ഐപിഎല്‍: ബാംഗ്ലൂരിനെ അടിയറവ് പറയിപ്പിച്ച് കൊല്‍ക്കത്ത

കൊല്‍ക്കത്ത: കരുത്തുറ്റ ബാറ്റിംഗ് നിരയുള്ള ബാംഗ്ലൂര്‍ റോയല്‍ ചലഞ്ചേഴ്‌സിനെ കൊമ്പുകുത്തിച്ച് കൊല്‍ക്കത്ത നൈറ്റ് റൈഡേഴ്‌സ്. നാല് വിക്കറ്റിനാണ് കൊല്‍ക്കത്ത ബാംഗ്ലൂരിനെ തകര്‍ത്തത്. 177 റണ്‍സിന്റെ വിജയലക്ഷ്യം 18.5 ഓവറില്‍ കൊല്‍ക്കത്ത മറികടന്നു.

19 പന്തില്‍നിന്ന് 50 റണ്‍സ് അടിച്ചുകൂട്ടിയ സുനില്‍ നരെയ്‌ന്റെ അസാമാന്യ ഇന്നിംഗ്‌സാണ് കൊല്‍ക്കത്തയ്ക്ക് വന്‍ കുതിപ്പ് നല്‍കിയത്. 25 പന്തില്‍ 34 റണ്‍സെടുത്ത നിതീഷ് റാണയും 29 പന്തില്‍ 35 റണ്‍സെടുത്ത ദിനേശ് കാര്‍ത്തിക്കും സ്‌കോറിംഗിന് ആക്കം കൂട്ടി.

നേരത്തെ 27 പന്തില്‍ 43 റണ്‍സെടുത്ത മക്കല്ലത്തിന്റെയും 23 പന്തില്‍ 44 റണ്‍സെടുത്ത എബിഡിയുടേയും 18 പന്തില്‍ 37 റണ്‍സെടുത്ത മന്‍ദീപിന്റെയും ഇന്നിംഗ്‌സാണ് ബാംഗ്ലൂരിന് മികച്ച സ്‌കോര്‍ സമ്മാനിച്ചത്. വിരാട് 33 പന്തുകള്‍ നേരിട്ട് 31 റണ്‍സെടുത്തു.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top