടെ സംഭവനയെപ്പറ്റി ശക്തമായ എതിർപ്പ് ഉണ്ടുതാനും. അതല്ല വിഷയം. ഒരാൾ ഫോൺ എടുത്തില്ലെങ്കിൽ എടുക്കുംവരെ തുടർച്ചയായി വിളിക്കുക എന്നത്, എമർജൻസി അല്ലെങ്കിൽ, മര്യാദയില്ലായ്മ ആണ്. അതൊരു വിദ്യാർത്ഥിയുടെ പക്വതയില്ലായ്മ ആണെന്ന് കരുതാം. എന്നാൽ, മുൻകൂട്ടി പ്ലാൻ ചെയ്തു ആ കോൾ റെക്കോർഡ് ചെയ്യുക എന്നത് മര്യാദയില്ലായ്മ മാത്രമല്ല ദുരുദ്ദേശപരവുമാണ്.

ആദ്യത്തേതിൽ എടുക്കുന്ന നിഷ്കളങ്കത എന്ന വാദം രണ്ടാമത്തേതിൽ പൊളിഞ്ഞു വീഴും. അതിലൊരു നിഷ്കളങ്കതയുമില്ല. ഒരു എംഎല്‍എയ്ക്കും എംപിക്കും മന്ത്രിക്കും മുഴുവൻ നാട്ടുകാരുടെയും സകല ഫോണ്‍ കോളും എടുത്ത് മറുപടി പറയേണ്ട ഒരു ബാധ്യതയുമില്ല. ഫോണ്‍ കോളുകളിൽ പ്രശ്നപരിഹാരം ഓരോ പൗരനും ചുമ്മാ ആഗ്രഹിക്കാം എന്നല്ലാതെ അതൊരു അവകാശമൊന്നുമല്ല. അവകാശമാക്കാൻ പാടില്ല താനും.

അഡ്മിനിസ്‌ട്രേറ്റീവ് തലങ്ങളിൽ ഇരിക്കുന്ന സർക്കാർ ജീവനക്കാർ തൊഴിൽ എടുക്കുന്ന വേളയിൽ മൊബൈൽ ഫോണ്‍ കോളുകൾ എടുക്കുന്നതിനു പോലും നിയമപരമായി നിയന്ത്രണമുണ്ട്. കോളുകൾ നിരന്തരം പ്രയോറിറ്റികളെ മറികടക്കുന്നതും തുടരുന്ന ജോലിക്ക് തടസവുമാണ്.വരുന്ന കോളുകൾ മുഴുവനെടുക്കുക – ജനപ്രതിനിധികൾക്ക് അങ്ങനെയൊരു ഉത്തരവാദിത്തവുമില്ല. മണ്ഡലത്തിലെ പ്രശ്നങ്ങൾ അഡ്രസ് ചെയ്തു സർക്കാരിന്റെ ശ്രദ്ധയിൽ കൊണ്ടുവരാനും, നിയമസഭയിലെ എംഎല്‍എയുടെ അവകാശങ്ങൾ മണ്ഡലത്തിലെ പൗരന്മാർക്ക് വേണ്ടി ഉപയോഗിക്കാനുമാണ് എംഎല്‍എയ്ക്ക് നിയമപരമായ ഉത്തരവാദിത്തം.

അതിനപ്പുറം വല്ലതും ചെയ്യുന്നെങ്കിൽ അതവരുടെ ജനാധിപത്യ മര്യാദ മാത്രം.ഒന്നേ മുക്കാൽ ലക്ഷത്തോളം പൗരന്മാരുണ്ട് ഒരു മണ്ഡലത്തിൽ. 100 ദിവസം കൂടുമ്പോൾ ഓരോരുത്തർക്കും എംഎല്‍എയെ വിളിക്കേണ്ട ഒരു പ്രശ്നമുണ്ടായേക്കാം. 1% പൗരന്മാർ (1750 പേർ) ദിനേന എംഎല്‍എയെ വിളിച്ചാലുള്ള അവസ്ഥ ഓർത്തു നോക്കൂ !! ഒരു വർഷം കൂടുമ്പോൾ ഒരു പൗരന് ഒരു പ്രാവശ്യം എംഎല്‍എയെ വിളിക്കണം എന്നാണെങ്കിൽ, ദിനേന 550 ലധികം കോളുകൾ ഓരോ എംഎല്‍എയും എടുക്കണം. എല്ലാ എംഎല്‍എമാരും കോൾ സെന്റർ നടത്തേണ്ടി വരും.

