പൊളിറ്റ് ബ്യൂറോയില്‍ 17 അംഗങ്ങള്‍: എസ്ആര്‍പി തുടരും, കേരളത്തില്‍ നിന്ന് പുതുമുഖങ്ങളില്ല

ഹൈദരാബാദ്: സിപിഐഎമ്മിന്റെ 95 അംഗ പുതിയ കേന്ദ്രകമ്മറ്റിയെയും 17 അംഗ പൊളിറ്റ് ബ്യൂറോയെയും തെരഞ്ഞെടുത്തു. ഹൈദരാബാദിലെ ഇരുപത്തിരണ്ടാം പാര്‍ട്ടി കോണ്‍ഗ്രസിന്റെ സമാപന ദിവസമാണ് പുതിയ സിസിക്കും പിബിക്കും രൂപം നല്‍കിയത്. പാര്‍ട്ടി ജനറല്‍ സെക്രട്ടറിയായി സിതാറാം യെച്ചൂരി തുടരും. എസ് രാമചന്ദ്രന്‍ പിള്ള പിബിയിലും സിസിയിലും തുടരും. ബസുദേവ് ആചാര്യയുടെ അധ്യക്ഷതയില്‍ അഞ്ചംഗ കണ്‍ട്രോള്‍ കമ്മീഷനും രൂപം നല്‍കിയിട്ടുണ്ട്.

95 അംഗ സ്ഥിരം കേന്ദ്രകമ്മറ്റി അംഗങ്ങളില്‍ പത്തൊന്‍പത് പേര്‍ പുതുമുഖങ്ങളാണ്. ഇതില്‍ നാലുപേര്‍ കേരളത്തില്‍ നിന്നുള്ളവരാണ്. ഒരുസീറ്റ് ഒഴിച്ചിട്ടിരിക്കുകയാണ്. സ്ഥിരാംഗങ്ങള്‍ക്ക് പുറമെ ആറ് പ്രത്യേക ക്ഷണിതാക്കളും രണ്ട് സ്ഥിരം ക്ഷണിതാക്കളും അടങ്ങുന്നതാണ് പുതിയ സിസി. സംസ്ഥാന സെക്രട്ടറിയേറ്റ് അംഗം എംവി ഗോവിന്ദന്‍, സിപിഐഎം തൃശൂര്‍ ജില്ലാ സെക്രട്ടറി കെ രാധാകൃഷ്ണന്‍ എന്നിവരാണ് കേരളത്തില്‍ നിന്ന് കേന്ദ്രകമ്മറ്റിയില്‍ ഇടം നേടിയവര്‍. മുതിര്‍ന്ന നേതാക്കളായ വിഎസ് അച്യുതാനന്ദന്‍, പാലൊളി മുഹമ്മദ് കുട്ടി എന്നിവര്‍ പ്രത്യേക ക്ഷണിതാക്കളാണ്. പികെ ഗുരുദാസനെ കേന്ദ്രകമ്മറ്റിയില്‍ നിന്ന് ഒഴിവാക്കി. 82 വയസ് മാനദണ്ഡപ്രകാരമാണ് ഗുരുദാസനെ ഒഴിവാക്കിയിരിക്കുന്നത്.

പുതുതായി രൂപം നല്‍കിയ കേന്ദ്രകമ്മറ്റി അംഗങ്ങള്‍ യോഗം ചേര്‍ന്നാണ് 17 അംഗ പൊളിറ്റ് ബ്യൂറോയ്ക്ക് രൂപം നല്‍കിയത്. കേരളത്തില്‍ നിന്ന് പിബിയിലേക്ക് പുതുതായി ആരെയും ഉള്‍പ്പെടുത്തിയിട്ടില്ല. അതേസമയം, ബംഗാളില്‍ നിന്ന് നീലോല്‍പല്‍ ബസു, തപന്‍ സെന്‍ എന്നിവര്‍ പുതുതായി പിബിയിലെത്തി.

കേരളത്തില്‍ നിന്നുള്ള എസ് രാമചന്ദ്രന്‍ പിള്ളയെ കേന്ദ്രകമ്മറ്റിയിലും പിബിയിലും നിലനിര്‍ത്തിയിട്ടുണ്ട്. പ്രായാധിക്യം കാരണം ഒഴിയാന്‍ താന്‍ സന്നദ്ധനാണെന്ന് എസ്ആര്‍പി വ്യക്തമാക്കിയിരുന്നു. എന്നാല്‍ 80 വയസ് കഴിഞ്ഞൈങ്കിലും അദ്ദേഹത്തെ തുടരാന്‍ അനുവദിക്കുകയായിരുന്നു. അതേസമയം, എകെ പത്മനാഭനെ ഒഴിവാക്കി.

പിബി അംഗങ്ങള്‍: സിതാറാം യെച്ചൂരി, പ്രകാശ് കാരാട്ട്, എസ് രാമചന്ദ്രന്‍ പിള്ള, ബിമന്‍ ബസു, മണിക് സര്‍ക്കാര്‍, വൃന്ദ കാരാട്ട്, പിണറായി വിജയന്‍, ഹന്നന്‍ മൊല്ല, കോടിയേരി ബാലകൃഷ്ണന്‍, എംഎ ബേബി, സൂര്യകാന്ത് മിശ്ര, മൊഹമ്മദ് സലിം, സുഭാഷിണി അലി, ബിവി രാഘവലു, ജി രാമകൃഷ്ണന്‍, തപന്‍സെന്‍, നീലോല്‍പല്‍ ബസു.

കണ്‍ട്രോള്‍ കമ്മീഷന്‍ അംഗങ്ങള്‍: ബസുദേവ് ആചാര്യ, പി രാജേന്ദ്രന്‍, എസ് ശ്രീധര്‍, ജി രാമലു, ബോനാനി ബിശ്വാസ്‌

കേന്ദ്രകമ്മറ്റി അംഗങ്ങള്‍:

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top