Top

നടിയെ അപമാനിച്ച കേസിലെ പ്രതികള്‍ ഇന്ന് തന്നെ കീഴടങ്ങും; ഹൈക്കോടതിയില്‍ മുന്‍കൂര്‍ ജാമ്യാപേക്ഷ സമര്‍പ്പിച്ചു

കൊച്ചി ലുലുമാളില്‍ യുവനടിയെ അപമാനിച്ചെന്ന കേസിലെ പ്രതികള്‍ ഇന്ന് തന്നെ കീഴടങ്ങും. കളമശേരി പൊലീസ് മുമ്പാകെയാണ് മങ്കട സ്വദേശികളായ ഇര്‍ഷാദ്, ആദില്‍ എന്നിവര്‍ കീഴടങ്ങുക. പ്രതികളുടെ കുടുംബവും അഭിഭാഷകനും കളമശേരിയിലേക്ക് പുറപ്പെട്ടു. അതേസമയം, ഇരുവരും ഹൈക്കോടതിയില്‍ മുന്‍കൂര്‍ ജാമ്യാപേക്ഷ സമര്‍പ്പിച്ചു. അപേക്ഷ നാളെ പരിഗണിക്കും. ഇതിനിടെ നടിയെ അപമാനിച്ചിട്ടില്ലെന്ന യുവാക്കളുടെ അവകാശവാദം തള്ളി നടിയുടെ കുടുംബം രംഗത്തെത്തി. ഇരുവരും നടിയോട് മോശമായി പെരുമാറിയെന്നും കേസുമായി സഹകരിക്കുമെന്നും നടിയുടെ കുടുംബം പറഞ്ഞു. ‘ശരീരത്തില്‍ സ്പര്‍ശിച്ചത് മനപൂര്‍വ്വമല്ലെങ്കില്‍ ക്ഷമ പറയേണ്ട […]

20 Dec 2020 6:03 AM GMT

നടിയെ അപമാനിച്ച കേസിലെ പ്രതികള്‍ ഇന്ന് തന്നെ കീഴടങ്ങും; ഹൈക്കോടതിയില്‍ മുന്‍കൂര്‍ ജാമ്യാപേക്ഷ സമര്‍പ്പിച്ചു
X

കൊച്ചി ലുലുമാളില്‍ യുവനടിയെ അപമാനിച്ചെന്ന കേസിലെ പ്രതികള്‍ ഇന്ന് തന്നെ കീഴടങ്ങും. കളമശേരി പൊലീസ് മുമ്പാകെയാണ് മങ്കട സ്വദേശികളായ ഇര്‍ഷാദ്, ആദില്‍ എന്നിവര്‍ കീഴടങ്ങുക. പ്രതികളുടെ കുടുംബവും അഭിഭാഷകനും കളമശേരിയിലേക്ക് പുറപ്പെട്ടു. അതേസമയം, ഇരുവരും ഹൈക്കോടതിയില്‍ മുന്‍കൂര്‍ ജാമ്യാപേക്ഷ സമര്‍പ്പിച്ചു. അപേക്ഷ നാളെ പരിഗണിക്കും.

ഇതിനിടെ നടിയെ അപമാനിച്ചിട്ടില്ലെന്ന യുവാക്കളുടെ അവകാശവാദം തള്ളി നടിയുടെ കുടുംബം രംഗത്തെത്തി. ഇരുവരും നടിയോട് മോശമായി പെരുമാറിയെന്നും കേസുമായി സഹകരിക്കുമെന്നും നടിയുടെ കുടുംബം പറഞ്ഞു. ‘ശരീരത്തില്‍ സ്പര്‍ശിച്ചത് മനപൂര്‍വ്വമല്ലെങ്കില്‍ ക്ഷമ പറയേണ്ട കാര്യം അവര്‍ക്കില്ല. മാളില്‍ പേരോ വിവരങ്ങളോ കൊടുക്കാതെയാണ് ഇരുവരും അകത്ത് കയറിയത്. സാധനങ്ങള്‍ ഒന്നും വാങ്ങിയിട്ടുമില്ല. ഇതില്‍ നിന്ന് വ്യക്തമാണ് അവര്‍ക്ക് ദുരുദ്ദേശമുണ്ടെന്ന്’- നടിയുടെ പിതാവ് റിപ്പോര്‍ട്ടര്‍ ടിവിയോട് പറഞ്ഞു.

