എഎഫ്‌സി ഏഷ്യാ കപ്പ്: യുഎഇയ്‌ക്കൊപ്പം ഇന്ത്യ ഗ്രൂപ്പ് എയില്‍

ദുബായ്: 2019 എഎഫ്‌സി ഏഷ്യന്‍ കപ്പിനുള്ള ഗ്രൂപ്പ് നിര്‍ണ്ണയം പൂര്‍ത്തിയായി. ആതിഥേയരായ യുഎഇയ്‌ക്കൊപ്പം ഗ്രൂപ്പ് എയിലാണ് ഇന്ത്യ. ബഹ്‌റൈന്‍, തായ്‌ലാന്‍ഡ് തുടങ്ങിയവയാണ് ഗ്രൂപ്പ് എയിലെ മറ്റ് ടീമുകള്‍. ഇത് നാലാം തവണയാണ് ഇന്ത്യ ഏഷ്യന്‍ കപ്പ് യോഗ്യത നേടുന്നത്.

ജനുവരി അഞ്ച് മുതല്‍ ഫെബ്രുവരി ഒന്ന് വരെ യുഎഇയിലാണ് എഎഫ്‌സി ഏഷ്യന്‍ കപ്പ് പോരാട്ടങ്ങള്‍ നടക്കുന്നത്. നാല് ടീമുകള്‍ വീതമുള്ള ആറ് ഗ്രൂപ്പുകള്‍ മത്സരിക്കും. നിലവിലെ ചാമ്പ്യന്മാരായ ഓസ്‌ട്രേലിയ ഉള്‍പ്പെട്ടതാണ് ഗ്രൂപ്പ് ബി. സിറിയ, പലസ്തീന്‍, ജോര്‍ദാന്‍, എന്നീ ടീമുകളും ഗ്രൂപ്പ് ബിയില്‍ ഉള്‍പ്പെടുന്നു.

ഗ്രൂപ്പ് എ- യുഎഇ, തായ്‌ലാന്‍ഡ്, ഇന്ത്യ, ബഹ്‌റൈന്‍.
ഗ്രൂപ്പ് ബി-ഓസ്‌ട്രേലിയ, സിറിയ, പലസ്തീന്‍, ജോര്‍ദാന്‍.
ഗ്രൂപ്പ് സി- കൊറിയ റിപ്പബ്ലിക്, ചൈന, കിര്‍ഗ്‌സ് റിപ്പബ്ബിക്, ഫിലിപ്പിന്‍സ്.
ഗ്രൂപ്പ് ഡി-ഇറാന്‍, ഇറാഖ്, വിയറ്റ്‌നാം, യമന്‍.
ഗ്രൂപ്പ് ഇ- സൗദി അറേബ്യ, ഖത്തര്‍, ലെബനാന്‍, ഉത്തരകൊറിയ
ഗ്രൂപ്പ് എഫ്- ജപ്പാന്‍, ഉസ്ബക്കിസ്ഥാന്‍, ഒമാന്‍, തുര്‍ക്‌മെനിസ്ഥാന്‍.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top