special page

“STREANH”, ഇംഗ്ലീഷ് ഭാഷയ്ക്ക് പുതിയ വാക്ക് സംഭാവന ചെയ്ത് മോദി; ഉദ്ദേശിച്ചത് ‘STRENGTH’; വിവരക്കേട് വിളിച്ചുപറഞ്ഞത് ചൈനാ സന്ദര്‍ശനത്തില്‍ (വീഡിയോ)

അറിവില്ലായ്മയും അത് പറയുന്നതും തെറ്റല്ല. അപ്രതീക്ഷിതമായ സാഹചര്യത്തില്‍ അറിവില്ലാത്ത ഭാഷയോ അറിവില്ലാത്ത വിഷയമോ സംസാരിക്കേണ്ടിവരുമ്പോള്‍ മനുഷ്യസഹജമായ പിശകുകള്‍ സ്വാഭാവികം. അത്തരത്തിലൊന്നിനെ പരിഹസിക്കാന്‍ പുരോഗമന സമൂഹം മുതിരില്ല. എന്നാല്‍ ഇന്ത്യന്‍ പ്രധാനമന്ത്രി ഒരു തരത്തിലും ന്യായീകരിക്കാനാവാത്ത പിശക് വരുത്തിയത് സോഷ്യല്‍ മീഡിയയില്‍ പ്രചരിക്കുന്നു.

ചൈനാ സന്ദര്‍ശനത്തിനിടെയാണ് സംഭവം. STRENGTH എന്ന വാക്ക് പറയാന്‍ ശ്രമിച്ചതാണ് മോദി. ഓരോ അക്ഷരവും ഇന്ത്യയുടെ ഏതേത് മേഖലകളെ പ്രതിനിധീകരിക്കുന്നു എന്ന് അദ്ദേഹം വിശദീകരിച്ചു. എന്നാല്‍ പറഞ്ഞുവന്നത് ഇങ്ങനെ- ‘S’ സ്റ്റാന്റ്‌സ് ഫോര്‍ സ്പിരിച്വാലിറ്റി, ‘T’ സ്റ്റാന്റ്‌സ് ഫോര്‍ ട്രെഡീഷന്‍, ട്രേഡ് ആന്‍ഡ് ടെക്‌നളജി. ‘R’ സേ റിലേഷന്‍ ഷിപ്, ‘E’ സേ എന്റര്‍ടൈന്‍മെന്റ്, ഹമാരാ മൂവി ഹേ, ഡാന്‍സസ് ഹേ, ഹമാരാ മ്യൂസിക്ക് ഹേ, ഓര്‍.. ‘A’ സേ ആര്‍ട്ട്. ‘N’ സേ നേഷന്‍. ഓര്‍ ‘H’ സേ ഹെല്‍ത്ത് സെക്ടര്‍. യെ സ്‌ട്രെങ്ങ്ത് അക്ഷരോം കെ സാത്, ഹമാരീ പൂരാ യോജനാ.. ഹം ബനാ സക്താ ഹൈ! കഴിഞ്ഞു!

ഇതിനിടയില്‍ ഇദ്ദേഹം പറഞ്ഞ അക്ഷരങ്ങള്‍ ഏതൊക്കെ എന്ന് ചിലര്‍ ശ്രദ്ധിച്ചു. പറഞ്ഞുവരുമ്പോള്‍ ചില അക്ഷരങ്ങള്‍ ഇല്ല, ചിലത് അധികമാണുതാനും! STREANH എന്നാണ് അദ്ദേഹം പറഞ്ഞത്. ഒരു പ്രധാനമന്ത്രിക്ക് വിദേശ രാജ്യത്തുവച്ച് പറഞ്ഞ പ്രഭാഷണത്തിനാണ് ഈ ഗതികേട്. പ്രധാനമന്ത്രിക്കും അദ്ദേഹത്തിന്റെ ഉപദേശകര്‍ക്കും സെക്രട്ടറിമാര്‍ക്കുമെല്ലാം ഇത് വിളിച്ചുപറയാനും എഴുതിനല്‍കാനുമുള്ള നിലവാരമേ ഉള്ളൂ എന്ന് കരുതിയാലും അത് ഇത്തരമൊരു അന്താരാഷ്ട്ര വേദിയിയില്‍ വച്ച് വേണമായിരുന്നോ എന്നത് മാത്രമാണ് ചോദ്യം.

മോദിയുടെ പ്രഭാഷണശകലം താഴെ കാണാം.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top