ബലാത്സംഗവും കൊലപാതകങ്ങളും വര്‍ധിക്കുന്നതിന് കാരണം മുസ്‌ലിം ജനസംഖ്യയിലുണ്ടായ വര്‍ധനവെന്ന് ബിജെപി നേതാവ്

ഹരി ഓം പാണ്ഡെ

ലഖ്‌നൗ: ഇന്ത്യയിലെ മുസ്‌ലിം ജനങ്ങളെ അധിക്ഷേപിക്കുന്ന തരത്തില്‍ രൂക്ഷ വിമര്‍ശനവുമായി ലഖ്‌നൗവിലെ ബിജെപി വക്താവ്. രാജ്യത്ത് വര്‍ധിച്ചുവരുന്ന ബലാത്സംഗങ്ങളുടെയും കൊലപാതകങ്ങളുടെയും കാരണം മുസ്‌ലിം ജനസംഖ്യ വര്‍ധിക്കുന്നതാണ് എന്നാണ് ഹരി ഓം പാണ്ഡെയുടെ പ്രസ്താവന. മുസ്‌ലിം ജനസംഖ്യ വര്‍ധിക്കുന്നത് തടഞ്ഞില്ലെങ്കില്‍ ഇന്ത്യയില്‍ നിന്നും പാകിസ്താന്‍ പോലൊരു രാജ്യം വീണ്ടും രൂപംകൊള്ളുമെന്നും പാണ്ഡെ പറയുന്നു.

തീവ്രവാദം, ബലാത്സംഗം, ലൈംഗിക ഉപദ്രവങ്ങള്‍ എന്നിവ നടക്കുന്നത് വര്‍ധിച്ചുവരുന്ന മുസ്‌ലിം ജനസംഖ്യ കാരണമാണ്. സ്വാതന്ത്ര്യം ലഭിച്ചതിനുശേഷം മുസ്‌ലിങ്ങളുടെ ജനസംഖ്യയില്‍ വലിയ വര്‍ധനവ് ഉണ്ടായതായി പരിശോധിച്ചാല്‍ കാണാന്‍ സാധിക്കും. ജനസംഖ്യാ വര്‍ധനവ് രാജ്യത്ത് തൊഴിലില്ലായ്മയ ഉണ്ടാക്കുന്നതായും പാണ്ഡെ പറയുന്നു.

ജനസംഖ്യാ നിയന്ത്രണം ഏര്‍പ്പെടുത്തുന്നതിനായി പാര്‍ലമെന്റില്‍ ഒരു ബില്ല് അവതരിപ്പിക്കണം. എങ്കില്‍ മാത്രമേ മറ്റൊരു വിഭജനത്തില്‍ നിന്നും ഇന്ത്യയെ രക്ഷപ്പെടുത്താന്‍ സാധീക്കൂ എന്നും പാണ്ഡെ പറയുന്നു.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top