ഇന്ത്യയ്ക്ക് നാലാം സ്വര്‍ണം, വീണ്ടും ഭാരോദ്വഹനം; മെഡല്‍ പട്ടികയില്‍ നാലാമത്

ഗോള്‍ഡ് കോസ്റ്റ്: ഇരുപത്തിയൊന്നാമത് കോമണ്‍വെല്‍ത്ത് ഗെയിംസില്‍ ഇന്ത്യയുടെ സ്വര്‍ണക്കൊയ്ത്ത്. ആദ്യ ദിനത്തില്‍ മീരാബായ് ചാനു തുടക്കമിട്ട സ്വര്‍ണവേട്ട ഭാരോദ്വഹനത്തില്‍ ഇന്ത്യ തുടരുകയാണ്. മൂന്നാം ദിനം ഭാരോദ്വഹനത്തില്‍ ഇന്ത്യ രണ്ട് സ്വര്‍ണം ഉയര്‍ത്തി. പുരുഷന്‍മാരുടെ 85 കിലോ വിഭാഗത്തില്‍ വെങ്കട് രാഹുല്‍ രഗാലയാണ് മൂന്നാം ദിനത്തിലെ രണ്ടാം സ്വര്‍ണം കരസ്ഥമാക്കിയത്.

ഇതോടെ ഇന്ത്യയുടെ സ്വര്‍ണസമ്പാദ്യം നാലായി. മൊത്തം മെഡല്‍ നേട്ടം ആറും. എല്ലാം ഭാരോദ്വഹനത്തില്‍ നിന്ന് തന്നെ. ഒട്ടാകെ 338 കിലോ ഉയര്‍ത്തിയാണ് വെങ്കട് രാഹുല്‍ സ്വര്‍ണം കൈപ്പിടിയിലൊതുക്കിയത്. സ്‌നാച്ചില്‍ 187 കിലോയും ക്ലീന്‍ ആന്റ് ജെര്‍ക്കില്‍ 151 കിലോയും ഉയര്‍ത്തിയാണ് വെങ്കടിന്റെ സ്വര്‍ണവേട്ട.

നേരത്തെ മൂന്നാം ദിനത്തില്‍ പുരുഷന്‍മാരുടെ 77 കിലോ വിഭാഗത്തില്‍ നിലവിലെ ചാമ്പ്യനായ സതീഷ് ശിവലിംഗം സ്വര്‍ണം നേടിയിരുന്നു.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top