ഒരു വെള്ളപ്പേപ്പറിൽ വ്യക്തമായി എഴുതി കൊടുത്താൽ ആർക്കും മനസ്സിലാക്കാവുന്ന പരാതികൾ അത് ചെയ്യാതെ ഫോണിൽ പറഞ്ഞു തീർക്കണമെന്നു മടി പിടിക്കുന്ന 5 പേരെയെങ്കിലും ദിവസേന ഞാൻ കാണുന്നുണ്ട്. 10 മിനുട്ട് ഗൂഗിളിൽ തിരഞ്ഞു വായിച്ചാൽ തീർക്കാവുന്ന സംശയങ്ങൾ ഫോണിൽ വിളിച്ചു തീർക്കാൻ ശ്രമിക്കുന്ന ഒരാളെങ്കിലും എല്ലാ ആഴ്ചയിലും ഞാൻ കാണാറുണ്ട്. പൊതുപ്രവർത്തകരുടെ പ്രയോറിറ്റി തീരുമാനിക്കുന്നത് നിങ്ങളല്ല, അവർ തന്നെയാണ് എന്നു ജനത്തിന് മനസിലാകണം. Taken for granted ആയി എടുക്കരുത്. ജനത്തിനേ പേടിച്ച് കോൾ സെന്ററുകളായി മാറില്ല എന്നു ഓരോ ജനപ്രതിനിധിയും പറയണം.

ആഴ്ചയിൽ ഒരു ദിവസം സ്വന്തം ഓഫീസിൽ പരാതി സ്വീകരിക്കാനുള്ള ഒരു സംവിധാനമുണ്ടാക്കിയാൽ മതി. കൃത്യമായ ഫോളോ അപ്പ് ഉണ്ടാക്കിയാൽ മതി. disproportionate ആയുള്ള ഫോണ്‍ ഉപയോഗം സ്വന്തം ഭരണഘടനാ കടമകളോടുള്ള ലംഘനമാണ്. പ്രാഥമികമായ പണി ചെയ്യാതെ വിളിക്കുന്നവരോട് സംസാരിക്കാൻ പറ്റില്ല എന്ന് പറഞ്ഞാൽ, “അറിയാമെങ്കിൽ നിങ്ങൾക്കൊന്നു പറഞ്ഞു തന്നാലെന്താണ്?” എന്നു ദേഷ്യപ്പെടുന്നവർ പോലുമുണ്ട്.

“സൗകര്യപ്പെടില്ല” എന്ന് അവരോട് പറയും. ജനാധിപത്യപരമായി സ്വയം അൽപ്പമെങ്കിലും നവീകരിക്കാൻ തയ്യാറാകാത്ത മനുഷ്യർക്കായി ചെലവാക്കാൻ എന്റെ പക്കൽ സമയമില്ല. Doing better things using that time. മുകേഷിന്റെ അവസ്ഥ കാണുന്ന എംഎല്‍എമാർ ഇനിയെന്ത് ചെയ്യും? കോളുകൾ റിക്കോർഡ് ചെയ്യുമെന്നും സർക്കുലേറ്റു ചെയ്യപ്പെടുമെന്നും പേടിച്ച് തിരക്കുള്ളപ്പോൾ ഒരു കോളുകളും എടുക്കാതെയാകും. പബ്ലിക്കിൽ അവർക്കുള്ള വിശ്വാസം ഇല്ലാതാക്കപ്പെട്ടതിനാൽ റിസ്ക് എടുത്തു ഒരു എംഎല്‍എയും ഒരു കാര്യവും സംസാരിക്കില്ല. ആത്യന്തികമായി അത് ജനത്തിന് ദ്രോഹമാണ് ഉണ്ടാക്കുക. അതാണീ വോയ്‌സ് റെക്കോർഡ് ഉണ്ടാക്കിയ പബ്ലിക് ഡാമേജ്‌. സാമൂഹിക വിരുദ്ധമാണത്. ആരോട് ആയാലും “കരണക്കുറ്റിക്ക് അടിക്കണം, ചൂരൽ വെട്ടി അടിക്കണം” എന്നൊക്കെ ഒരു MLA പറയുന്നത് തോന്നിയവസമാണ്. ഹിംസയാണ്.

ആ കുട്ടി പരാതി കൊടുത്താൽ കേസാണ്. മുകേഷ്‌ എന്ന നടനെക്കൊണ്ടു കയ്യടിച്ചു കയ്യടിച്ചു ആർത്തു ചിരിച്ചു സിനിമയിലും മിനിസ്ക്രീനിലും മലയാളി പറയിപ്പിച്ച ഡയലോഗ് ആണ് ഇവ, അയാളത് ജീവിതത്തിലേക്ക് കോപ്പി ചെയ്തു. അത്തരം ഡയലോഗ് ജനത്തിനോട് ഇനിയും പറയണമെങ്കിൽ മുകേഷ് MLA സ്ഥാനം രാജി വയ്ക്കണം. ചെയ്തിയിൽ ഖേദിക്കുന്നതായും ക്ഷമ ചോദിക്കുന്നതായും പറഞ്ഞത് സ്വാഗതാർഹം ആണ്. Edit :: ആ പയ്യൻ ഏത് പാർട്ടി ആയാലെന്ത് !! പറഞ്ഞതിൽ ഒരു വരി മാറ്റുന്നില്ല. പാർട്ടി നോക്കി നിലപാട് എടുക്കുന്നവർക്ക് മാറ്റാം. ഇവിടെ ആ പരിപ്പ് വേവില്ല.

Next Story