തങ്ങള്‍ നടിയോട് മോശമായി പെരുമാറിയിട്ടില്ലെന്നാണ് ഇര്‍ഷാദും ആദിലും മാധ്യമങ്ങളോട് പറഞ്ഞത്. നടിയെ അപമാനിക്കാന്‍ മനപൂര്‍വ്വം ശ്രമിച്ചിട്ടില്ല. സംഭവത്തില്‍ നടിയോട് മാപ്പ് പറയാന്‍ തയ്യാറാണെന്നും യുവാക്കള്‍ പറഞ്ഞിരുന്നു. ”ജോലി ആവശ്യത്തിന് വേണ്ടിയാണ് കൊച്ചിയില്‍ പോയത്. ട്രെയിന്‍ സമയം അഡ്ജസ്റ്റ് ചെയ്യാന്‍ വേണ്ടിയാണ് മാളില്‍ പോയത്. അവിടെ വച്ചാണ് നടിയെ കണ്ടത്. നടിയാണെന്ന് ആദ്യം ഉറപ്പുണ്ടായിരുന്നില്ല. മറ്റൊരു കുടുംബം ഫോട്ടോ എടുക്കുന്നത് കണ്ടപ്പോഴാണ് നടിയാണെന്ന് ഉറപ്പിച്ചത്. അപ്പോള്‍ അവരുടെ അടുത്ത് പോയി എത്ര സിനിമയില്‍ അഭിനയിച്ചിട്ടുണ്ടെന്ന് ചോദിച്ചു. നാലു സിനിമയില്‍ അഭിനയിച്ചിട്ടുണ്ടെന്ന് ഗൗരവത്തില്‍ പറഞ്ഞു. പിന്നെ ഒന്നും ചോദിച്ചില്ല. അവിടെ നിന്ന് പോവുകയായിരുന്നു. നടിയുടെ പിറകെ നടന്നിട്ടില്ല. അറിഞ്ഞുകൊണ്ട് നടിയുടെ ശരീരത്തില്‍ സ്പര്‍ശിച്ചിട്ടില്ല. സമീത്തൂട് പോയി. അറിയാതെ തട്ടിയൊന്ന് സംശയമുണ്ട്. മറ്റൊരു ഉദ്ദേശം ഉണ്ടായിരുന്നില്ല. സംഭവത്തില്‍ നടിയോടും കുടുംബത്തോടും ഖേദം പ്രകടിപ്പിക്കാന്‍ തയ്യാറാണ്. അഭിഭാഷകന്‍ പറഞ്ഞത് കൊണ്ടാണ്ട് വീട്ടില്‍ നിന്ന് മാറി നിന്നത്.”-യുവാക്കള്‍ പറഞ്ഞു.

കഴിഞ്ഞദിവസമായിരുന്നു സംഭവം. ഷോപ്പിംഗ് മാളില്‍ വെച്ച് രണ്ട് ചെറുപ്പക്കാര്‍ തന്നെ അപമാനിക്കാന്‍ ശ്രമിച്ചെന്നായിരുന്നു നടിയുടെ വെളിപ്പെടുത്തല്‍. ശരീരത്തില്‍ സ്പശിച്ച ശേഷം ഇവര്‍ തന്നെ പിന്തുടര്‍ന്നെന്നെന്നും നടി പറഞ്ഞു. സംഭവ സമയത്ത് പ്രതികരിക്കാന്‍ കഴിയാത്തതില്‍ ഖേദമുണ്ടെന്നും ഇത്തരക്കാരുടെ മുഖത്തടിക്കേണ്ടതാണെന്നും നടി പറഞ്ഞിരുന്നു. കുടുംബത്തോടൊപ്പം ഷോപ്പിംഗിന് എത്തിയപ്പോഴാണ് നടിക്ക് നേരെ ഇത്തരമൊരു ദുരനുഭവം ഉണ്ടായത്. നടിയുടെ വെളിപ്പെടുത്തലിന്റെ അടിസ്ഥാനത്തില്‍ മാളിലെ സിസിടിവി ദൃശ്യങ്ങള്‍ പൊലീസ് പരിശോധിച്ചിരുന്നു. രണ്ടു യുവാക്കളാണ് യുവനടിയെ കടന്നുപിടിക്കാന്‍ ശ്രമിച്ചതെന്ന് സിസിടിവി ദൃശ്യങ്ങളില്‍ വ്യക്തമായിരുന്നു.

