സിനിമാ തമ്പുരാക്കന്മാര്‍ തിലകനോട് മാപ്പുപറയുമോ? ചോദ്യവുമായി ആഷിഖ് അബു

കഴിഞ്ഞ ദിവസം നടന്ന അമ്മ യോഗത്തില്‍ ദിലീപിനെ വീണ്ടും സംഘടനയിലെത്തിക്കാന്‍ തീരുമാനമെടുത്തിരുന്നു. നടി ക്രൂരമായി പീഡിപ്പിക്കപ്പെട്ടതുമായി ബന്ധപ്പെട്ടാണ് ദിലീപിനെ സംഘടനയില്‍നിന്ന് പുറത്താക്കിയത്. എന്നാല്‍ കേസില്‍ തീര്‍പ്പുണ്ടാകുന്നതിന് മുമ്പാണ് സംഘടനയുടെ പുതിയ നീക്കം.

ഈ പശ്ചാത്തലത്തില്‍ അമ്മയോടും സിനിമാ തമ്പുരാക്കന്മാരോടും ചോദ്യമുന്നയിക്കുകയാണ് സംവിധായകന്‍ ആഷിഖ് അബു. ക്രിമിനല്‍ കേസില്‍ പ്രതിയായിരുന്നില്ല, സ്വന്തം അഭിപ്രായം തുറന്നുപറഞ്ഞു എന്ന’ കുറ്റത്തിന് ‘മരണം വരെ സിനിമത്തമ്പുരാക്കന്മാര്‍ ശത്രുവായി പുറത്തുനിര്‍ത്തിയ തിലകന്‍ ചേട്ടനോട് ‘അമ്മ’ മാപ്പുപറയുമായിരിക്കും, അല്ലേ ? എന്നാണ് ആഷിഖ് അബു സോഷ്യല്‍ മീഡിയയിലൂടെ ചോദിച്ചത്.

കഴിഞ്ഞ ദിവസം നടന്ന അമ്മ മീറ്റിംഗില്‍ വുമണ്‍ കളക്ടീവ് അംഗങ്ങള്‍ പങ്കെടുത്തില്ല. പൃഥ്വിരാജും ഏതാനും യുവതാരങ്ങളും കൂടി യോഗത്തില്‍നിന്ന് ഒഴിഞ്ഞുനിന്നു. ഇന്ന് വനിതാ സംഘടന ശക്തമായ പ്രസ്താവനയുമായി ദിലീപിനെ അമ്മയിലെടുക്കുന്നതിനെതിരെ രംഗത്ത് വന്നിട്ടുണ്ട്.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top