Top

സിപിഐക്ക് നാല് മന്ത്രിമാർ, ചീഫ് വിപ്പ് പദവി വിട്ടു നൽകും; വകുപ്പ് വിഭജന ചർച്ചകൾ ഉടൻ

20-ാം തിയതി സത്യപ്രതിജ്ഞ പൂർത്തിയാക്കാനാണ് നിലവിലെ തീരുമാനം. കൊവിഡ് വ്യാപനവും മഴയും ശക്തമായാൽ ഇക്കാര്യത്തിൽ മാറ്റങ്ങളുണ്ടായേക്കാം

14 May 2021 2:08 AM GMT

സിപിഐക്ക് നാല് മന്ത്രിമാർ, ചീഫ് വിപ്പ് പദവി വിട്ടു നൽകും; വകുപ്പ് വിഭജന ചർച്ചകൾ ഉടൻ
X

തിരുവനന്തപുരം: രണ്ടാം പിണറായി വിജയൻ സർക്കാരിലെ വകുപ്പ് വിഭജന ചർച്ചകൾ ഉടൻ തുടങ്ങും. സിപിഐക്ക് ഇത്തവണ അഞ്ച് നാല് മന്ത്രി സ്ഥാനങ്ങൾ നൽകും. ഡപ്യൂട്ടി സ്പീക്കർ പദവും സിപിഐക്ക് തന്നെയായിരിക്കും. നേരത്തെ കേരളാ കോൺ​ഗ്രസിന് മന്ത്രി സ്ഥാനം വിട്ടുനൽകില്ലെന്ന് സിപിഐ വ്യക്തമാക്കിയിരുന്നു. പിന്നാലെയാണ് പുതിയ റിപ്പോർട്ട് പുറത്തുവന്നിരിക്കുന്നത്. അതേസമയം ചീഫ് വിപ്പ് പദവി വിട്ടു നൽകാമെന്ന് സിപിഐ അറിയിച്ചിയിട്ടുണ്ട്.

20-ാം തിയതി സത്യപ്രതിജ്ഞ പൂർത്തിയാക്കാനാണ് നിലവിലെ തീരുമാനം. കൊവിഡ് വ്യാപനവും മഴയും ശക്തമായാൽ ഇക്കാര്യത്തിൽ മാറ്റങ്ങളുണ്ടായേക്കാം. ഒരു എം.എൽ.എമാർ മാത്രമുള്ള ഘടക കക്ഷികളുമായും ഇന്ന് ചർച്ചയുണ്ടാകും. സിപിഐഎം നിർണായക വകുപ്പുകൾ വിട്ടുനൽകില്ലെങ്കിൽ വൈദ്യുത വകുപ്പ് വേണമെന്നായിരിക്കും കേരളാ കോൺ​ഗ്രസ് ആവശ്യപ്പെടുക. നിലവിൽ ആവശ്യപ്പെട്ട പ്രകാരം രണ്ട് മന്ത്രി സ്ഥാനങ്ങൾ ലഭിച്ചില്ലെങ്കിൽ ഒരു നിർണായ വകുപ്പിലേക്ക് പാർട്ടിയെ പരിഗണിക്കണമെന്നാണ് ജോസ് കെ മാണിയുടെ ആവശ്യം സിപിഐഎം പരി​ഗണിക്കുമെന്നാണ് സൂചന.

മന്ത്രിസഭാ രൂപീകരണത്തിന് മുന്‍പ് ഇടതുമുന്നണിയുടെ നിര്‍ണായക യോഗം തിങ്കളാഴ്ച്ച ചേരാനിരിക്കുകയാണ്. ഈ യോഗത്തില്‍ ഘടക കക്ഷികളുടെ മന്ത്രി സ്ഥാനങ്ങളുടെ കാര്യത്തില്‍ തീരുമാനമുണ്ടാകും. ധനകാര്യം, വിദ്യഭ്യാസം, തദ്ദേശം, ആരോഗ്യം, ആഭ്യന്തരം തുടങ്ങിയ ഏറ്റവും പ്രധാനപ്പെട്ട വകുപ്പുകളൊന്നും സിപിഐഎം വിട്ടുനല്‍കില്ല.

Next Story