സംഭവത്തെക്കുറിച്ച് നടിയുടെ വാക്കുകള്‍: ”സോഷ്യല്‍ മീഡിയയില്‍ പതിവായി ശബ്ദമുയര്‍ത്തുന്ന വ്യക്തിയല്ല ഞാന്‍. എന്നാല്‍ ഇന്ന് നടന്ന സംഭവം പറയാതെ വയ്യ. രണ്ട് പേര്‍ എന്നെ ഹൈപ്പര്‍ മാര്‍ക്കറ്റില്‍ വച്ച് പിന്തുടരുകയും അപമാനിക്കാന്‍ ശ്രമിക്കുകയും ചെയ്തു. രണ്ട് പേരില്‍ ഒരാളാണ് തിരക്കിനിടയില്‍ എന്റെ ശരീരത്തെ സ്പര്‍ശിച്ച് കടന്നുപോയത്. ആദ്യം അയാള്‍ക്ക് അറിയാതെ പറ്റിയതാണോ എന്ന് സംശയിച്ചു. അതിനാല്‍ തന്നെ ഞാന്‍ പ്രതികരിച്ചില്ല. നല്ലതല്ലാത്ത ഒരു സ്പര്‍ശനവും നമുക്ക് മനസ്സിലാകും. എന്റെ സഹോദരി എല്ലാം വ്യക്തമായി കണ്ടിരുന്നു. അവള്‍ എന്റെ അരികില്‍ വന്ന് കുഴപ്പം ഒന്നും ഇല്ലല്ലോ എന്ന് ചോദിച്ചു. എന്നാല്‍ ഞാന്‍ ആകെ ഞെട്ടലിലായിരുന്നു. പിന്നീട്, ഇതുചോദിക്കാന്‍ അവരുടെ അരികിലേക്ക് നടന്നപ്പോള്‍ കണ്ടില്ലെന്ന് നടിച്ച് മാറി. എനിക്ക് മനസ്സിലായി എന്ന് അവര്‍ അറിയണമെന്ന് കരുതിയാണ് അത് ചെയ്തത്.

അവരോട് ദേഷ്യം വന്നെങ്കിലും ഒന്നും പറയുവാന്‍ സാധിച്ചിരുന്നില്ല. പിന്നീട്, കൗണ്ടറില്‍ പണമടയ്ക്കുവാന്‍ നില്‍ക്കുന്ന സമയത്ത് അവര്‍ എന്റെയും സഹോദരിയുടേയും അരികില്‍ എത്തി സംസാരിക്കുവാന്‍ ശ്രമിച്ചു. ഏതൊക്കെ സിനിമയിലാണ് ഞാന്‍ അഭിനയിച്ചത് എന്നാണ് അവര്‍ക്ക് അറിയേണ്ടിയിരുന്നത്. അതേസമയം, അവരെ അവഗണിക്കുകയും സ്വന്തം കാര്യം നോക്കി പോകുവാന്‍ പറയുകയും ചെയതു. അമ്മ ഞങ്ങളുടെ അടുത്തേക്ക് എത്തിയപ്പോഴേക്കും അവര്‍ അവിടെ നിന്നും പോയിരുന്നു. ഒരു കുറ്റബോധവും ഇല്ലാതെയാണ് അവര്‍ നടന്നുനീങ്ങിയത്.”

Popular Stories

    Next Story